”ოპოზიციის ლოგიკა არის გაღუნული და თვალი იარაღის ჟღარუნზე უჭირავთ” – სარჯველაძე

არცერთ შემთხვევაში მისაღები არ არის, ასეთ პირობაზე დათანხმება იქნებოდა კორუფციული გარიგება, – ასე ეხმაურება „პალიტრანიუსის“ ეთერში საპარლამენტო უმრავლესობის წევრი მიხეილ სარჯველაძე  ინიციატივას საყოველთაო ამნისტიის შესახებ.

მისი თქმით, ოპოზიცია რეალური საკითხების განხილვაზე არაა ორიენტირებული და „თვალი იარაღის ჟღარუნზე უჭირავს“.

„საუბედუროდ, ჩვენი ქვეყნის გარკვეული ნაწილი ენდობა ძალას, რომელიც ქმნის ამ ქვეყნის განვითარებისთვის ერთ-ერთ ყველაზე მთავარ შემაფერხებელ ფაქტორს, ეს გახლავთ დესტრუქციული ოპოზიცია, რომელიც რეალურად საკითხების განხილვაზე საერთოდ არ არის ორიენტირებული და ერთადერთი რაზეც თვალი უჭირავს ეს არის იარაღის ჟღარუნი, პოლიტიკური თვალსაზრისით იარაღის ჟღარუნი. სხვას მეტს ვერც შემოგვთავაზებენ.

თქვენ ფიქრობთ, რომ ეს შეიძლება იყოს რეალისტური და დააწყნარებდა ქვეყანას და ბატონები, ჩემი კოლეგები, რომლებიც პარლამენტში მოღვაწეობენ, ის ხალხი გამოვა, იღლიაში ამოიჩრიან საქაღალდეებს და იმუშავებენ კანონპროექტებზე? მე კიდევ გამოვრიცხავ, ზღაპარია, თავად არ სჯერათ, ეღიმებათ, როცა ამაზე ლაპარაკობენ“, – განაცხადა  მიხეილ სარჯველაძემ.

მიხეილ სარჯველაძე  გადაცემაში ბადრი ჯაფარიძესაც უპასუხა, რომლის თქმითაც, საკონსტიტუციო ცვლილებებთან დაკავშირებით „ქართული ოცნება“ ცდილობს, რომ ოპოზიცია კიდევ ერთხელ „გააცუროს“.

„არავინ არავის გადაუგდია, ლოგიკა არის გაღუნული უბრალოდ მათი, მაშინ უნდა მითხრას ვიღაცამ, ამიხსნას, მიშელის დოკუმენტიდან გასვლის შემდეგ თუ თავიდანვე ჩაფიქრებული იყო, რომ ვინმე გადაგვეგდო, რაში გვაწყობდა, ინტერესი რა იყო? ბადრი ჯაფარიძე იძახის, პირველად მოგვატყუესო, მერე მეორედ მოგვატყუესო, მესამედ მიშელის დოკუმენტიდან გასულები რომ იყვნენო, კიდევ მოგვატყუესო, მოტყუებას აზრი აქვს, როდესაც რაღაც ინტერესი გაქვს, გასართობად ხომ არავინ მუშაობს პოლიტიკაში“, – განაცხადა  მიხეილ სარჯველაძემ.

გააზიარეთ და მოიწონეთ სტატია:

მსგავსი სტატიები:

ღარიბაშვილის თქმით, ათწლიანი განვითარების “ახალ ამბიციურ” გეგმას შეიმუშავებს “ჩვენი ჭკუის ნაყოფს ვიმკით აგერ თუნდაც ბოლო ასი წლის განმავლობაში”… “თქვენ ვერ წარმოიდგენთ, როგორი იაღლიში მოგივიდათ დღეს და როგორ დამარცხდით” ირაკლი კიკნაველიძემ „ევროპული საქართველო“ დატოვა “პრობლემა აღმოფხვრილია და ლარის კურსი მყარდება” “მართლა კულულები აქვს დასახევი კობახიძეს…ესენი ლაპარაკობენ ვინმეს მიმართ ძალადობაზე? “-ხაბეიშილი მიხეილ სააკაშვილის უკრაინელი ადვოკატი ქვეყანაში შემოუშვეს – ევგენი გრუშოვეცი გორის სამხედრო ჰოსპიტალში მივიდა რუსეთში ბიზნესმენი ალექსანდრე ებრალიძე დააკავეს