iPhone-ბის “წყალგაუმტარობის” გამო კომპანია Apple 10 მილიონი ევროთი დააჯარიმეს

იტალიის ანტიმონოპოლიურმა ორგანომ, Apple-ს, 10 მილიონი ევროს ოდენობის ჯარიმა დააკისრა არაკეთილსინდისიერი სარეკლამო კამპანიის გამო.

რეგულატორის განცხადებით, Apple-ს თავის რეკლამაში შეცდომაში შეჰყავს მომხმარებელი იმის თაობაზე, თუ რამდენად ღრმად და დიდხანს შეუძლია iPhone-ს წყალში გაძლება დაზიანების გარეშე.

სხვადასხვა მარკეტინგულ მასალებში Apple ირწმუნება, რომ iPhone 8, iPhone 8 Plus, iPhone XR, iPhone XS, iPhone XS Max, iPhone 11, iPhone 11 Pro, iPhone 11 Pro Max ინარჩუნებენ წყალგამძლეობას 1 მეტრიდან 4 მეტრამდე სიღრმეზე 30 წუთის განმავლობაში, მოდელიდან გამომდინარე, რაც რეალობას არ შეესაბამება.

იტალიის ანტიმონოპოლიური ორგანო ასევე აღნიშნავს, რომ რეკლამაში განმარტებული არაა, რომ ეს სარეკლამო განცხადებები მხოლოდ გარკვეული პირობების შემთხევაშია მართებული, მაგალითად, კონტროლირებად ლაბორატორიულ ცდებში სუფთა წყლის გამოყენებით.

რეგულირებადი ორგანო არ ეთანხმება Apple-ს საგარანტიო პირობებსაც, რომელიც არ ფარავს ზარალს მიყენებულს სითხეებისგან – ორგანომ არასამართლიანად მიიჩნია წინა პლანზე წყალგამძლეობის წამოყენება და ამავდროულად უარის თქმას დასველებისგან დაზიანებული მოწყობილობების შეკეთებაზე.

შეგახსენებთ, 2018 წელს, ამავე ორგანომ Apple 10 მილიონი ევროთი დააჯარიმა, სმარტფონების მიზანმიმართული შენელების გამო.

ავტორი: ირაკლი სალუქვაძე

გააზიარეთ და მოიწონეთ სტატია:

მსგავსი სტატიები

  • 37
    TI: ხელისუფლება ივანიშვილის გავლენის ქვეშაასაერთაშორისო გამჭვირვალობა-საქართველო აქვეყნებს მოკვლევას არაფორმალური მმათველობის პრობლემასა და მისი შედეგების შესახებ. ორგანიზაციის შეფასებით, "ქართული ოცნების მმართველობის ორი ვადის გასვლის თავზე დაგროვილი მტკიცებულებები საკმარისია იმის სათქმელად, რომ კორუფციამ საქართველოში სახელმწიფოს მიტაცების ფორმა მიიღო დღეის მდგომარეობით, საქართველოს ხელისუფლების აღმასრულებელი შტო მთლიანად ერთი ადამიანის გავლენის ქვეშაა. აღმასრულებელ ხელისუფლებას გამოცლილი აქვს შეკავებისა და გაწონასწორების დემოკრატიული მექანიზმები, რაც განპირობებულია…
    Tags: და, არ, რომ
  • 35
    მიტროპოლიტ ნიკოლოზის მტკიცებით, ნაჩუქარი iPhone 12 Pro-თი ფილმს გადაიღებს და ამით ხალხს გაახარებსმეუფე ნიკოლოზის თქმით, მობილურების მაღაზია iStyle-ის ნაჩუქარ iPhone 12 Pro-ს ფილმების გადაღებისთვის გამოიყენებს და ამით ხალხს გაახარებს. ამის შესახებ მან TV პირველის ეთერში განაცხადა. "ეს ყველაფერი iphone 11 Pro დაიწყო, მინდა გთხოვოთ ყველას სულ ორი წუთი დაგჭირდებათ YouTube-ზე შეგიძლიათ ნახოთ ფილმი, მე მაჩუქეს ეს ტელეფონი თავისდროზე იმიტომ, რომ ამ ტელეფონით გადავიღე…
    Tags: iphone, და, რომ, pro
  • 31
    „მე მაქვს iPhone 11 PRO – ბოლო მოდელი არაა, გამოვიდა უკვე iPhone 12“ – მეუფე ნიკოლოზიმეუფე ნიკოლოზი „ტვ პირველის“ ეთერში განმარტავს, თუ რაში სჭირდება IPhone 11 PRO. „კამერა ეს არის იარაღი ადამიანის ხელში, მეც მაქვს კამერა და ბრალი დამდეს, რომ ბოლო მოდელი ტელეფონი მაქვს და ეს იმიტომ, მაქვს რომ გადიდების ფუნცია აქვს, ლინზა არ სჭირდება ადრე ლინზით ვიღებდი. შემიძლია ეხლა გადაგიღოთ და ხმაც ჩაიწერება, თორემ…
    Tags: iphone, და, რომ, pro, არ