“ვინც კიდევ ვერ გაიგო ამ ბრძოლის არსი”… – ნიკა მელიას მიმართვა

ნაციონალური მოძრაობის თავმჯდომარე ნიკა მელია განცხადებას ავრცელებს და განმარტავს მასობრივი შიმშილობის აქციის არსს, რომელიც პარტიამ რამდენიმე დღის წინ დაიწყო. წერს, რომ დღეს საქართველოს მესამე პრეზიდენტი მიხეილ სააკაშვილი პოლიტპატიმარია და თუ რეჟიმი მის ტყვედ აყვანას ბედავს, დაიჭერს ყველა ნებისმიერ პირს.

ნიკა მელიას მიმართვას უცვლელად გთავაზობთ:

”ვინც კიდევ ვერ გაიგო ამ ბრძოლის არსი:

1. სააკაშვილი დღეს პოლიტპატიმარია, მიუხედავად იმისა, მოგწონთ თუ არ მოგწონთ მისი პოლიტიკური საქმიანობა

2. თუ რეჟიმი ბედავს პოლიტიკური ნიშნით ქვეყნის მესამე პრეზიდენტის ტყვეობაში აყვანას – გაბედავს ყველაფერს, დაიჭერს სხვა პარტიების ლიდერებს, მედიის მფლობელებს, ნებისმიერ ოპონენტს

3. რომ ვიცოდეთ, რომ სასამართლო მაინც არსებობს ქვეყანაში, მართლმსაჯულების სიტყვას დაველოდებოდით -, ამ ქვეყანაში ვინმეს ობიექტური პროცესის მოლოდინი რომ ჰქონდეს, რადიკალურ პროტესტს არავინ მიმართავდა

4. მურუსიძის სასამართლო რეჟიმის მათრახია და არა სასამართლო

5. პროტესტი არაძალადობრივი უნდა იყოს, სხვა შემთხვევაში 90 წლების კატასტროფას დავუბრუნდებით

6. არავის მოწყალებაზე არაა მიმართული შიმშილობა, არავის აქვს მოლოდინი, რომ ,,ბიძინას შევეცოდებით” – შიმშილობის მიზანი ზოგადადაც და ახლაც არის – გამოაფხიზლოს საერთაშორისო თანამეგობრობაც და ინდეფერენტული ძილიდან გამოიყვანოს ჩვენი საზოგადოებაც

რა თქმა უნდა შიმშილობა საბოლოო პოლიტიკური მიზნების მისაღწევად არაა საკმარისი. ეს მხოლოდ თვალსაჩინო უსამართლობის შესაწყვეტად გამოიყენება!

7. განა სხვა გზები არ არსებობს? კი არსებობს და არავისთვის აგვიკრძალია სხვა გზები გამოიყენოს – ყველამ თავის ბრძოლის გზა აირჩიოს, მხოლოდ მხარს დავუჭერ

8. მხარს ვერ დავუჭერ საახალწლო ,,სტრატეგიულ არაფრისკეთებას” და მენტორულ დაწუნებას ჩვენი პროტესტისა – პერსონალურ პროტესტს და ბრძოლას ყოველთვის აქვს დიდი მორალური ძალა!

9.არჩევნებს უარვყოფთ? არა – პირიქით მივდივართ იქეთ, რომ არჩევანის უფლება დავიბრუნოთ

10.შიმშილობით რატომ ისუსტებთ თავს? იმიტომ რომ ქვეყანაში საპროტესტო ხმა გაძლიერდეს

11.ზოგიერთს ოპოზიციაში ყოფნა ესმის მხოლოდ როგორც კოლეგა ოპოზიციონერების კრიტიკა და მუმდივად ექსპერტული პიედესტალიდან მოგვმართავს. ჩვენ არ ვართ პოლიტიკის ექსპერტები და კომენტატორები, რომლებიც გარედან უყურებენ პროცესებს – ჩვენ ყოველთვის ვიბრძვით და ვმოქმედებთ, – წერს ნიკა მელია.

გააზიარეთ და მოიწონეთ სტატია:

მსგავსი სტატიები:

ვიმოძრაოთ რიგგარეშე არჩევნებამდე – მარგველაშვილი რატომ დაუპირისპირდნენ ერთმანეთს ოზურგეთის საკრებულოს დეპუტატი და სამოქალაქო აქტივისტი ანრი ოხანაშვილი: „ამნისტია გავრცელდება ყველა პირზე“ აღდგომის ღამეს გადაადგილება რამდენიმე საათით შესაძლებელი იქნება მინდა, მივესალმო პოლიტპატიმარ რურუას, პოლიტპატიმარ ნიკა მელიას – სალომე სამადაშვილი კამერები გამოაგზავნეთ… პირდაპირ ივანიშვილს ვხვდები იმავე სასტუმროში – სააკაშვილი “ოცნების” ხელისუფლებამ პიარის თანამშრომლებზე 140 მლნ ლარზე მეტი დახარჯა ინტერვიუ მოსამართლესთან, რომელმაც გირგვლიანის მკვლელობაში მსჯავრდებულები ვადაზე ადრე გაათავისუფლა, ახლა კი სააკაშვილს ასამართლებს