სახელმწიფო ინსპექტორის სამსახურის ხელმძღვანელი ლონდა თოლორაია მის უწყებასთან დაკავშირებულ ახალ ინიციატივას ეხმაურება და წერს, რომ მანაც და მისმა თანამშრომლებმაც ინფორმაცია, რომ შესაძლოა სამსახური გაუუქმონ, მედიისგან გაიგეს.
თოლორაია წერს, რომ კანონპროექტი კონსპირაციულად და დაჩქარებული წესით დაინიცირდა:
“დღეს, ,,წინასაახალწლო სიურპრიზად”, მე და ჩემმა თანამშრომლებმა, ინტერპრესნიუსიდან გავიგეთ, რომ 2021 წლის 22 დეკემბერს, კონსპირაციულად, დაჩარებული წესით, დაინიცირდა კანონპროექტი, სახელმწიფო ინსპექტორის სამსახურის ,,გაუქმების” შესახებ.
ეს მაშინ, როცა 2021 წლის 9 დეკემბრიდან საქართველოს პარლამენტთან ვცდილობ კომუნიკაციას სამსახურის ინსტიტუციური გაძლიერების მიზნით შემუშავებული კანონპროექტის დაინიცირებაზე (ამ კოორდინაციის პროცესში, პარლამენტის წარმომადგენელთა მხრიდან არც ერთი სიტყვა თქმულა ზემოაღნიშნულ ინიციატივაზე). შესაბამისი კანონპროექტი გუშინ (24 დეკემბერს) გავაგზავნეთ საქართველოს პარლამენტში.
რა თქმა უნდა კითხვის ნიშნებს ბადებს, დასვენების დღეებში, კანონპროექტის დაინიცირება დაჩქარებული წესით, სახელმწიფო ინსპექტორის სამსახურის ჩართულობისა და ფართო საზოგადოებრივი განხილვის გარეშე.
იმედი მაქვს, ეს პროცესი შეჩერდება!
მაშინ, როცა გავეცნობი კანონპროექტს და მექნება მეტი ინფორმაცია ამ საკითხთან დაკავშირებით, გავაკეთებ უფრო დეტალურ კომენტარს.
მანამდე კი, სახელმწიფო ინსპექტორის სამსახურის თანამშრომლებო, ვაგრძელებთ ჩვენს საქმიანობას, რომელიც ყოველთვის იყო, არის და იქნება კანონით ნაკარნახევი”,-წერს ლონდა თოლორაია.
მსგავსი სტატიები:
“ერთხელაც-ქვეყანა თუ სახელმწიფო?”
მეუფე პეტრე შესაძლოა ეკლესიიდან განკვეთონ – 11 თებერვალს სინოდი იკრიბება
V კლასიდან მოსწავლეებისთვის პირბადის ტარება სავალდებულო ხდება
ზურაბიშვილი: ოცნებამ ნაცების დედა, დანარჩენი ოპოზიციის დედაც, მიშელის დედაც და თქვენი დედაცო
მაქვს კონკრეტული არჩევანი – კალაძე და მელია… მე ვხაზავ ოპოზიციას – მარგველაშვილი
“ტვინი უნდა იყოს მზაობაში, რომ ენით ნათქვამი სიტყვა ტვინმა რამდენიმე ხნის მერე არ უარყოს“-კახაძე
ჩემი პრემიერობის პირობებში, არცერთი მოქალაქე არ იდგება კანონზე მაღლა და კანონზე დაბლა – ღარიბაშვილი
“რუსეთის ტერმინოლოგიით საუბრობს და ისე ქადაგებს, რომ მისი პრორუსობა რუსეთის პატრიარქ კირილს შეშურდებოდა” -სააკაშვილი მეუფე იოანეზე