“ეს განგრძობითი წამებაა… ეს ჰოსპიტალი დღეიდან უკვე 1000%-ით აღარ არის სარეაბილიტაციო სივრცე” – ამის შესახებ საქართველოს მესამე პრეზიდენტის ადვოკატმა ნიკა გვარამიამ გორის სამხედრო ჰოსპიტალთან ისაუბრა. ის კლინიკაში მესამე პრეზიდენტის პირადი ექიმებისა და მის შესვლას ითხოვს.
ნიკა გვარამიას თქმით, გორის სამხედრო ჰოსპიტალში, არა მიხეილ სააკაშვილის რეაბილიტაცია, არამედ მისი წამება მიმდინარეობს.
“პირველ რიგში, მე ამ წუთში კატეგორიულად მოვითხოვ მისი პირადი ექიმების და ჩემ შესვლას. მათ უნდა შეამოწმონ მისი ჯანმრთელობის მდგომარეობა და მე უნდა შევამოწმო უფლებრივი მდგომარეობა მისი, რა ვითარებაა. ასევე თუ იქ იყო დაპირისპირება, აქვს თუ არა მიხეილ სააკაშვილს დაზიანებები.
რეაბილიტაციაზე ლაპარაკი ზედმეტია საერთოდ, ამ კლინიკაში ვეღარაფერი მოხდება, რასაც რეაბილიტაცია ჰქვია, ეს ფაქტია. ადამიანს ეს რეაბილიტაცია არ გაუვლია და მართლა განგრძობითი წამების ქვეშ ჰყავთ. მე წარმოუდგენლად მიმაჩნია ამ ვითარებაში ჩვეულებრივად, ნორმალურად ცხოვრების გაგრძელება. როცა მოუნდება ქართულ ოცნებას, მაშინ აწამებს, ამ რეჟიმში ვართ.
მე მინდა უკრაინის სახელმწიფოს მივმართო ბევრად უფრო მკაფიო და აქტიური იყოს ამ მიმართულებით. მე ცხადია, საყვედურს არ ვამბობ, მაგრამ ჩემი ხედვა მაქვს არსებულ მოვლენებზე. ეს არის ადამიანის წამება, პირდაპირ, არაერთგზის და შეგნებულად და მიზანმიმართულად. სახალხო დამცველსაც მივმართავ, რომ მყისიერი რეაგირება გააკეთოს ამ საკითხთან დაკავშირებით. მიხეილ სააკაშვილის აქედან გაყვანის უფლება არ ჰქონდა არავის, მით უმეტეს ადვოკატებისა და მისი ექიმების გარეშე. ამ საკითხთან დაკავშირებით არსებობს არა ერთი კონსილიუმი, მათ შორის სახელმწიფო, რომელსაც აღნიშნული დასკვნა უნდა გაეცა. ჩვენ ახლა ვიგებთ, რომ რომელიღაცა ექიმის ფორმა 100-ის საფუძველზე ხდება ნომერი 1-ლი პატიმრის, ჩემთვის მძევლის, სიცოცხლით მანიპულირება და კლინიკიდან პრაქტიკულად ის არის გაწერილი დღეის მდგომარეობით, ფორმა 100-ის შევსების საფუძველზე. ეს არანორმალური და არაჰუმანური კი არ არის, ეს არის კატასტროფიული ჩამოშლა სახელმწიფოსი”, – თქვა ნიკა გვარამიამ.
მსგავსი სტატიები:
“გვაჯობა ჭკუით მოსულმა მტერმა”
“ავტოიმპორტიორებისთვის დაწესებული შეღავათების ვადა პირველ ივნისამდე გახანგრძლივდა”
“კორპუსის ფასადზე ოკუპაციის 100 წლისადმი მიძღვნილი გრაფიტის მხატვრობა დასრულდა”
მოსახლეობა მამა ნაუმის მიწის მიტაცებაში ადანაშაულებს – “არ მაინტერესებს მოსახლეობა რას ამბობს”
გილოცავთ… საქართველოს სხვა ალტერნატივა არ აქვს – პავილიონისი ენმ-ის გადაწყვეტილებაზე
კადრების კადრება – რის მიღწევას ცდილობს “ოცნება”
სახელმწიფო დაცვის თადარიგის პოლკოვნიკის მიმართვა-“მეგობრებო, ნუ შეასრულებთ პუტინის რუსეთის მონა მთავრობის უკანონო დავალებებს”
..საიდან უნდა იცოდეთ განსხვავება ფუნთუშებზე გაზრდილმა ახალგაზრდამ – ხუხაშვილი ბრეგაძეს