რუსეთის ეკლესია მართლმადიდებლობასთან კავშირს წყვეტს – “მსოფლიო საეკლესიო სიახლენი”

რუსეთის ეკლესია სქიზმაში გადის და მართლმადიდებლობასთან კავშირს წყვეტს – ინფორმაციას მსოფლიო საეკლესიო სიახლენი ავრცელებს.

გამოცემა წერს, რომ 29 დეკემბერს, მოსკოვში პატრიარქ კირილეს ხელმძღვანელობით რუსეთის ეკლესიის უმაღლესი საეკლესიო საბჭო შედგა.

როგორც ყოველთვის, რუსეთის საეკლესიო კრებამ იგივე ტაქტიკას მიმართა, როგორც ეს საქართველოს და სხვა ეკლესიების შემთხვევაში გააკეთა. შეიჭრა სხვა ადგილობრივი მართლმადიდებელი ეკლესიის კანონიკურ იურიადიქციაში და მისი ანტიკანონიკური და სქიზმატური  ეპარქია დააარსა.

ამჯერად შური ალექსანდრიის უძველეს და ისტორიულ საპატრიარქოზე იძია, რომელმაც სრული კანონიკის დაცვით აღიარა უკრაინის ავტოკეფალური ეკლესია. აფრიკა, რომელიც ალექსანდრიის საპატრიარქოს საეკლესიო იურიადიქციაში შედის, რუსეთის ეკლესიამ იქ ორი ეპარქია დააარსა და ალექსანდრიის მართლმადიდებელი ეკლესიის მიერ განკვეთილი სასულიერო პირები, რომლებიც ერისკაცის დონემდე იყვნენ დაყვანილი მღვდლებად მიიღო. ამ გზით რუსეთის ეკლესია თავად გახდა სქიზმატური, რადგან ერისკაცები სასულიერო პირებებად აღიარა და სქიზმატური დაჯგუფებები კანონიკურად შერაცხა. შესაბამისად სქიზმატიასა და ერეტიკოსის თანამაზიარებელი თავად სქიზმატი და ერეტიკოსია.

ალექსანდრიის საპატრიარქოს კმერუნის მიტროპოლიტი გრიგოლი აღნიშნავს, რომ რუსეთის ეკლესიამ აფრიკაში არსებულ სქიზმატურ და არამართლმადიდებლურ თვითმარქვიებთან დაამყარა ევქარისტიული კავშირი.

წმინდა კანონიკური ტრადიციის თანახმად ალექსანდრიის საპატრიარქოს მიერ განკვეთილი სასულიერო პირების კვლავ აღდგენა მხოლოდ თავად ალექსანდრიის საპატრიარქოსა და მსოფლიო საპატრიარქოს შეუძლია მეოთხე მსოფლიო საეკლესიო კრების IX და XVII კანონებზე დაყრდნობით, როგორც ეს ამავე კანონებზე დაყრდნობით მოხდა უკრაინის ეკლესიის შემთხვევაში.

ზემოაღნიშნულიდან გამომდინარე რუსეთის ეკლესიამ უარყო მსოფლიო საეკლესიო კრებათა და წმინდა მამათა დადგენილებები, რის შედეგადაც სრულად გამოეყო მართლმადირებლობას და უკვე de facto სქიზმატურ დაჯგუფებად ჩამოყალიბდა.

თუ გადავხედავთ ეკლესიის ისტორიას ვიხილავთ, რომ თვით რომის ეკლესიასაც კი არ ჩაუდენია მსგავსი დანაშაულებანი მართლმადიდებელი ეკლესიის წინააღმდეგ, რასაც დღეს რუსეთის სქიზმატური ეკლესია აკეთებს. აქვე უნდა აღინიშნოს, რომ ამ ქმედებით რუსეთის ეკლესია საკუთარ თავს სქიზმისკენ, იზოლაციისა მართლმადიდებლობიდან შორს მიუძღვის, – წერს მსოფლიო საეკლესიო სიახლენი. 

გააზიარეთ და მოიწონეთ სტატია:

მსგავსი სტატიები:

ხორვატიაში მიწისძვრის შედეგად დაღუპულთა რიცხვი გაიზარდა შქმერულის ნახევარფაბრიკატი იაპონიაში გაიყიდება “ბატონო ანზორ, თქვენ უნდა იყოთ ძალიან კარგად”-როგორია ანზორ ერქომაიშვილის მდგომარეობა? ოზურგეთში საზაფხულო კინოთეატრი მოეწყობა ლარის ახალი, გამყარებული კურსი კორონავირუსზე ვაქცინაცია შესაძლოა ორ წელიწადში ერთხელ გახდეს საჭირო – ჯანმო შინაური ცხოველის მიტოვებისთვის…ფიზიკური პირი 500 ლარით, ხოლო იურიდიული პირი 1500 ლარით დაჯარიმდება რომელმა პრეპარატებმა შეიძლება შეამცირონ COVID-19-ით გამოწვეული სიკვდილიანობის რისკი