1-კრედიტქულიან პედაგოგებსაც უფროსი მასწავლებლის სტატუსი ენიჭებათ – მთავრობის დადგენილება

1-კრედიტქულიან პედაგოგებსაც უფროსი მასწავლებლის სტატუსი ენიჭებათ, – საქართველოს მთავრობამ „მასწავლებლის პროფესიული განვითარებისა და კარიერული წინსვლის სქემის“ დადგენილებაში შეტანილი ცვლილებების შესახებ ინფორმაცია 2021 წლის 30 დეკემბერს გამოაქვეყნა.

30 დეკემბერს გამოქვეყნებულ დოკუმენტს პრემიერ-მინისტრი ირაკლი ღარიბაშვილი აწერს ხელს.

„იმ პრაქტიკოს მასწავლებლებს, რომლებიც 2020 წლის 31 იანვრისთვის ასწავლიდნენ ზოგადსაგანმანათლებლო დაწესებულებაში და 2020 წლის 1 თებერვლიდან 2020 წლის 30 აპრილის ჩათვლით დარეგისტრირდნენ მასწავლებლის გამოცდაზე და საგნობრივი და პროფესიული კომპეტენცია დაადასტურეს ან დადასტურებული ჰქონდათ მინიმუმ 1 კრედიტქულაზე (დააგროვეს მინიმალური ქულა), მიენიჭებათ უფროსი მასწავლებლის სტატუსი“, – წერია დადგენილებაში.

ამავე დადგენილების მიხედვით 1-კრდეტქულიან პედაგოგების მსგავსად უფროსი მასწავლებლის სტატუსი მიენიჭებათ იმ პედაგოგებსაც, რომლებსაც წინა წელს ჩააბარეს გამოცდა და შედარებით მეტი – 10 კრედიტქულა დააგროვეს.

„იმ პრაქტიკოს მასწავლებლებს, რომლებიც 2020 წლის 31 იანვრისთვის ასწავლიდნენ ზოგადსაგანმანათლებლო დაწესებულებაში  და 2020 წლის 1 თებერვლიდან 2020 წლის 30 აპრილის ჩათვლით დარეგისტრირდნენ მასწავლებლის გამოცდაზე და საგნობრივი კომპეტენცია დაადასტურეს ან დადასტურებული ჰქონდათ 10 კრედიტქულაზე, მიენიჭებათ უფროსი მასწავლებლის სტატუსი“, – ვკითხულობთ დადგენილებაში.

გააზიარეთ და მოიწონეთ სტატია:
Pin Share