ისრაელში ფრინველის გრიპის (H5N1) პათოგენური ვარიანტი გამოვლინდა. ქვეყნის გარემოს დაცვისა და სოფლის მეურნეობის სამინისტროს განცხადებით, ეპიდემიის გამო ისრაელში ათი ათასობით ინდაური და ქათამი დახოცეს – ამის შესახებ ინფორმაციას Xinhua ავრცელებს.
ფრინველის გრიპის შემთხვევები პირველად ქალაქ კესარიასთან ახლოს მდებარე ერთ-ერთ ფერმაში დაფიქსირდა.
სამინისტროს ცნობით, H5N1-ით საერთო ჯამში 107 000 ინდაური და ასობით ათასი ქათამია ინფიცირებული. ვირუსის აფეთქების გამო სამინისტრომ მათი დახოცვის გადაწყვეტილება მიიღო, რამაც ისრაელში კვერცხის დეფიციტი გამოიწვია.
“სამინისტრო განაგრძობს მუშაობას, რათა გრიპის გავრცელება მაქსიმალურად შემცირდეს”,- აღნიშნულია ქვეყნის გარემოს დაცვისა და სოფლის მეურნეობის სამინისტროს მიერ გავრცელებულ განცხადებაში.
Reuters-ის ცნობით, ფრინველის გრიპის შემთხვევები დაფიქსირებული საფრანგეთსა და იტალიაშიც. საფრანგეთში H5N1-ით 13,000 ინდაურია ინფიცირებული.
ცხოველთა ჯანმრთელობის დაცვის მსოფლიო ორგანიზაციის ინფორმაციით, ოქტომბერი – 26 დეკემბრის შუალედში იტალიაში ვირუსით 4 მილიონამდე ფრინველი დაიხოცა.
რუსთავი 2
მსგავსი სტატიები:
ვისთვის არის გრიპის ვაქცინა უფასო და ვისთვის ფასიანი? – გამყრელიძის განმარტება
გერმანიაში ფიფქიას საფლავის ქვა აღმოაჩინეს- ზღაპრის გმირის რეალური ისტორია
“რა ღირს ტიტები?” – რეალური ისტორია
მეზობლობის ისტორია კორონა ვირუსობის დროს
სააგენტო: პანსიონის დატოვების სურვილი 6-მა ბავშმა გამოთქვა, კიდევ 10-ის გამოყვანაზე მუშაობა მიმდინარეობს
“ვინ არიან საქართველოს საგანძურის გამტაცებლები, გამყიდველები და რესტორნებში მფლანგველები?”-ირაკლი მახარაძე
“არასდროს სცადო ჭკვიანი ქალის დაჭერა, რადგან აუცილებლად ეცოდინება როგორ გაიქცეს”
დღეს ფერისცვალებაა