თბილისის ინფექციური საავადმყოფოს დირექტორის, თენგიზ ცერცვაძის ინფორმაციით, COVID-19-ის სამკურნალო ორ ტაბლეტირებულ მედიკამენტს საქართველო 2-3 კვირაში მიიღებს.
“ორი ტაბლეტირებული მედიკამენტი – “პაქსლოვიდი” და “მოლნუპირავირი” ეფექტურია როგორც დელტა შტამის, ასევე “ომიკრონის” წინააღმდეგ. 2-3 კვირაში მივიღებთ ამ მედიკამენტს. ერთ-ერთი პირველი იქნება საქართველო, ვინც მიიღებს, ჯერ არ არის მსოფლიოში საერთოდ, ახლახანს მიიღო ნებართვა. აღნიშნული ორი ტაბლეტირებული მედიკამენტი გამოყენებული იქნება მხოლოდ ბინაზე, დიაგნოზის დასმიდან პირველი ოთხი დღის განმავლობაში.
ჩვენ გვექნება კომპლექსური მიდგომა – ორი ტაბლეტირებული მედიკამენტი ბინაზე და ერთი მთავარი, დამრტყმელი მედიკამენტი
“რემდესივირი” გამოიყენება კლინიკაში, განვიხილავთ ამ მედიკამენტის ბინაზე გამოყენების შესაძლებლობასაც.
ეს მედიკამენტები მსოფლიოში არსად არ გამოდის თავისუფალ გაყიდვაში, ვინაიდან ძალიან დეფიციტურია და სამთავრობო დონეზე ხდება მათი განაწილების გადაწყვეტილება. საქართველო მიიღებს ამას ცენტრალიზებულად და თვითონ დაუნაწილებს სამინისტრო ყველა ონლაინ კლინიკასა და ყველა ოჯახის ექიმს”, – განაცხადა თენგიზ ცერცვაძემ.
მსგავსი სტატიები:
ბათუმში შესასვლელ ცენტრალურ გვირაბში მოძრაობა პარალიზებულია
“რუსეთი საქართველოს მტერია…გილოცავთ!- მამა პეტრე სტრასბურგის გადაწყვეტილებაზე
კომენდანტის საათი 1-ელ მარტამდე იმოქმედებს
ზურაბ ადეიშვილი საქართველოს მოქალაქეობაზე უარს ამბობს
მელია უნდა გათავისუფლდეს- ადვოკატი
მზად ვართ საქართველოსთან საზღვრების გადახედვისთვის – რუსეთის საგარეო უწყება
“ჯანდაცვის მინისტრის პოსტზე ლევან რატიანის კანდიდატურა განიხილება”- ელისო კილაძე
შერიგების სამხრეთ აფრიკული მოდელის განხორციელებას ნელსონ მანდელა სჭირდება ხელისუფლებაში და არა ივანიშვილი