გვსურს გამოვეხმაუროთ რამდენიმე ტელეკომპანიის მიერ დღეს გავრცელებულ არასწორ და არასრულ ინფორმაციას შიდასახელმწიფოებრივი მნიშვნელობის საჯავახო-ჩოხატაური-ოზურგეთი-ქობულეთის (ნასაკირალის უღელტეხილის) გზის სარეაბილიტაციო სამუშაოებთან დაკავშირებით და მოსახლეობას მივაწოდოთ სწორი და სრული ინფორმაცია გურიაში მიმდინარე პროექტთან დაკავშირებით საქართველოს საავტომობილო გზების დეპარტამენტი, მსოფლიო ბანკის ფინანსური მხარდაჭერით, ახორციელებს გურიის რეგიონის გზების რეაბილიტაციას.
სარეაბილიტაციო გზის მონაკვეთების სიგრძე ჯამურად შეადგენს 62 კმ-ს, ხოლო პროექტის ბიუჯეტი 58.5 მილიონი ლარია პროექტი ითვალისწინებს გზების სრულ რეაბილიტაციას, რაც მოიცავს ისეთ სამუშაოებს, როგორიცაა გზის საფუძვლის გამოცვლა, სანიაღვრე სისტემების მოწყობა, ხელოვნური ნაგებობებისა და საყრდენი კედლების აშენება, ასფალტო-ბეტონის საფარის დაგება პროექტის შემადგენელ შიდასახელმწიფოებრივი მნიშვნელობის საჯავახო-ჩოხატაური-ოზურგეთი-ქობულეთის (ნასაკირალის უღელტეხილის) 8.5 კმ-იანი გზის მონაკვეთზე, დღეის მდგომარეობით, აშენებულია საყრდენი კედლების 80%, წყალგამტარი ნაგებობების 72%, სანიაღვრე არხების 50% და სხვა აუცილებელი სამუშაოები, რომლის შემდგომაც მოხდება გზის საფარის მოწყობა.
ზემოთ ჩამოთვლილ სამუშაოებთან ერთად, გზის ამ მონაკვეთზე მიმდინარეობს შემასწორებელი ფენის შეტანა და ტექნოლოგიით გათვალისწინებული კლიმატური პირობების შესაბამისად, დაიწყება გზის საფარის ასფალტო-ბეტონით მოწყობა ნასაკირალის მონაკვეთზე გზის სარეაბილიტაციო სამუშაოების შესრულების სახელშეკრულებო ვადად განსაზღვრული 12 თვე და სამუშაოების დასრულების საბოლოო ვადა 2022 წლის 27 მაისია შესაბამისი პროგრესით მიმდინარეობს სამუშაოები პროექტის დანარჩენ მონაკვეთებზეც, ხოლო ჩოხატაურის მონაკვეთის სარეაბილიტაციო სამუშაოები უკვე დასკვნით ფაზაშია – დაგებულია ასფალტო-ბეტონის საფარი და დასრულებულია გზის მონიშვნის სამუშაოები. ამ მონაკვეთზე სამუშაოების დასრულების ვადად განსაზღვრულია მიმდინარე წლის 27 იანვარი. გურიის რეგიონის გზების რეაბილიტაციის სამუშაოებს ასრულებს ტენდერში გამარჯვებული კომპანია CHINA ROAD AND BRIDGE CORPORATION ფოტო: საჯავახო-ჩოხატაური-ოზურგეთი-ქობულეთის საავტომობილო გზის კმ 17 – კმ 19.5 მონაკვეთი
ინფორმაციას საავტომობილო გზების დეპარტამენტი ავრცელებს.
ცნობისთვის, ოზურგეთი-ჩოხატაურის საავტომობილო გზა დღეს ადგილობრივმა მოსახლეობამ პროტესტის ნიშნად გადაკეტა. ისინი თვეების განმავლობაში გაჭიანურებულ სამუშაოებს აპროტესტებდნენ. მათ ოპოზიციის ადგილობრივი ლიდერები შეუერთდნე ნ, რა დროსაც ენმ-ის საკრებულოს დეპუტატები, ბესო ქათამაძე და შალვა თავდიშვილი დააკავეს.
გააზიარეთ და მოიწონეთ სტატია:
მსგავსი სტატიები:
დღეს საღამოს 9 საათიდან გადაადგილება აკრძალულია
“აქედან ერთი ფოტო გადაღებულია საფრანგეთში, მეორე საქართველოში”
“მე გავეცი პასუხი გორბაჩოვს, გუშინ ქართულმა ახალგაზრდობამ პასუხი გასცა პოზნერს”
რომელ ქალაქში ჩადიოდა ყველაზე ხშირად და რა თანხა დახარჯა სალომე ზურაბიშვილმა მივლინებებში
ტიკარაძე: ვაქცინაცია, ფაქტობრივად, არ გვიცავს ინფიცირებისგან
“ვახ, ეს რა სევდიანი ამბავია”
მედიამენეჯერები ღარიბაშვილს ურჩევენ, საკუთარი თავი გამოიკვლიოს
“მიშა მომაკვდავია…ცოცხალი რომელი გმირი გაახარა ამ უჯიშო მოდგმამ, მიშა რომ გაახარონ???” დეკანოზი ილია ჭიღლაძე