ამერიკელი მამაკაცი დევიდ ბენეტი გახდა პირველი ადამიანი მსოფლიოში, რომელსაც გენეტიკურად მოდიფიცირებული ღორის გული გადაუნერგეს. BBC წერს, რომ ოპერაციიდან უკვე 3 დღე გავიდა და ექიმების დაკვირვების შედეგად 57 წლის მამაკაცი თავს სტაბილურად გრძნობს.
გამოცემის მიხედვით, ოპერაციამდე მამაკაცი ძალიან მძიმე მდგომარეობაში იმყოფებოდა და გულის გადანერგვის გარეშე ის დიდხანს სიცოცხლეს ვერ შეძლებდა. სწორედ ამიტომ ის ასეთ ექსპერიმენტულ ოპერაციას დასთანხმდა.
ექიმები ოპერაციით კმაყოფილები არიან და აცხადებენ, რომ მსგავს ოპერაციებს მსოფლიოში ათასობით ადამიანის სიცოცხლის გადარჩენა შეუძლია. მხოლოდ აშშ-ში გულის გადანერგვა ყოველდღიურად 17 პაციენტს მაინც სჭირდება. ამ დროისთვის კი ოპერაციის რიგს 100 000-ზე მეტი ადამიანი უცდის.
BBC წერს, რომ ღორი, რომლის გულიც მამაკაცს გადაუნერგეს გენეტიკურად მოდიფიცირებული იყოს. იმისათვის, რომ მისი გული ადამიანის ორგანიზმში გადასანერგად შეთავსებადი ყოფილიყო, ცხოველს 3 გენი შეუცვალეს.
“ამ მომენტისთვის უბრალოდ არ არის საკმარისი დონორი ადამიანის გული პოტენციური მიმღებების გრძელი სიის დასაკმაყოფილებლად. ჩვენ სიფრთხილით ვაგრძელებთ მუშაობას, მაგრამ ასევე ოპტიმისტურად ვართ განწყობილი, რომ მსოფლიოში პირველი ოპერაცია მომავალში მნიშვნელოვნად შეცვლის პაციენტების ცხოვრებას”-აცხადებენ კლინიკაში, სადაც დევიდს გული გადანერგეს.
მსგავსი სტატიები:
ჰანს კლუგე – გვირაბის ბოლოს სინათლე შეინიშნება, რადგან უკვე არსებობს იმედი ვაქცინის მიღებაზე, მაგრამ ამას მაინც დასჭირდება დრო
„პენსიონერებზე ვიღაც ხელს ითბობს“ – ელისაშვილი
ცნობილია, როდის დატოვებს რუსუდან კერვალიშვილი საპატიმროს
“გათენდება და მზის ამოსვლის გვეშინია, დაღამდება და მთვარის” – გურია 1905
ლარის ახალი, გამყარებული კურსი
კორონავირუსზე ვაქცინაცია შესაძლოა ორ წელიწადში ერთხელ გახდეს საჭირო – ჯანმო
ქალაქი პალიასტომი – სოდომის და გომორას გურული ანალოგი-ლეგენდა პალიასტომზე
აშშ-ში შექმნეს პირბადე, რომლითაც კოვიდინფიცირების შემთხვევის გამოვლენაა შესაძლებელი