ულტიმატუმის ვადა ამოწურულია – დღეიდან სოციალური მომსახურების სააგენტოს 400-მდე თანამშრომელი სამსახურში აღარ მივა და პროტესტს ჯანდაცვის სამინისტროსთან დაიწყებს.
ისინი ამბობენ, რომ 4-თვიანი მოლაპარაკებების შემდეგ მიზანს მაინც ვერ მიაღწიეს და სწორედ ამიტომ გადაწყვიტეს უკიდურეს ზომას მიმართონ.
“მათ აქვთ ძალიან დაბალი ხელფასები. იმდენად დაბალი, რომ ზოგიერთ შემთხვევაში არსებობაც კი შეუძლებელია ამ ანაზღაურებით. ჩვენ არაერთხელ გამოვთქვით პროტესტი, არაერთი შეხვედრა გვქონდა, არაერთი მედიაცია, თუმცა სამწუხაროდ, ყველა ეს შეხვედრა დასრულდა უშედეგოდ. შესაბამისად, დასაქმებულებს სხვა გზა არ დარჩათ გარდა იმისა, რომ მიმართონ პროტესტი ამ ფორმას და გაიფიცონ. 400-მდე თანამშრომელი უარს ამბობს შრომითი ვალდებულების შესრულებაზე იქამდე, სანამ მოთხოვნები არ დაკმაყოფილდება”, – თქვა “სოლიდარობის ქსელის” იურისტმა, დავით ომსარაშვილმა.
ხელფასების მატება და სამუშაო პირობების გაუმჯობესება – ეს ის მოთხოვნებია, რომლებსაც მომსახურების სააგენტოს თანამშრომლებს წლებია, არ უკმაყოფილებენ. ამის გამო ასობით თანამშრომელს გაუსაძლის პირობებსა და მიზერულ ანაზღაურებაზე უწევს მუშაობა.
საკითხთან დაკავშირებით გუშინ ჯანდაცვის სამინისტრომ განცხადება გაავრცელა. უწყება თანამშრომლებს ხელფასების ზრდას თებერვლიდან დაჰპირდა.
მსგავსი სტატიები:
ნავალნის დაკავების გამო, ბალტიისპირეთის ქვეყნები ევროკავშირს რუსეთისთვის სანქციების დაწესებას სთხოვენ
მდიდრული ურნები და შიმშილით სავსე ქალაქი-ფოტოები
“იდგა კედელი და ფიქრობდა:” ერთი ამათი”-ლექსით გამოხმაურება უცნობის აქციას
“პოლიციელთა ღირსების საქმე” და ნაცემი ბრალდებულები – დეტალები ურეკში მომხდარ ინციდენტზე
ურეკში დაკავებულების ახლობლები აქციას მართავენ
“ოცნება” იმაზე უფრო ცუდად დაასრულებთ, ვიდრე თქვენი წინამორბედი” – ბესელია
აფხაზეთის მიწები რუსეთის შემადგენლობაში გადადის
“ეს ფანჯარა მიშას გისოსებში ჩასმულ საკანს უყურებს და ამხნევებს” – ფოტო სამხედრო ჰოსპიტალის მიმდებარე ტერიტორიიდან