რა კომენტარს აკეთებს სუს-ი გვარამიას შეკვეთილი მკვლელობის საქმეზე?!

„არ ვაკეთებთ ამ ეტაპზე კომენტარს და სავარაუდოდ, არც გავაკეთებთ“, – ამის შესახებ Cnews-ს სახელმწიფო უსაფრთხოების სამსახურში ნიკა გვარამიას შეკვეთილი მკვლელობის ფიგურანტების შესახებ გავრცელებულ ინფორმაციასთან დაკავშირებით განუცხადეს.

ცნობისთვის, ნიკა გვარამიას შეკვეთილ მკვლელობასთან დაკავშირებული დეტალები გუშინ, 16 იანვარს CNews-მა გაავრცელა, ხოლო უფრო ვრცელი და დეტალური ინფორმაცია გაზეთ ,,ქრონიკა+“- ის დღევანდელ 17 იანვრის ნომერში გამოქვეყნდა.

„ქრონიკა+“-ის მიერ გავრცელებული ინფორმაციით, ნიკა გვარამიას შეკვეთილი მკვლელობის ფიგურანტების უსაფრთხო გაყვანის ოპერაცია სუს-ის უფროსის გრიგოლ ლილუაშვილის დავალებით მოხდა. ამავე ინფორმაციის თანახმად, ფიგურანტები ყაზბეგის სასაზღვრო გამშვები პუნქტის გავლით ქვეყნიდან გაიყვანეს.

გააზიარეთ და მოიწონეთ სტატია:
Pin Share