ჯანდაცვის სამინისტროსთან დევნილების მხარდამჭერი აქცია მიმდინარეობს. უწყებასთან შეკრებილი არიან სამოქალაქო აქტივისტები და სხვადასხვა პარტიის წარმომადგენლები.
როგორც ლელოს წევრმა გრიგოლ გეგელიამ თქვა, აქცია მდუმარეა და პოლიტიკური გამოსვლები არ იქნება.
“პირველ რიგში, ჩვენი მოთხოვნაა, რომ ამ ადამიანებს დაუყოვნებლივ მიეწოდოთ ადეკვატური საცხოვრებელი პირობები, სადაც მათ სიცოცხლეს არ დაემუქრება საფრთხე და შემდეგ, ასევე ისინი უზრუნველყოფილი იყვნენ გრძელვადიანი ადეკვატური საცხოვრებელი ფართით. უნდა გვახსოვდეს, რომ ამ ადამიანების წინაშე სახელმწიფოს აქვს ვალდებულება და ვალი ისე, როგორც არავისთან სხვასთან”, – ამბობს გეგელია.
16 იანვარს თემქაზე სანატორიუმ “ქართლში” მცხოვრები დევნილების აქციაზე ერთ-ერთი მონაწილე, ახალგაზრდა კაცი შენობიდან გადმოხტა. ადგილზე მყოფი მაცხოვრებლები აცხადებენ, რომ კაცმა პროტესტის ნიშნად თვითმკვლელობით დაასრულა სიცოცხლე.
თემქაზე დევნილები რამდენიმე დღეა, აქციას მართავენ და მთავრობას ბინებით დაკმაყოფილებას სთხოვენ.
ადგილობრივების თქმით, მათი საცხოვრებელი კორპუსი ისედაც დაზიანებული იყო, დღეს კი შენობამ ნგრევა დაიწყო. მოქალაქეები აღნიშნავენ, რომ კედლები და ჭერი დაზიანებულია, კორპუსში კი ახალი ბზარები ყოველდღე ჩნდება და ბათქაში იყრება.
მსგავსი სტატიები:
“ავანტიურისტი შულერი, “ოცნების მზე”, რომელმაც ყველა გადააგდო”- გიორგი თარგამაძე ივანიშვილზე
“ივანიშვილის მმართველობის 8 წლიან ეპოქაში ბიუჯეტიდან 100 მილიარდზე მეტი დაიხარჯა”
“გელათში კვლავ კატასტროფაა, ქარმა დროებითი სახურავი ახადა და წყალი და თოვლი ჩადის… ”
“მე ჩემს თავთანაც ძალიან ცინიკოსი ვარ…”
“მას [ზურა ჯაფარიძეს] მოუწევს პასუხისმგებლობა კანონმდებლობით დადგენილი წესით”
დაპირისპირების ახალი რაუნდი კალაძე-კობახიძეს შორის, მიზეზი გახარიასთან აუდიენციაა
კლინიკა წითელი ზონა გახდა – კარანტინის მიზეზით, სააკაშვილს ვეღარ ნახავს ვერავინ
“ათრიეს ჩემი ქვეყანა და ამას გადმოსცემდა ყველა რუსული არხი…” – მერაბ სეფაშვილი