ხელოვნების და კულტურის სფეროს წარმომადგენლების შემდეგ, კულტურისა და სპორტის მინისტრს რეპრესიების დაწყებაში უკვე სპორტსმენებიც ადანაშაულებენ.
მიზეზი რაგბის კავშირში დაწყებული საკადრო წმენდა და შემცირებაა, რომელიც იმ თანამშრომლებს შეეხოთ, ვინც რაგბის კავშირში ჩატარებულ არჩევნებს აპროტესტებდა.
რაგბის კავშირისთვის საამაყო ერთ-ერთი მაღალი მიღწევების დეპარტამენტი სრულიად გაუქმდა. თუმცა გაუქმების მიზეზებზე თანამშრომლებს ახსნა-განმარტება არ მიუღიათ. შედეგად, გათავისუფლდა არაერთი მწვრთნელი და ვეტერანი მორაგბე, რომელთაც ქართული რაგბის განვითარებაში დიდი წვლილი შეიტანეს.
გათავისუფლებულ თანამშრომლებს უთხრეს, რომ დიდი შემცირება კულტურის მინისტრმა მოითხოვა, წინააღმდეგ შემთხვევაში კი იმუქრებოდა, რომ ფედერაციას კუთვნილ დაფინანსებას არ ჩაურიცხავდა. საკადრო წმენდა შეეხოთ იმ თანამშრომლებს, რომლებიც ირაკლი აბუსერიძეს უჭერდნენ მხარს.
“მიმდინარეობს წმენდა და რეპრესიები. ვინც არ იყო ამათთან, თვლიან, რომ მათ წინააღმდეგ არიან და ათავისუფლებენ მასობრივად ხალხს. ჩვენი დე-ფაქტო პრეზიდენტი, შარლატანი, მატყუარა პრეზიდენტი, მასთან მქონდა შეხვედრა, როდესაც ის დაინიშნა. მან თქვა, რომ წულუკიანი მას ავალდებულებდა, რომ გაეკეთებინა წმენდა, თუ არადა არ ჩაურიცხავდა კუთვნილ დაფინანსებას [..] მივწერე წულუკიანს ოფიციალური წერილი, რომ სოსო ტყემალაძემ ასეთი რაღაც თქვა და არანაირი პასუხი არ მიმიღია”, – თქვა საქართველოს ეროვნული ნაკრების ყოფილმა მორაგბემ, სიმონ მაისურაძემ.
ყოფილი მორაგბეები და რაგბის კავშირის თანამშრომლები ღიად ამბობენ, რომ რაგბის კავშირში რეპრესიები იმავე მეთოდით ხორციელდება, როგორითაც ეს კულტურის სფეროში ხდება.
მსგავსი სტატიები:
ქართველის ნაკლი სოფლიდან ჩამოსვლა კი არა, ადგილიდან უძრაობაა – ნათია ფანჯიკიძე
რატომ გაგრძელდება გურიაში ონლაინ სწავლება პირველ თებერვლამდე?
ივანიშვილი 1989 წლის 9 აპრილის მთავარ ჯალათს აფინანსებდა
“გურულები დანარჩენ ქვეყანას არაერთი წლით უსწრებდნენ…”
კრისტიან ერიკსენი თამაშის დროს დაეცა და სავარაუდოდ, გულის შეტევა დაემართა | დანია VS ფინეთი
კორონავირუსით სქემ-მონაზონი მართა (გვარამია) გარდაიცვალა
და ეს ევროპაში ხდება? – ჟიგიმანტას პავილიონისი ევროპელი პოლიტიკოსების მიხეილ სააკაშვილთან არშეშვებას ეხმაურება
ეს იყო პირველი შემთხვევა, როდესაც პრეზიდენტი ვერ ადგა ლოგინიდან-სააკაშვილის ექიმი