საქართველოს მესამე პრეზიდენტი, მიხეილ სააკაშვილი კულტურის სფეროს წარმომადგენლების პროტესტს ეხმაურება.
“რომ შემეძლოს, აუცილებლად შევუერთდებოდი ჩვენი საამაყო ინტელექტუალებისა და უბრალოდ წესიერი, პატიოსანი მოქალაქეების აქციას კულტურის სამინისტროსთან.
რა უბედურებაში ვართ ჩაცვენილი. ნიკა რურუა იყო კულტურის მინისტრი და მისი კარი ყოველთვის ღია იყო ყველაზე შეურიგებელი ოპონენტებისთვისაც კი.
მახსოვს, როგორ სტკენდა ხოლმე მას გულს უსამართლო კრიტიკა იგივე ბაგრატის თემაზე, მაგრამ მისი ერთადერთი პასუხი იყო ხოლმე დამატებითი არგუმენტების მობილიზაცია და დიალოგი, კიდევ მეტი დიალოგი”, – წერს მიხეილ სააკაშვილი.
ცნობისთვის, კულტურის სფეროს წარმომადგენლები მინისტრის, თეა წულუკიანის რეპრესიულ პოლიტიკას აპროტესტებენ. ისინი ამ წუთებში საპროტესტო აქციას სამინისტროს შენობასთან მართავენ. აქციის მონაწილეებს ადგილზე სიმბოლურად საბჭოთა გამონათქვამებით პლაკატები აქვთ მიტანილი: “დიდება პარტიას”, “სიკვდილი ხალხის მტრებს”, “ბოლშევიკური ენერგიით ბოლო მოვუღოთ მავნებლობის შედეგებს”.
მინისტრი ბოლო პერიოდში აქტიურად ათავისუფლებს სამსახურებიდან ადამიანებს, რომლებსაც განსხვავებული მოსაზრება და დამოკიდებულებები აქვთ ამა თუ იმ საკითხთან დაკავშირებით.
მსგავსი სტატიები:
6 სიახლე, რაც ორშაბათიდან ამოქმედდება
“ჩვენ შეგვიძლია მუდმივი რეალური დიალოგის რეჟიმი გავაგრძელოთ ოპოზიციასთან”
ოქრუაშვილი: “დროზე ჩამოდი, 9 ივნისს სასამართლო პროცესი ჩაგინიშნეთო”
“წულუკიანი მარსზე ცხოვრობს ?!” – ვახო სანაია
“თუ საქართველოს მოსახლეობის 47%-მა ხმა მისცა უმუშევრობას, სიღარიბეს, ტვინების გადინებას”…..
პრემიერი პატიმარს რომ ემუქრება, თუ ჭკუით არ იქნები მუხლებს დაგიმატებთო, მეგრულ-აფხაზური ზრდილობაც არ მეყოფა თქვენთან პატივისცემით სასაუბროდ-ნანა გეგეჭკორი
საკრებულოს ახალი თავმჯდომარეები 8 ქალაქში ვერ აირჩიეს – ჩხუბი, დაკავებები, ოპოზიციის ბოიკოტი
ვინ, ვის და რატომ ასამართლებს? – გიორგი თარგამაძის ედიტორიალი