“ქალბატონმა ნიჟარაძემ გაიტანა სამოქალაქო სარჩელი ჩემს წინააღმდეგ, ახლა უკვე მაინტერესებს რას მედავებიან”

დადასტურდა ის, რასაც ვამბობდით, რომ ადამიანი ვის წინაშეც ვიყავით ანგარიშვალდებული, ის ადამიანი დღემდე ჩემს წინააღმდეგ პრეტენზიებს არ გამოთქვამს. მან თქვა, რომ ყველა ის ეპიზოდი, რაზეც წარდგენილი მაქვს, საქმის კურსში იყო და მოწონება ჰქონდა ამას, წინასწარი თუ შემდგომი თუ ა.შ – განაცხადა ნიკა გვარამიამ მისი მორიგი სასამართლო პროცესის დასრულების შემდეგ.

ნიკა გვარამიას თქმით, მისი გენერალური დირექტორობის დროინდელი რუსთავი 2-ის არც ერთი მფლობელი არ ედავება და გაუგებარია საერთოდ, ვინ არის დაზარალებული:

“იმის გათვალისწინებით, რომ ქალბატონმა ნიჟარაძემ გაიტანა სამოქალაქო სარჩელი ჩემს წინააღმდეგ, ანუ აღარ მედავება ზიანის მიყენებაში, ახლა უკვე მაინტერესებს ვინ არის დაზარალებული ამ საქმეში. რუსთავი 2 დაზარალებული შეიძლება იყოს, თუ ჩემს დროს არსებული მფლობელები ამაში მედავებიან, არც ერთი მფლობელი ამაში არ მედავება და ქიბარ ხალვაში რომ შემედავებოდა მე, საიდან უნდა მცოდნოდა საერთოდ, რომ ის გახდებოდა დამფუძნებელი და ქიბარ ხალვაშის აზრებს ხომ არ ვიკითხავდი ყველა გადაწყვეტილებასთან დაკავშირებით. ამიტომ, დაზარალებული არ არსებობს ფინანსურ დანაშაულში. ვერ ვხვდები უკვე როგორ უნდა მედავონ იმასაც ვერ ვხვდები.” განაცხადა საქალაქო სასამართლოსთან ნიკა გვარამიამ.

მისივე თქმით, თუ ქიბარ ხალვაშს რაიმე პრეტენზია აქვს, გამოცხადდეს სასამართლოში და მისცეს ჩვენება:

“ქიბარ ხალვაში თუ მედავება, მაშინ კეთილი უნდა ინებოს, უნდა ჩაერთოს და ჩვენება უნდა მისცეს. მოვითხოვთ ამდენი ხანია ეს მოხდეს და სამწუხაროდ ის იმალება, ემალება სასამართლოსაც, გვემალება ჩვენც და ჯერჯერობით მისი ჩართვა ვერ მოვახერხეთ.

ჩვენც ვკითხეთ და პროკურორმაც ჰკითხა ყველა იმ ბრალთან დაკავშირებით, რომელიც წარდგენილი მაქვს და ყველაფერთან დაკავშირებით დამფუძნებელმა დაადასტურა, რომ ეს არ აზიანებდა კომპანიას და ის იყო საქმის კურსში.

91% წილის მფლობელი იყო ეს კაცი და ნებისმიერი გადაწყვეტილების მიღება შეეძლო, მათ შორის ჩემი გათავისუფლებისაც ამ კონკრეტული “დარღვევების” ნიადაგზე.

აღმოჩნდა, რომ ნინო ნიჟარაძესაც არ აქვს ეს პრეტენზიები, მაშინ გამაგებინეთ ვის აქვს საერთოდ და რის საფუძველზე მედავებიან და რას მედავებიან. მე ეს არ ვიცი.” განაცხადა ნიკა გვარამიამ საქალაქო სასამართლოდან გამოსვლის შემდეგ.

გააზიარეთ და მოიწონეთ სტატია:

მსგავსი სტატიები:

სად, როგორ და როდის აღნიშნავენ დედის დღეს ოზურგეთის საბავშვო ბაღებში, ხელფასები უკვე ჩაირიცხა- გურიის გუბერნატორის ადმინისტრაცია ტრაგედია ლანჩხუთში-რა ახალი დეტალები გამოიკვეთა თვითმკვლელობის საქმეში? რას ჰყვება პრინცი ჰარი დიანას სიკვდილზე სად გადააქვს მინისტრს ათასობით ექსპონატი – ევაკუაციის გეგმაში არ წერია, სად მიდის ოქროს ფონდი უკანონო მშენებლობების ბუმი ბახმაროში – საქმე, სავარაუდოდ, მაღალჩინოსნების ინტერესებს ეხება “სინამდვილეში, ყველაზე დიდი ნაძირალა ამ ძვირიანი ტანსაცმლის და მილანში დავარცხნილი თმის უკან იმალება…თავისი ხიტრაჟოპობით “კაი ტიპს” რო ძერწავდა საკუთარი თავისგან”-ნიკა გვარამია გამოვლინდა კორონავირუსის 1 661 ახალი შემთხვევა, გარდაიცვალა 69 ადამიანი