“რაც შეეხება მკვლელობის დაგეგმვას, თამაზ თამაზაშვილმა შოთა ჭიჭიაშვილს უთხრა, ეს შენი გასაკეთებელიაო. ეჭვი არ ეპარებოდათ, რომ ჭიჭიაშვილი სერიოზული დამგეგმავი იყო”… – ამის შესახებ ტელეკომპანია “ფორმულას” ეთერში, ვახო სანაიას საავტორო გადაცემაში გიორგი სანაიას მკვლელობის ოქროს მოწმე, კოტე ციხისთავი საუბრობს. ის სწორედ რუსთავი 2-ის ჟურნალისტ გიორგი სანაიას მკვლელობის დაგეგმვის დეტალებს იხსენებს. მისი თქმით, საუბარი დუისში შედგა.
”რაც შეეხება თქვენი ძმის მკვლელობას, ერთადერთი, ვინც ამ საქმეში ხელს შეგვიშლის, ეს სანაია იქნება. ეს უკვე შენი პრობლემაა. ამას უკვე თამაზაშვილი ეუბნება [ჭიჭიაშვილს], ხან ბაკურაძე საუბრობს, ხან თამაზაშვილი…
[თამაზაშვილმა] უბრალოდ უთხრა [ჭიჭიაშვილს], შენი გასაკეთებელია. ამაში ეჭვი არ ეპარებოდათ, რომ ჭიჭიაშვილი სერიოზული დამგეგმავი იყო…
მანამდე ამბობდნენ, ეგ ყველა ვარიანტში ხელს შეგვიშლის, ეგ უნდა მოშორდეს, ძაან გრძელი ენა აქვს, გადამგდებია, უნდა იცოდნენ, გრძელი ენა სასარგებლო არააო. ზუსტ სიტყვებს ვერ გავიხსენებ, ბაკურაძეც იგივეს ამბობდა, ჭიჭიაშვილს მისცეს დავალება ბაკურაძემ და თამაზაშვილმა და ის დაეთანხმა, უთხრა, გავაკეთებო… მათ არ იცოდნენ, რომ ეს ყველაფერი მე მოვისმინე, – ამბობს ციხისთავი.
კოტე ციხისთავი ამბობს, რომ თამაზაშვილისთვის საჭირო იყო მოტივი, რატომ უნდა მომხდარიყო გიორგი სანაიას მკვლელობა. ეს მოტივი კი, ამ შემთხვევაში, კასეტა და ვიდეოჩანაწერები გამოდგა…
”მანამდე რაღაც კასეტასთან დაკავშირებით იყო საუბარი, ეს ჭიჭიაშვილმაც არ იცოდა… როდის იყო, დანაშაულს ჩადიოდი და კასეტა გადაუღო იმას, ასეთი არაფერი გამიგია. მაგრამ რაღაც შემთხვევაში, რაღაც დანაშაულის კასეტა მოიტანა იმან, ეს დანაშაული იყო მომხდარი, მოკლედ რომ გითხრათ, მთელი ეს ყველაფერი კონფლიქტის პროვოცირებასა და გაღვივებას ემსახურება. როგორც იქიდან გადმოდევნილ ჩეჩენ ბოევიკებს შორის, ისე ქისტებსა და ქართველებს შორის… ეს კასეტა დაიწუნეს მერე და სხვა კასეტა გადაიღო ჭიჭიაშვილმა. მთავარია ყოფილიყო მოტივი, მულტფილმიც რომ ყოფილიყო ჩაწერილი, მაინც… – ამბობს ციხისთავი.
ცნობილია ისიც, რომ გიორგი სანაიას მკვლელობის საქმეს საქართველოს მესამე პრეზიდენტის საქმის პროკურორები, ჯარჯი წიკლაური და არჩილ ტყეშელაშვილი იძიებენ. ამის შესახებ კი “ფორმულას” ეთერში თავად ვახო სანაიამ ისაუბრა.
ცნობისთვის, პატიმარი კოტე ციხისთავი გიორგი სანაიას მკვლელობაში ღარიბაშვილის სიმამრ თამაზ თამაზაშვილს ჯერ კიდევ 2018 წელს ადანაშაულებდა. მაშინ ის პატიმარი იყო, “რუსთავი 2”-ში ციხიდან დარეკა და ტელევიზიას ამის შესახებ ინფორმაცია მიაწოდა. მან თქვა ისიც, რომ სანაია შოთა ჭიჭიაშვილმა მოკლა. ამის შემდეგ პროკურატურამ გამოძიება დაიწყო, გამოიკითხა ვახო სანაიაც, თუმცა საქმე ამ დრომდე გამოუძიებელია.
ცნობისთვის, 2001 წლის 26 ივლისს “რუსთავი 2”-ის ჟურნალისტი გიორგი სანაია საკუთარ სახლში, გაურკვეველ ვითარებაში, გარდაცვლილი იპოვეს. მისმა მკვლელობამ ქვეყანაში საპროტესტო აქციები გამოიწვია. ამ ფაქტს საზოგადოება პოლიტიკურ მოტივებს უკავშირებდა.
ჟურნალისტის მკვლელობისთვის დაკავებული გიორგი ხურცილავა თბილისის საქალაქო სასამართლომ 2003 წლის ცხრა ივლისს დამნაშავედ სცნო და თავისუფლების 13 წლით აღკვეთა მიუსაჯა. თუმცა 2013 წელს, მაშინ, როდესაც ბრალდებულს საპატიმროდან გამოსვლამდე ერთი წელი და რამდენიმე თვე ჰქონდა დარჩენილი, გიორგი ხურცილავა, იგივე “გრეცკო”, “ოცნების” მასშტაბური ამინისტიის სიაში მოხვდა.
გიორგი სანაიას ტელეკომპანია “რუსთავი 2”-ში “ღამის კურიერი” მიჰყავდა.
მსგავსი სტატიები:
ამ წუთებში აქციის მონაწილეებსა და ადგილობრივ ხელისუფლებას შორის მოლაპარაკებები მიმდინარეობს
აფგან მუხთარლი საქართველოშია
საგიჟეთი უნდა იყოს ეს ქვეყანა, „ნაცებს“ 26% რომ აძლევდეს ხმას – გაჩეჩილაძე
ბადრი ჯაფარიძე – ვთანხმდებით, რომ ბოიკოტი, ზიანს აყენებს ქვეყანას
“მომდევნო 3 წელი ქვეყანაში აღარ გაიმართება არჩევნები, ხალხი დაისვენებს და ჩვენ ყველანი კონცენტრირებას მოვახდენთ საქმეზე”
“5 ივლისს ძალადობრივი აქციის ორგანიზატორების მოწოდებებს მყისიერი საფრთხე არ შეუქმნია”
“დაიმახსოვრეთ! თქვენ როცა გძინავთ, ხალხი ფხიზლობს თავის ქვეყნის სადარაჯოზე !!!!!!!”-თაკო ჩარკვიანის წერილი ივანიშვილს
სააკაშვილი: თუ აშშ არ დამიცავს, ეს იქნება საშინელი სიგნალი ყველა პრო-დასავლური ლიდერისთვის