ალბათ ყველას გაქვთ ნანახი ფილმი “იურული პერიოდის პარკი”, სადაც ნაჩვენებია, თუ როგორ დასეირნობენ ბუნებრივ ჰაბიტატში მილიონობით წლის წინ გადაშენებული და გენური ინჟინერიის მეშვეობით მკვდრეთით აღდგენილი პრეისტორიული ცხოველები.
სრულიად შესაძლებელია, ეს სამეცნიერო ფანტასტიკა მალე რეალობად იქცეს.
ჰარვარდის უნივერსიტეტის პროფესორი ჯორჯ ჩარჩი ცდილობს დიდი ხნის წინ გადაშენებული ცხოველის, მამონტის მკვდრეთით აღდგენას. მან საამისოდ ინვესტორებისგან დაფინანსება 15 მილიონი დოლარის ოდენობით უკვე მიიღო კიდეც, რაც არსებული ინფორმაციით დასახული მიზნის მისაღწევად სრულიად საკმარისია.
მართალია, მეცნიერებს აქვთ ათასობით წლის წინ გაყინული მამონტის გენური მასალა კლონირების დასაწყებად, თუმცა მათი მიზანი ეს არ არის. მათი სურთ უშუალოდ გენური ინჟინერიის გამოყენებით ცოცხალი, მოსიარულე მამონტი-სპილოს ჰიბრიდის შექმნა, რონელსაც მისი ნათესავისგან ვიზუალურად ვერავინ გაარჩევს.
“ჩვენი მიზანია პირველი სპლიყვის გაჩენა უახლოეს 4-6 წელიწადში, ” – განაცხადა “ფირმა” Colossal-ის ტექნიკურმა მენეჯერმა ბენ ლამმა. ლამი და ჩერჩი სწორედ აღნიშნული ფირმის რესურსებით ახორციელებენ საკუთარ ამბიციურ პროექტს.
ჩერჩი გენომიკის ერთ-ერთი ყველაზე მოწინავე სპეციალისტია მსოფლიოში.
ის იყენებს CRISPR-ს – გენების რედაქტირების რევოლუციურ ინსტრუმენტს, რომელსაც “სიცოცხლის კოდის” ხელახლა გადაწერის უნარი აქვს.
მეცნიერი ამჟამად მუშაობს პროექტზე, რომელსაც შეუძლია ისეთი ღორების გამოზრდა, რომელთა ორგანოები თავსებადი იქნება ადამიანის ორგანიზმთან. აღნიშნული პროექტის წარმატების შემთხვევაში მალე შესაძლოა იმ ადამიანებს, ვისაც ორგანოების ტრანსპლანტაცია ესაჭიროებათ, ამისათვის სპეციალურად გამოზრდილი და გენმოდიფიცირებული ღორების ორგანოები გადაუნერგონ.
მეცნიერები აპირებენ, შეიტანონ 50-მდე საჭირო ცვლილება აზიური სპილოს დნმ-ში, რომელიც მამონტის უახლოესი ნათესავია, რათა მისგან მიიღონ სასურველი პრეისტორიული ცხოველი. საამისო ტექნოლოგიებს ისინი უკვე ფლობენ და როგორც ჩანს დედამიწაზე მამონტების ხელახლა გაჩენა მართლაც უკვე მხოლოდ რამდენიმე წლის ამბავია.
როგორც მეცნიერები აცხადებენ, მამონტებს ისინი არქტიკულ ტუნდრაში გაუშვებენ, სადაც ისინი გამრავლდებიან და არცთუ უმნიშვნელო როლს ითამაშებენ გლობალური დათბობის წინააღმდეგ ბრძოლაში.
wyaro : allnews.ge
მსგავსი სტატიები:
“ქართული ოცნების” პოლიტსაბჭოს შემადგენლობა ცნობილია
“ხვალ ჩემი დაბადების დღეა, დღეს მნიშვნელოვან საჩუქრად, ჩემი ზღაპრების ახალი წიგნი გამოვიდა”
ქვეყნები, საიდანაც საქართველოში ბანანი შემოდის – პროდუქტი, შესაძლოა, მსოფლიო ბაზრიდან გაქრეს
კახი კავსაძე გარდაიცვალა
ვენეციაში საკრუიზო გემების შესვლა აიკრძალება
ბილ გეიტსი კორონაპანდემიის დასასრულის თარიღს ასახელებს
“კოვიდით სიკვდილიანობით სომალისთან, ერაყთან, ავღანეთთან და სირიასთან ერთად მოწინავე ადგილი გვიჭირავს”– მიხეილ სააკაშვილი
ტრაგედია ქუთაისში – ავარიას 21 წლის ბიჭის სიცოცხლე ემსხვერპლა