მიიღებენ თუ არა გარემოვაჭრეები 300-ლარიან კომპენსაციას – შემოსავლების სამსახურის განმარტება

გარე მოვაჭრეები, რომლებიც არავისაგან ქირაობდნენ ფართს და ქუჩაში ყიდდნენ პროდუქციას, სახლემწიფოსგან გამოყოფილი 300 ლარიან  დახმარებას ვერ მიიღებენ. ამის თაობაზე „პალიტრანიუსის“ ეთერში  შემოსავლების სამსახურის მომსახურების დეპარტამენტის უფროსმა ლევან დგებუაძემ განაცხადა.

„დოკუმენტაციის არასწორი წარდგენა, საგადასახადო დანაშაულია და ბუნებრივია, იწვევს სანქცირებას. ამიტომ ჩვენ ყველას მოვუწოდებთ, სწორად მოგვაწოდონ დოკუმენტაცია. რაც შეეხება თვითდასაქმებულებს, თუ ისინი არ ქირაობენ ფართს ან არ იღებენ უფლებას და ვაჭრობენ ისე, რომ არავის მიმართავს საქმიანობისათვის, ისინი ვერ მიიღებს კომპენსაციას“ – ამბობს დგებუაძე

შეგახსენებთ, საქართველოს მთავრობამ ანტიკრიზისული გეგმა შეიმუშავა და ერთჯერადი 300 ლარიანი ფულადი დახმარება გამოყო, იმ ობიექტებში დასაქმებული პირებისა და ინდ. მეწარმეების სასარგებლოდ, რომელთაც საქმიანობა შეუჩერდებათ დეკემბერსა და იანვარში დაწესებული დამატებითი შეზღუდვების შედეგად.

გააზიარეთ და მოიწონეთ სტატია: