ზამთრის ოლიმპიადაზე ფიგურულ სრიალში გუნდური შეჯიბრის დაჯილდოება გადაიდო, რაც, სავარაუდოდ, ერთ-ერთი რუსი სპორტსმენის დოპინგტესტის პრობლემას უკავშირდება. ინფორმაციას ამის შესახებ USA Today წყაროზე დაყრდნობით ავრცელებს. საერთაშორისო ოლიმპიურ კომიტეტში კი ჟურნალისტებს დაუდასტურეს, რომ ცერემონიასთან დაკავშირებით პრობლემები შეიქმნა.
დოპინგთან დაკავშირებული სანქციების გამო რუსი მოციგურავეები, როგორც სხვა რუსი სპორტსმენები, რუსეთის ოლიმპიური კომიტეტის დროშის ქვეშ ასპარეზობენ. მოციგურავეებმა ჯგუფურ შეჯიბრში 7 თებერვალს გაიმარჯვეს, დაჯილდოება კი 8 თებერვალს უნდა გამართულიყო.
რუსეთის ექვსკაციანი ნაკრების შემადგენლობაში იყვნენ: მარკ კონდრატიუკი, კამილა ვალიევა, ანასტასია მიშინა, ალექსანდრ გალიამოვი, ვიქტორია სინიცინა და ნიკიტა კაცალაპოვი. რუსეთმა 74 ქულით პირველი ადგილი დაიკავა, მეორეზე გავიდა აშშ, ხოლო მესამეზე – იაპონია. რომელმა სპორტსმენმა აჩვენა დადებითი პასუხი დოპინგტესტზე უცნობია.
ფორმულა
მსგავსი სტატიები:
6 თებერვალს რესტორნები თვითნებურად გაიხსნება
რას ყიდულლობენ ადამიანები პანდემიის დროს
“რატომ შენთან ერთად არ წამიყვანე”? -სესილია თაყაიშვილის წერილები გარდაცვლილ დედას
“ჩემი დიდგორი” -დავით შარაშენიძემ საქართველოს მასშტაბით ჩატარებულ კონკურსში გაიმარჯვა
გურიის წარსულის მომხიბვლელი ფერადოვნება
გურული აზნაური და “ჭინკა”
ყავის გლობალურმა ფასმა 10 წლის მაქსიმუმს მიაღწია – როდემდე გაგრძელდება გაძვირება
კახაძე ჩხენკელს: არ იკადრეთ და არ დაამძიმეთ ხელიხელსაგოგმანები განათლების სისტემა