ბაკურიანში 5 000-მდე ადამიანი უშემოსავლოდ დარჩა: “მივყვებით დინებას, მეტი გამოსავალი არ გვაქვს”

ბაკურიანში საკურორტო სეზონი რამდენიმე დღეში უნდა გახსნილიყო, თუმცა შეზღუდვებისა და გაჩერებული სამთო-სათხილამურო კურორტების გამო დაბა, ფაქტობრივად, პარალიზებულია.

“მივყვებით დინებას, მეტი გამოსავალი არ გვაქვს. აქამდე რომ დაეწესებინათ შეზღუდვები, ვირუსი ასე არ გავრცელდებოდა და დამსვენებელიც გვეყოლებოდა. კურორტი მხოლოდ დამსვენებლისგან თუ მიიღებს შემოსავალს, სხვა რა?, – ამბობს ერთერთი ადგილობრივი.

ოპოზიციამ დაითვალა და, შედეგად, აღმოჩნდა, რომ მხოლოდ ბაკურიანში 5 000-მდე ადამიანმა სამუშაო ადგილი დაკარგა; კიდევ უფრო მეტია უმუშევართა რაოდენობა სხვა სამთო-სათხილამურო კურორტებზე.

“აქ მაცხოვრებლების დიდ ნაწილს ბანკის ვალი აქვს – ხელისუფლებამ ამ მხრივაც არაფერი შესთავაზა მათ. კიდევ ერთხელ გამოჩნდა, რომ “ოცნებას” მხოლოდ წინასაარჩევნო პერიოდში სჭირდება და აინტერესებს მოქალაქეები”, – თქვა “ნაციონალური მოძრაობის” წევრმა, ბაკურ გელაშვილმა.

გააზიარეთ და მოიწონეთ სტატია: