“ქალბატონ მინისტრს ლელო არ მოეწონა და ვაითუ ჩვენი ფილმი ,,ლელოს შემობრუნება” არ მოეწონოს, მერე რა ვქნათ ჩვენ უბედურებმა” – ირაკლი მახარაძე

“ეხლა ქალბატონ მინისტრს ლელო არ მოეწონა და ვაითუ ჩვენი ფილმი ფილმი ,,ლელოს შემობრუნება” (ან კიდო შუხუთში გამართული ლელობურთი) არ მოეწონოს, მერე რა ვქნათ ჩვენ უბედურებმა!” – ასე ეხმაურება რეჟისორი და სცენარისტი ირაკლი მახარაძე დღეს, თეა წულუკიანის გამოთქმულ უკმაყოფილებას, თუ რატომ არის ბრენდი პარტია “ლელოს” ლოგოზე:

“ლელო არ ვიცი სად მიდის, იმიტომ, რომ ლელოს რომ ვერ დებენ, ეს უკვე ჩანს. სხვათა შორის, მე, როგორც სპორტის მინისტრი, ძალიან უკმაყოფილო ვარ იმით, რომ ლელო, როგორც ბრენდი არის და ეს კიდევ გასარკვევია, რატომ არის ის პოლიტიკური პარტიის ლოგოზე” -ეს ქალბატონი მინისტრის @Tea Tsulukiani თეა წულუკიანის სიტყვებია.

მე არც ლელოს მხარდამჭერი ვარ, არც ნაცების არც ქოცების და არც ქაჯების. გურულების – კი ბატონო!

საიდან დევიწყე: ეხლა ქალბატონ მინისტრს ლელო არ მოეწონა და ვაითუ ჩვენი ფილმი ფილმი ,,ლელოს შემობრუნება” (ან კიდო შუხუთში გამართული ლელობურთი) არ მოეწონოს, მერე რა ვქნათ ჩვენ უბედურებმა! ლერი სიხარულიძეს, გაანათლოს მისი სახელი, დიდი ხელოვანი და მაგარი კაცი იყო, ფეხებს ვერ მოჭამენ, მარა ჩვენ რეჟისორებმა რა ვქნათ რომ მოვგვდგნენ – არ გაამართლეთ ხაზეინის იმედებიო?! ვაი ჩვენს თავს!” – წერს ირაკლი მახარაძე.