საქართველოს ყოფილი პრეზიდენტი სოციალური ქსელის საშუალებით სანდრა რულოვსს დედის გარდაცვალებას უსამძიმრებს. მიხეილ სააკაშვილის ფეისბუქ-პოსტს უცვლელად გთავაზობთ.
„სანდრას დედა, მაგდა გარდაიცვალა. ის იყო ძალიან კეთილშობილი, მშრომელი, ლამაზი ქალი. მაგდა ვან დერ პული, მიუხედავად თავისი არისტოკრატული წარმოშობისა, იყო უკიდურესად თავმდაბალი და ძალიან უსიტყვო. თუ სადმე იციან გვერდით დგომა, ნათესაობა, ერთმანეთის გატანა, ეს ჰოლანდიაა.
ბოლო რამდენიმე წელი მაგდას ალცჰაიმერის დაავადება სჭირდა. მისმა მეუღლემ, ედუარდმა, ბინა შეიძინა კლინიკის გვერდით, რათა მაგდა ყოველდღე ენახა. სანდრა თითქმის ყოველ შაბათ-კვირას დაფრინავდა თბილისიდან სახლში, ტერნეუზენში და ასევე უვლიდა დედას. ბოლო ორი კვირა კი, როცა მისი მდგომარეობა დამძიმდა, საწოლს არ მოშორებია როგორც იდეალური შვილი და რა თქმა უნდა, იდეალური დედა.
მე სხვა საშუალება არ გამაჩნია, სატელეფონო ზარებიც კი აკრძალული მაქვს და Facebook-ით ვუსამძიმრებ სანდრას, მის მამას, ედუარდს, ძმას, და ჩემს ნიკუშას და ედუჩას მაგდა ვან დერ პულის გარდაცვალებას.
მაგდა მთელი ცხოვრება, ბავშვობიდან, ადგილობრივი კათოლიკური ეკლესიის გუნდში მღეროდა. ღრმად სწამდა ღმერთის და იმედია ახლა შეუერთდება ანგელოზთა კრებულს და იქ გააგრძელებს სიმღერას, “- წერს მიხეილ სააკაშვილი.
მსგავსი სტატიები:
როგორ ხვდებიან ახალ წელს მსოფლიოს სხვადასხვა ქვეყნებში?!
შეზღუდვები, რომლებიც ქვეყანაში 1-ლი აპრილიდან მოიხსნება
თუ ვაქცინას არ გაიკეთებთ, არასდროს დასრულდება პანდემია- ამერიკაში მოღვაწე ლანჩხუთელი მღვდელი
აშშ-ში ავარიისას 21 წლის ქართველი ბიჭი დაიღუპა
ქართული თხილის ფასი ამ ეტაპზე 4-5 ლარია
მსოფლიოში ხორბალი ძვირდება – როდის აისახება ტენდენცია ქართულ ბაზარზე
ქვეყნის მასშტაბით მასწავლებელთა 40%-მდე უკვე აცრილია – სამინისტრო
4 ნოემბრის კოვიდსტატისტიკა