როგორც “გურიის მოამბეს” ცხემლისხიდიდან აცნობეს, ოზურგეთის მერის წარმომადგენლის თანაშემწე ცხემლისხიდში, ნუგზარ შაინიძე აღნიშნულ თანამდებობაზე მოზვერის სანაცვლოდ დაინიშნა. ადგილობრივების მტკიცებით, ამ თანამდებობაზე დანიშვნის სანაცვლოდ, ნუგზარ შაინიძემ ცხემლისხიდის საჯაროს სკოლის დირექტორს და “ქართული ოცნების” ადგილობრივი შტაბის ლიდერს, ლალი სიჭინავას მოზვერი აჩუქა.
“გურიის მოამბე” ნუგზარ შაინიძეს შეხვდა და ესაუბრა. მან კატეგორიულად უარყო მომხდარი ფაქტი, თუმცა დაადასტურა , რომ ის ამ თანამდებობაზე ლალი სიჭინავას რეკომენდაციით დაინიშნა. მან ჩვენს კორესპონდენტთან საუბარში არ უარყო, რომ კარგი და ახლო ურთიერთობა აქვს ლალი სიჭინავასთან, ხოლო თანამდებობაზე იმის გამო დაინიშნა, რომ ის პატიოსანი ადამიანია და მასზე დაკისრებულ მოვალეობას პირნათლად ასრულებს.
რაც შეეხება მოზვერს, ლადო შაინიძე აცხადებს, რომ მას გასაჩუქებელი საქონელი არ ჰყავს და ამას მისი მტრები უგონებენ.
თავად ლალი სიჭინავა კატეგორიულად უარყოფს მომხდარს და ამბობს, რომ არანაირი რეკომენდაცია ნუგზარ შაინიძის დანიშვნაზე მას არ გაუცია.
ინფორმაცია, იმის შესახებ, რომ ცხემლისხიდის გამგებლის მოადგილე მსხვილფეხა რქოსანი პირუტყვის სანაცვლოდ დაინიშნა, სოფელში გავრცელდა. ამ ფაქტს “გურიის მოამბესთან” საუბარში ადგილობრივები ადასტურებენ, თუმცა ოფიციალურად, ამ თემაზე საუბარს ყველა ერიდება.
მსგავსი სტატიები:
“საქართველოში მუსლიმ და მართლმადიდებელ მოსახლეობას გასაყოფი არაფერი აქვს”- ნინო წილოსანი
გურიის გუბერნატორმა ინტერნეტიზაციის პროგრამა, მერიის წარმომადგენლებთან ერთად განიხილა
“გზის შეკეთება დაიწყეს, მაგრამ თანხა ხომ ზედმეტად იხარჯება”?-სანამ სატვირთოები ნებაზე მიშვებულია
“ოცნება” ასე ემზადება არჩევნებისთვის-ოპოზიცია გუბერნატორის განთავისუფლებაზე
წინასაარჩევნო “საოჯახო გზავნილი” დეპუტატობის კანდიდატს
ოზურგეთის მერმა სოფლის გამგებლები თანამდებობებიდან ელექტრონული ფოსტით დაითხოვა
თანხების გაფლანგვა, დისკრიმინაცია, უკონტროლობა-აუდიტის სკანდალური დასკვნა ლანჩხუთის კულტურის გაერთიანებაზე
დამამცირებელი მოპყრობა – გურიის პოლიციის დეპარტამენტის ოცმეთაური მძინარე ჯარისკაცს ფეხს ურტყამს და დასცინის