“ოცნების” ტყუილი და სამი კითხვა, რომელიც დავით გარეჯის საქმეს ნათელს მოჰფენს

“ოცნების” ტყუილი და სამი კითხვა, რომელიც დავით გარეჯის საქმეს ნათელს მოჰფენს – შაშკინი 2018 წელს რუსეთიდან შემოტანილ რუკებსა და მონასტრის საქმის დეტალებზე საუბრობს

დავით გარეჯის საქმე – საქართველო-აზერბაიჯანის დემარკაციის კომისიის ექსპერტთა საბჭოს ხელმძღვანელის, ივერი მელაშვილისა და კომისიის წევრის, ნატალია ილიჩოვას დაკავება, მათთვის აღკვეთის ღონისძიების სახით პატიმრობის შეფარდება და ვითარება, სადაც ქართული ქრისტიანული კულტურის უდიდესი ძეგლი პოლიტიკური მანიპულირების თემად იქცა.


“ხელისუფლების ტყუილი და სიწმინდით სპეკულირება'” – ასე აფასებს გარეჯის საკითხთან დაკავშირებულ ვითარებას და მმართველი პარტიის დამოკიდებულებას “ნაციონალური მოძრაობის” პოლიტსაბჭს წევრი და თავდაცვისა და განათლების ყოფილი მინისტრი.

დიმიტრი შაშკინი “ნიუპოსტთან” ამბობს, რომ დავით გარეჯი საქართველოს ტერიტორიაა და ამ ფაქტს ვერაფერი დაემუქრება. მისივე სიტყვებით, სწორედ ამ პოზიციის გამო, მიხეილ სააკაშილის მთავრობა ცდილობდა საკითხის საქართველოს მხარისთვის სასრგებლოდ გადაწყვეტას.

შაშკინი ქართული ოცნების ხელისუფლების მიერ მესამე პრეზიდენტის მიმართ გამოთქმულო ბრალდებებს ეხმაურება.

„დავით გარეჯი არის საქართველოს ტერიტორიაზე, ეს არის ჩვენი უმნიშვნელოვანესი კულტურული ძეგლი და ის არის საქართველო. ეს ასეა და წერტილი, ამას არ შეიძლება რამე დაემუქროს ან რამე შეიცვალოს.

ზუსტად ამ პოზიციიდან გამომდინარე, მიხეილ სააკაშვილის მთავრობა აკეთებდა ყველაფერს, რომ დავით გარეჯის კომპლექსი ყოფილიყო დე–იურე გაფორმებული და ის საკითხები, რომელიც არსებობდა საზღვრის დემარკაციასთან დაკავშირებით, გადაწყვეტილიყო ჩვენი პოზიციის სასარგებლოდ. ამაზე იყო სწორედ ორიენტირებული მიხეილ სააკაშვილის მთავრობა. ეს არის პირველი ფაქტი, რაც ყველაზე მნიშვნელოვანია“, – ამბობს შაშკინი.

შაშკინის განცხადებით, „ქართული ოცნების“ ხელისუფლებისთვის არ არსებობს არავითარი სიწმინდე, რადგან მას ხელისუფლებაში დარჩენა ყველაფრის ფასად სურს:

„ჩვენ არ უნდა გვიკვირდეს ხელისუფლებისგან, რომელიც მთავრობაში ბავშვის მკვლელობით მოვიდა, რომ ისინი ყველა ბინძურ მეთოდს გამოიყენებენ. ახლა კი კიდევ ერთხელ დავრწმუნდით, რომ ეს ხელისუფლება ყველაფერზე არის წამსვლელი, ოღონდ დარჩნენ თანამდებობებზე. მათთვის არ არსებობს არანაირი სიწმინდე, არანაირი ისტორიული, კულტურული, რელიგიური ფაქტორი. არსებობს მხოლოდ წყურვილი ხელისუფლებაში ყოფნისა, რათა გაძარცვონ ხალხი, მოიპარონ კიდევ უფრო მეტი ფული. ეს არის „ქართული ოცნება“ და ეს არის მეორე ფაქტორი“, – აცხადებს დიმიტრი შაშკინი „ნიუპოსტთან“ საუბრისას.

ენმ–ის პოლიტიკური საბჭოს წევრი მიმართავს საზოგადოებას – საკუთარ თავს სამი მნიშვნელოვანი კითხვა დაუსვან და ამ საკითხზე ნათელ პასუხს მიიღებენ. შაშკინი ხელისუფლების მხრიდან სიცრუის გავრცელებაზე საუბრობს და რამდენიმე დეტალზე ამახვილებს ყურადღებას.

„ჩვენ ამ დღეებში ვნახეთ უზარმაზარი ტყუილი. ვნახეთ ამაზრზენი მცდელობა დავით გარეჯით სპეკულაციისა. მე მინდა მივმართო ყველა ადამიანს, რომელსაც აქვს კრიტიკული აზროვნება, აქვს ინტელექტი, რომელიც ფიქრობს და აზროვნებს. ბუნებრივია არ ველაპარაკები „ქართული ოცნების“ ტროლებს და „ქართული ოცნების“ ბოტებს. მე ველაპარაკები ყველა იმ ადამიანს, რომელსაც აქვს ფიქრისა და კრიტიკული აზროვნების უნარი.

სანამ „ქართული ოცნების“ ამაზრზენ ტყუილს მოისმენთ, დასვით სამი კითხვა.

კითხვა ნომერი პირველი – რატომ შედიოდნენ მომლოცველები მიხეილ სააკაშვილის მთავრობის დროს დავით გარეჯის მონასტრის ტერიტორიაზე და ახლა ვერ შედიან?

კითხვა ნომერი ორი – თუ „ქართულ ოცნებას“ ეს რუკები ჰქონდა, აქამდე რატომ არ აჩენდნენ?

კითხვა ნომერი სამი – რაზე არის საუბარი? დემარკაცია დავით გარეჯთან ახლოს არ არის დასრულებული, რაზე არის დავა საერთოდ? 2012 წელს ძალიან ახლოს ვიყავით, რომ ეს დაგვესრულებინა თუმცა, არ არის დასრულებული.

ეს სამი კითხვა ყველა ადამიანმა თავის თავს უნდა დაუსვას და მერე ძალიან მარტივი იქნება პასუხი ტყუილზე, რომელსაც „ქართული ოცნება“ ავრცელებს.

რეალობა ასეთია – ეს რუკები იყო შემოტანილი საქართველოში რუსეთიდან 2018 წელს „ქართული ოცნების“ პერიოდში, როგორც თვითონ რუსები ამბობენ. ორი წელი თითი თითს არ დაადეს, გარდა იმისა, რომ ჩვენს ხალხს დავით გარეჯში მისვლა აეკრძალათ. ახლა კი ცდილობენ ერთ–ერთი ყველაზე დიდი სიწმინდით ისპეკულირონ, რაც გაგვაჩნია. ეს არის „ქართული ოცნების“ სახე. თუმცა, არ მიკვირს, რადგან ხელისუფლებაში ბავშვის მკვლელობით მოვიდნენ“, – აცხადებს დიმიტრი შაშკინი.

გააზიარეთ და მოიწონეთ სტატია:

მსგავსი სტატიები

  • 74
    TI: ხელისუფლება ივანიშვილის გავლენის ქვეშაასაერთაშორისო გამჭვირვალობა-საქართველო აქვეყნებს მოკვლევას არაფორმალური მმათველობის პრობლემასა და მისი შედეგების შესახებ. ორგანიზაციის შეფასებით, "ქართული ოცნების მმართველობის ორი ვადის გასვლის თავზე დაგროვილი მტკიცებულებები საკმარისია იმის სათქმელად, რომ კორუფციამ საქართველოში სახელმწიფოს მიტაცების ფორმა მიიღო დღეის მდგომარეობით, საქართველოს ხელისუფლების აღმასრულებელი შტო მთლიანად ერთი ადამიანის გავლენის ქვეშაა. აღმასრულებელ ხელისუფლებას გამოცლილი აქვს შეკავებისა და გაწონასწორების დემოკრატიული მექანიზმები, რაც განპირობებულია…
    Tags: და, არ, რომ
  • 65
    "რა მაგარი რამ იყო მაინც ვარდების რევოლუცია"პოლიტიკური მეცნიერების ინსტიტუტის პროფესორი, ექსპერტი, თორნიკე გორდაძე, საქართველოში ჩატარებული არჩევნების შედეგად, ოპოზიციის მხრიდან მიღებულ გადაწყვეტილებას აფასებს: "მოვიცალე როგორც იქნა 5 წუთი დასაწეერად იმაზე თუ რაში არ ვეთანხმები ზოგიერთ ჩემს მეგობარს და ძალიან კარგ ადამიანს. ჩემი სუბიექტური აზრია მეტი არაფერი. 1. არ ვფიქრობ რომ სწორია დღევანდელი ოპოზიციის გრეჩიხასთან შედარება. ნუთუ გრეჩიხა…
    Tags: და, არ, რომ, ეს, არის
  • 64
    „გურული დონკიხოტი „- ვინ არის აქტივისტი ქალი, რომელიც რეგიონის ბუნებას ხმალამოღებული იცავსირმა გორდელაძე ოზურგეთის მუნიციპალიტეტში, სოფელ ლიხაურში ცხოვრობს. ისტორიის და სამოქალაქო განათლების პედაგოგია. ყოველთვის აქტიური იყო და საკუთარი სოფლის ყველა საჭირბოროტო საკითხის მოგვარებაში იღებდა მონაწილეობას. ბუნებისდამცველი აქტივისტი მას შემდეგ გახდა, რაც მის სოფელში, მდინარე აჭის ხეობაში, ინერტული მასალის მოსაპოვებლად ერთ-ერთი კომპანია შევიდა და მდინარის კალაპოტს ტრაქტორები მიადგნენ. ირმა იყო ყველგან, დაიწყო…
    Tags: და, რომ, არ
  • 64
    "ამ ქვეყანაში ივანიშვილმა, ბელადომანია დაამარცხა""საბანს ყველა თავისკენ­ ქაჩავს­ და ამასობაში ქვეყანა ყველას ავიწყდება. სკამების გამო ერთმანეთს თუ არ დავღრღნით, კარგი იქნება" პოლიტიკის გამო ქართველები კიდევ ერთხელ დაუპირისპირდნენ ერთმანეთს: "ქართული ოცნების" მომხრეები ამტკიცებენ, რომ 31 ოქტომბერს ჩატარებული არჩევნების შედეგი სავსებით ლოგიკურია, მოწინააღმდეგეები კი მიიჩნევენ, რომ არჩევნები გააყალბეს. ამის თაობაზე კამათობენ თითქმის ყველგან, ზოგჯერ უახლოესი ადამიანებიც…
    Tags: და, არ, რომ, ეს, არის