ივერი მელაშვილის და ნატალია ილიჩოვას მხარდასაჭერად დღეს პარლამენტთან აქცია გაიმართება

დავითგარეჯის საქმეზე დაკავებული ივერი მელაშვილისა და ნატალია ილიჩოვას მხარდასაჭერად დღეს, 11 ოქტომბერს პარლამენტის წინ მშვიდობიანი აქცია გაიმართება. აქციის ორგანიზატორი მოძრაობა #სირცხვილიაა.

აქციის მთავარი მოთხოვნა, სახელმწიფოს მხრიდან, დაკავებულების წინააღმდეგ პოლიტიკური დევნის შეწყვეტა და განთავისუფლებაა. სამოქალაქო აქტივისტები და მოქალაქეები პარლამენტთან 5 საათზე შეიკრიბებიან.

ჩვენ დღეს ვიკრიბებით პარლამენტის წინ, რუსთაველის გამზირზე, ზუსტად 5 საათზე, რადგან სოლიდარობა გამოვუცხადოთ და მათ ოჯახს, უფლებადამცველებს, თვითონ ამ ორ დაკავებულ ადამიანს ვუთხრათ, რომ ჩვენ ვართ მათ გვერდით, ცხადია, არ გვაქვს რამე დადებითის  იმედი, რადგან ვიცით როგორ იღებს ივანიშვილის მორჩილი სასამართლო გადაწყვეტილებებს, მაგრამ ვფიქრობთ, მნიშვნელოვანია მოქალაქეებს აღვუთქვათ სოლიდარობა, – ამბობს სამოქალაქო აქტივისტი, ნოდარ რუხაძე.

მოძრობა  #სირცხვილიას კიდევ ერთი წევრის, გიგა მაქარაშვილის თქმით, კარტოგრაფების საქმე მორიგი სამარცხვინო ფურცელია “ქართული ოცნების” მოღვაწეობაში.

არ არის ძნელი მისახვედრი ვისზე აპირებენ გასვლას და ყველამ ვიცით, რომ სააკაშვილზე უნდათ ამ ბრალდების მიკერება. მაგრამ აქ არის მთავარი, ადამიანების უფლებები ირღვევა და ხელისუფლება ცდილობს ადამიანების დაჭერით მძიმე დარტყმა მიაყენოს არა მარტო ოპოზიციას, არამედ მთელ ქვეყანას, – თქვა გიგა მაქარაშვილმა.

ნიკა რურუას სახელობის საქველმოქმედო ფონდ “გჯეროდეს საქართველოს” დამფუძნებელი და სამოქალაქო აქტივისტის, ანა ჭარხალაშვილის თქმით, ეს სცენარი კრემლიდანაა “გადმოწერილი” და მნიშვნელოვანია, რომ ხალხმა ივანიშვილს აჩვენოს, რომ უსამართლობას არ შეეგუებიან.

შეგახსენებთ, რომ აზერბაიჯანთან, საზღვრის დადგენის კომისიის წევრები ივერი მელაშვილი და ნატალია ილიჩოვა 7 ოქტომბერს დააკავეს. სასამართლომ მათ 8 ოქტომბერს  წინასწარი პატიმრობა შეუფარდა.

არცერთი დაკავებული წარდგენილ ბრალს არ აღიარებს. ივერი მელაშვილს სასამართლო პროცესზე ემოციური გამოსვლა ჰქონდა, სადაც კიდევ ერთხელ აღნიშნა, რომ უდანაშაულოა და ქვეყნის ინტერესების საწინააღმდეგოდ არასდროს უმუშავია.

პროკურატურა მათ სადემარკაციო კომისიაში მუშაობისას, საქართველოს ტერიტორიული ინტერესების საწინააღმდეგო რუკებით მუშაობაში ადანაშაულებს.

საგამოძიებო უწყების მტკიცებით, “ექსპერტიზის დასკვნით დადგინდა, რომ ბრალდებულები საზღვრების დელიმიტაციის პროცესში ხელმძღვანელობდნენ 1970-80-იან წლებში გამოცემულ რუკებზე დატანილია, საზღვრის ხაზებით, რაც ,როგორც აღინიშნა, არსებითად ეწინააღმდეგება ჩვენი ქვეყნის ისტორიულ საზღვარს, მათ შორის დავითგარეჯთან მიმართებაში.”

დაკავებულების წინააღმდეგ გამოძიება საქართველოს სისხლის სამართლის კოდექსის 308-ე მუხლის პირველი ნაწილით მიმდინარეობს რაც 10-დან 15 წლამდე პატიმრობას ითვალისწინებს.

გააზიარეთ და მოიწონეთ სტატია:

მსგავსი სტატიები

  • 90
    TI: ხელისუფლება ივანიშვილის გავლენის ქვეშაასაერთაშორისო გამჭვირვალობა-საქართველო აქვეყნებს მოკვლევას არაფორმალური მმათველობის პრობლემასა და მისი შედეგების შესახებ. ორგანიზაციის შეფასებით, "ქართული ოცნების მმართველობის ორი ვადის გასვლის თავზე დაგროვილი მტკიცებულებები საკმარისია იმის სათქმელად, რომ კორუფციამ საქართველოში სახელმწიფოს მიტაცების ფორმა მიიღო დღეის მდგომარეობით, საქართველოს ხელისუფლების აღმასრულებელი შტო მთლიანად ერთი ადამიანის გავლენის ქვეშაა. აღმასრულებელ ხელისუფლებას გამოცლილი აქვს შეკავებისა და გაწონასწორების დემოკრატიული მექანიზმები, რაც განპირობებულია…
    Tags: და, არ, რომ
  • 84
    „გურული დონკიხოტი „- ვინ არის აქტივისტი ქალი, რომელიც რეგიონის ბუნებას ხმალამოღებული იცავსირმა გორდელაძე ოზურგეთის მუნიციპალიტეტში, სოფელ ლიხაურში ცხოვრობს. ისტორიის და სამოქალაქო განათლების პედაგოგია. ყოველთვის აქტიური იყო და საკუთარი სოფლის ყველა საჭირბოროტო საკითხის მოგვარებაში იღებდა მონაწილეობას. ბუნებისდამცველი აქტივისტი მას შემდეგ გახდა, რაც მის სოფელში, მდინარე აჭის ხეობაში, ინერტული მასალის მოსაპოვებლად ერთ-ერთი კომპანია შევიდა და მდინარის კალაპოტს ტრაქტორები მიადგნენ. ირმა იყო ყველგან, დაიწყო…
    Tags: და, რომ, არ
  • 83
    "მე საკუთარი თავი შევიყვარე"- ძალადობის მსხვერპლი ახალგაზრდა ქალის შეცვლილი ცხოვრება 30 წლის დიანა ხერემიანი თბილისიდანაა. ახლა ქალაქ ოზურგეთში ცხოვრობს. ხუთი წლის წინ მოძალადე ქმარს დედაქალაქიდან დააღწია თავი და ცხრა წლიანი, ოჯახური ცხოვრება ერთ დღეში დაასრულა...მანამდე იყო  თანაცხოვრების ურთულესი წლები, მორალური, ფსიქოლოგიური და ფიზიკური ძალადობა, დაუსრულებლად გრძელდებოდა... დედამ უარყო, მეგობრებმა მიატოვეს, სამყარომ ზურგი აქცია და სიფრიფანა გოგო, დარჩა მოძალადე ქმრის პირისპირ.…
    Tags: და, არ, რომ
  • 78
    ამ არჩევნებს ამერიკის მთავრობა განსაკუთრებული ყურადღებით აკვირდება - სახელმწიფო დეპარტამენტის წარმომადგენელი„31 ოქტომბრის არჩევნები იქნება კრიტიკულად მნიშვნელოვანი ნაბიჯი იმის დემონსტრირებისთვის, თუ რამდენად ერთგულია საქართველო დემოკრატიული განვითარების გზის მიმართ. თავისუფალი და სამართლიანი არჩევნები, რომელიც შეესაბამება საერთაშორისო სტანდარტებს და გამოხატავს ქართველი ხალხის ნებას, გააძლიერებს დემოკრატიულ სტაბილურობას და საქართველოს კავშირებს არა მხოლოდ შეერთებულ შტატებთან, არამედ ევროკავშირთან და ზოგადად, დასავლეთთან“, – ამბობს შერილ ფერნანდესი, ამერიკის…
    Tags: და, რომ