გერმანიამ გასცა ნიდერლანდის გზით უკრაინისთვის 400 ტანკსაწინააღმდეგო ყუმბარმტყორცნის მიწოდების ნებართვა. ამის შესახებ Reuters-ი იტყობინება ევროკავშირის ორ წყაროზე დაყრდნობით. ეს მკვეთრი ცვლილებაა სამხედრო სფეროში ბერლინის პოლიტიკაში, რაც ბოლო ხანებში სულ უფრო ხშირად ხდება კრიტიკის საგანი.
შაბათამდე გერმანია მკაცრად იცავდა დიდი ხნის პრაქტიკას და ლეტალურ იარაღს არ აგზავნიდა კონფლიქტის ზონებში.
ეს ცვლილება შესაძლოა ნიშნავდეს ევროპის ქვეყნებიდან უკრაინისთვის სამხედრო დახმარების სწრაფ ზრდას, ვინაიდან ევროპის ქვეყნების არსენალში მყოფი შეიარაღებისა და ტყვია-წამლის დიდი ნაწილი გერმანიაშია წარმოებული. ეს ბერლინს აძლევს უფლებას, გააკონტროლოს სამხედრო პროდუქციის სხვებისთვის გადაცემა.
როგორც გამოცემა Politico შენიშნავს, ეს არ ნიშნავს, რომ გერმანიამ მწვანე სინათლე აუნთო იარაღის მიწოდებას ზოგადად. ყოველი შემთხვევა ცალკე განიხილება.
აქამდე გერმანიამ უკრაინას 5000 სამხედრო ჩაფხუტი გაუგზავნა.
დიდი ბრიტანეთის ცნობით, დონორი ქვეყნების კონფერენციაზე ოცდახუთამდე სახელმწიფომ განაცხადა მზადყოფნა, უკრაინას „სამხედრო და ჰუმანიტარული დახმარება“ აღმოუჩინოს. სამხედრო დახმარებაში შედის ტყვია-წამალი და ტანკსაწინააღმდეგო იარაღი.
რადიო თავისუფლება
მსგავსი სტატიები:
300-ლარიანი კომპენსაციას მიიღებენ ისინიც, ვისაც ხელფასი 5 დეკემბრამდე ერიცხებოდა და შეზღუდვების გამო შეუწყდა
ოლიგარქი ფსევდო ოპოზიციას ქმნის?- ჩხარტიშვილი – გახარიას ახალი პარტია
“ოპოზიციის ნაწილმა წამოაყენა ულტიმატუმები, რაც ითვალისწინებდა კანონის უზენაესობის ფეხქვეშ გათელვას”
სიმართლეს ვერავინ შეაჩერებს! – რას პასუხობს გახარია ივანიშვილს?
გახარიას „ღალატი“ და „ხელისუფლების აყირავების“ გეგმა
ოპოზიციის ულტიმატუმი “ოცნებას” – სააკაშვილის კლინიკაში გადასაყვანად ხელისუფლებას 24-საათი აქვს
გათავისუფლება პოლიტიკური ნიშნით – გორის ჰოსპიტალის 30 თანამშრომელი სამსახურიდან გაუშვეს
ოზურგეთი-ქობულეთის დამაკავშირებელი გზა პარალიზებულია-მოქალაქები დაწყებულ და შეჩერებულ მშენებლობას აპროტესტებენ