აკაკი ბობოხიძე: „ქართულმა ოცნებამ“ ფულით მოისყიდა, ვინც პარლამენტში შედის

„ევროპული საქართველოს“ ერთ-ერთი წევრი აკაკი ბობოხიძე „პრაიმტაიმნიუსთან“ საუბრისას ხელისუფლებასა და ოპოზიციას შორის მიმდინარე პოლიტიკურ პროცესებს აფასებს და იმ ოპოზიციონერ პოლიტიკოსებს, რომლებიც  პარლამენტში შესვლას აპირებენ,  “ქართული ოცნების“ მიერ  მოსყიდულს უწოდებს.

მისი თქმით, ოპოზიციამ ხელისუფლებას არჩევნების გაყალბების საშუალება არასდროს უნდა მისცეს.

“ერთიანობის შენარჩუნების შემთხვევში, ჩვენ გვაქვს შანსი, რომ  „ქართულ ოცნებას“ მთავარი დავათმობინოთ, მიტომ ყურადღების სხვაგან გადატანა არასწორად მიმაჩნია. რაც შეეხება პარლამენტში შესვლა არშესვლის საკითხის, ერთხელ და სამუდამოდ უნდა დამკვიდრებას საქართველოში განცდა, რომ არჩევნების გაყალბება არავის შერჩება, წინააღმდეგ შემთხვევაში, ძალიან ცუდ პრეცენდენტს მივიღებთ. მომავალ პოლიტიკოსთა თაობას ვუკლავთ არჩევნების სანდოობის შესახებ განცდას, რაც ძალიან სახიფათ, შესაძლოა, აღმოჩნდეს ქვეყნისთვის”,- განაცხადა ბობოხიძემ.

მისივე თქმით, ოპოზიციის წევრთა  ნაწილი ახლა  განსხვავებული რიტორიკით საუბრობს, რაც გასაკვირია.

“მე ძალიან მიკვირს, რამ გამოიწვია ოპოზიციის წევრთა ნაწილის პოზიციების ცვლილება. ამას შეიძლება მოეძებნოს ერთადერთი ახსნა,  ვხედავთ, რა იარაღია ბიძინა ივანიშვილის ხელში, ეს არის ფული.

ვინც პარლამენტში შევა, ივანიშვილის მიერ არი მოსყიდული. ელისაშვილი ორი დღეა ამტკიცებს, რომ მას ფული არ აუღია, მან ამის მტკიცება დაიწყო მაშინ, როცა მისთვის ეს ბრალდება არავის ჰქონდა წაყენებული. ახლა ძალიან გათხელებული ამტკიცებს ერთადერთ რამეს, რომ  თურმე ვერ გაუბედავენ ფულის ხსენებასაც კი, ეტყობა, არ უხსენეს და ფული ისე შესთავაზეს”,- განაცხადა ბობოხიძემ.

გააზიარეთ და მოიწონეთ სტატია:

მსგავსი სტატიები:

ჯო ბაიდენის განცხადებით, გაპრეზიდენტების შემთხვევაში აშშ პარიზის კლიმატის შეთანხმებას დაუბრუნდება ჯორჯიის შტატში ხმების 99% დათვლილია – თუ შტატში ბაიდენი მოიგებს, ტრამპი საჭირო ხმებს ვეღარ მოაგროვებს “დასასრულის დასაწყისია ეს, გახსოვდეთ!არავის შეგრჩებათ!” “ჩვენ სახელმწიფო არ გვაქვს,  ჩვენ გვაქვს ერთ ადამიანზე ჩამოკიდებული გაურკვეველი წარმონაქმნი” ამ კვირაში შეზღუდვების 80 პროცენტი შემსუბუქდება – ღარიბაშვილი მომსწრე გავხდით, რომ ვართ ძლიერი სახელმწიფო – ღარიბაშვილი მელიას დაკავებაზე “პოლიციას ნუ ლანძღავთ, ეგენი დაიჭერენ ღარიბაშვილს” – გია ხუხაშვილ “ასეთია სულძაღლის შურისძიება” – ვის სდებს ბრალს სახლის დაწვაში ნემო ბურჭულაძის ვაჟი, მუხრან ბურჭულაძე?