ფლანგვის დეტექტორი: საახალწლო სამზადისისთვის ქვეყნის მასშტაბით 1 614 963 ლარი იხარჯება

არასამთავრობო ორგანიზაცია ფლანგვის დეტექტორის ინფორმაციით, მიმდინარე მონაცემებით, საახალწლო სამზადისისათვის ქვეყნის მასშტაბით 1,614,963 ლარი იხარჯება.

ორგანიზაციის ცნობით, ხარჯების სიდიდით გასული წლების მსგავსად თბილისის მერია ლიდერობს, რომელიც საახალწლო განათებაში 615,640 ლარს ხარჯავს.

“მეორე ადგილზე ბათუმის მერიაა, რომელიც საშობაო-საახალწლო დღეებში ქალაქის გაფორმების სამუშაოებზე 500,393 ლარს ხარჯავს. ხოლო მესამე ადგილს ქუთაისის მერია იკავებს, რომელმაც 232,687 ლარის ღირებულების 4 ტენდერი გამოაცხადა. მათ შორის 15,865 ლარის დახარჯვას სადღესასწაულო ფეიერვერკებში აპირებს, ხოლო თანხის დანარჩენ ნაწილს განათებების შესაძენად და დასამონტაჟებლად დახარჯავს. შედარებით მოკრძალებულად ემზადება რუსთავის მერია, რომელმაც მხოლოდ 21,517 ლარის საახალწლო განათება შეიძინა.

ქვეყანაში არსებული ვითარების გათვალისწინებით კიდევ უფრო მნიშვნელოვანია ადგილობრივი თვითმმართველობების მიერ თანხების მიზნობრივი და რაციონალური ხარჯვა, რადგან მცირე ბიუჯეტით უწევთ მათ წინაშე არსებულ გამოწვევებთან ბრძოლა. თუმცა, მიუხედავად ამისა რამდენიმე ადგილობრივი თვითმმართველობა საახალწლოდ უფრო მეტ თანხას ხარჯავს, ვიდრე თვითმმართველი ქალაქი რუსთავი.

მაგალითად, გორის მერიამ 100,000 ლარის ღირებულების ტენდერი გამოაცხადა საახალწლო მორთულობებისა და განათების შესასყიდად. მცხეთის მერიამ უკვე გააფორმა 85,000 ლარის ღირებულების ხელშეკრულება, რათა საახალწლოდ უზრუნველყოს “ქუჩების და პარკების მორთვა-მოკაზმვა, მონტაჟი-დემონტაჟი”. 24,814 ლარს ხარჯავს ზესტაფონის მერია ნაძვის ხის სათამაშოებსა და განათებაში.

აქვე აღსანიშნავია, რომ წინა წლების გამოცდილების მიხედვით საახალწლო შესყიდვების უმეტესობა ძირითადად დეკემბრის თვეში ხორციელდება და უმეტესად გადაუდებელი აუცილებლობით. შესაბამისად, მოსალოდნელია რომ დედაქალაქსა და რეგიონებში კიდევ გამოცხადდება ტენდერი საახალწლო განათებებთან და მომსახურებასთან დაკავშირებით”, – აცხადებენ ორგანიზაციაში.

მათივე ცნობით, ზემოთ აღნიშნულ 11 რეგიონსა და დედაქალაქში, სადაც საახალწლო მზადება უკვე დაიწყო, საერთო ჯამში ოქტომბრის თვის მონაცემებით 79,892 სოციალურად დაუცველია რეგისტრირებული, მათ შორის 17,313 ბავშვია.

“სოციალურად დაუცველთა ყოველთვიური დახმარება 60 ლარია. ქვეყანაში არსებული მძიმე სოციალურ-ეკონომიკურ ფონზე, საახალწლო სამზადისში დახარჯული თანხით შესაძლებელი იქნებოდა 17,313 სოციალურად დაუცველი ბავშვისათვის დამატებით 90 ლარის გადაცემა.

საინტერესოა, რომ 2019 წელს თბილისის მერიამ 3,650,924 ლარი დახარჯა საშობაო ნაძვის ხის შეძენაში და თბილისის ქუჩების მორთვისთვის, რაც სრულიად საკმარისი იქნებოდა იმისათვის რომ წელსაც იგივე საახალწლო განათებებით მორთულიყო თბილისის ქუჩები. შესაბამისად, ქვეყანაში არსებული მწვავე ეკონომიკური და ეპიდემიური ვითარებიდან გამომდინარე ნაკლებად იყო საჭიროება, რომ დამატებით 615,640 ლარის დახარჯული ქუჩების საახალწლო გირლიანდებსა და მილიონ ლარად ღირებული ნაძვის ხის გადაკეთებაში”, – ნათქვამია ფლანგვის დეტექტორის განცხადებაში.

გააზიარეთ და მოიწონეთ სტატია:

მსგავსი სტატიები

  • 62
    TI: ხელისუფლება ივანიშვილის გავლენის ქვეშაასაერთაშორისო გამჭვირვალობა-საქართველო აქვეყნებს მოკვლევას არაფორმალური მმათველობის პრობლემასა და მისი შედეგების შესახებ. ორგანიზაციის შეფასებით, "ქართული ოცნების მმართველობის ორი ვადის გასვლის თავზე დაგროვილი მტკიცებულებები საკმარისია იმის სათქმელად, რომ კორუფციამ საქართველოში სახელმწიფოს მიტაცების ფორმა მიიღო დღეის მდგომარეობით, საქართველოს ხელისუფლების აღმასრულებელი შტო მთლიანად ერთი ადამიანის გავლენის ქვეშაა. აღმასრულებელ ხელისუფლებას გამოცლილი აქვს შეკავებისა და გაწონასწორების დემოკრატიული მექანიზმები, რაც განპირობებულია…
    Tags: და, რომ
  • 59
    ამ არჩევნებს ამერიკის მთავრობა განსაკუთრებული ყურადღებით აკვირდება - სახელმწიფო დეპარტამენტის წარმომადგენელი„31 ოქტომბრის არჩევნები იქნება კრიტიკულად მნიშვნელოვანი ნაბიჯი იმის დემონსტრირებისთვის, თუ რამდენად ერთგულია საქართველო დემოკრატიული განვითარების გზის მიმართ. თავისუფალი და სამართლიანი არჩევნები, რომელიც შეესაბამება საერთაშორისო სტანდარტებს და გამოხატავს ქართველი ხალხის ნებას, გააძლიერებს დემოკრატიულ სტაბილურობას და საქართველოს კავშირებს არა მხოლოდ შეერთებულ შტატებთან, არამედ ევროკავშირთან და ზოგადად, დასავლეთთან“, – ამბობს შერილ ფერნანდესი, ამერიკის…
    Tags: და, რომ
  • 55
    კედლის მხატვრობა Associò, ცხოვრება და შემოქმედება- მხატვარი ლევან სონღულაშვილილევან სონღულაშვილი ახალგაზრდა ქართველი მხატვარია, რომელმაც მოკლე პერიოდში თავბრუდამხვევ წარმატებას მიაღწია დასავლურ სახელოვნებო წრეებში. ის დღეს ნიუ-იორკში ცხოვრობს და მოღვაწეობს.  მისი ნამუშევრები უკვე მსოფლიო სახელოვნებო ინსტიტუციების ყურადღების ცენტრშია მოქცეული. თბილისის სამხატვრო აკადემიის დასრულების შემდეგ ლევანი უორჰოლის დაარსებული “ნიუ-იორკის არტ-აკადემიის” პირველი ქართველი მაგისტრი გახდა. აკადემიის ცნობილმა გამოფენა-აუქციონმა – Tribeca Ball 2015-მა…
    Tags: და
  • 55
    „გურული დონკიხოტი „- ვინ არის აქტივისტი ქალი, რომელიც რეგიონის ბუნებას ხმალამოღებული იცავსირმა გორდელაძე ოზურგეთის მუნიციპალიტეტში, სოფელ ლიხაურში ცხოვრობს. ისტორიის და სამოქალაქო განათლების პედაგოგია. ყოველთვის აქტიური იყო და საკუთარი სოფლის ყველა საჭირბოროტო საკითხის მოგვარებაში იღებდა მონაწილეობას. ბუნებისდამცველი აქტივისტი მას შემდეგ გახდა, რაც მის სოფელში, მდინარე აჭის ხეობაში, ინერტული მასალის მოსაპოვებლად ერთ-ერთი კომპანია შევიდა და მდინარის კალაპოტს ტრაქტორები მიადგნენ. ირმა იყო ყველგან, დაიწყო…
    Tags: და, რომ