“მოსახლეობა მარტივად იგრძნობს, როცა რუსეთიდან არ შემოვა პური, მაკარონი, ზეთი…” – “ოცნების” დეპუტატი

“საქართველოს მოსახლეობა ძალიან ადვილად და იოლად იგრძნობს, როდესაც რუსეთიდან პური არ შემოვა, ხორბალი, წიწიბურა, მაკარონი, მარგარინი, მზესუმზირის ზეთი არ შემოვა” – ამის შესახებ „ქართული ოცნების“ დეპუტატმა, ეკა სეფაშვილმა პარლამენტში ისაუბრა.

მან პლენარულ სხდომაზე ოპოზიციის წევრებს მიმართა და თქვა, რომ რეგიონში მიმდინარე პროცესები საქართველოს ეკონომიკაზე მოახდენს გავლენას და მნიშვნელოვანია, რომ ეს გავლენა მინიმალური იყოს.

„სანქციებმა იმ სუბიექტს უნდა შეუქმნას დისკომფორტი, ვის მიმართაცაა დაწესებული. დისკომფორტის შედეგად, ისეთი რაღაცის გაკეთება აიძულოს, რომელსაც წინააღმდეგ შემთხვევაში ის არასოდეს არ გააკეთებდა… დაფიქრდით, რა დისკომფორტის მინიჭება შეუძლია საქართველოს ეკონომიკური სანქციებით?

თუ რუსული ბაზრიდან ჩვენი კერძო ბიზნესის მიერ წარმოებული ღვინო იქნება თუ სოფლის მეურნეობის პროდუქტები გაქრება, შეიძლება რუსმა მომხმარებელმა ეს ვერც შენიშნოს, ხოლო საქართველოს მოსახლეობა ძალიან ადვილად და იოლად იგრძნობს, როდესაც პური არ შემოვა, ხორბალი, წიწიბურა, მაკარონი, მარგარინი, მზესუმზირის ზეთი არ შემოვა და ეს მოსახლეობის კეთილდღეობაზე პირდაპირ აისახება. მერე დაიწყეთ ინფლაციაზე და ლარის გაუფასურებაზე საუბარი, როდესაც ჩვენი მეწარმის მიერ წარმოებული საქონელი არ გაიყიდება საერთაშორისო ბაზრებზე ეს დააკლდება არა მარტო იმ ადამიანებს, ვინც რეალურად ამ პროდუქტის წარმოებაში არიან ჩართული, არამედ მულტიპლიკატორის ეფექტით მთელს ეკონომიკას გადაეცემა.

გავითვალისწინოთ ის, რომ რეგიონში უსაფრთხოების და ეკონომიკის თვალსაზრისით უსაშინლესი მოვლენები მიმდინარეობს და ეს ასე თუ ისე, ჩვენს ეკონომიკაზე გავლენას მაინც მოახდენს და მოდით, ვეცადოთ, რომ ეს ნეგატიური გავლენა რაც შეიძლება მინიმალური იყოს და ვიფიქროთ, ჩვენი ქვეყნის კეთილდღეობაზე…

აქ რამდენჯერმე გაისმა მოწოდებები სოციალურად დაუცველ მოსახლეობაზე, ინფლაციაზე და ასე შემდეგ. ეს ჩვენც ძალიან კარგად ვიცით და ვაცნობიერებთ ამ პრობლემებს. თუ მართლა ასე ძალიან წუხხართ და რეალურად ცდილობთ ამ პრობლემების გადაჭრას, მაშინ რა არის თქვენი გაუთავებელი მოხოვნა ეკონომიკური სანქციებზე მიერთების შესახებ?” – თქვა სეფაშვილმა.

გააზიარეთ და მოიწონეთ სტატია:

მსგავსი სტატიები:

რა მოუტანა ქვეყანას 2020 წელმა-გია ხუხაშვილის შეფასება კრისტიან დანიელსონი საქართველოში დღეს ჩამოდის სააკაშვილის “კაცი”, კობახიძის ახალი “სიბრძნე” და მდინარაძე-წილოსანის გალობა – გგონიათ, ნაპრემიერალი დაგლეჯს ჩვენს ნაცვლად ნარ-ეკალს? ივანიშვილის ხეების გადამტანმა კომპანიამ 2011 წლიდან 98 მილიონის ტენდერი მოიგო – ფლანგვის დეტექტორი ასეთი შეშინებული ხელისუფლება არასოდეს გვყოლია – ტორესა მოსი რა არის ჩაწერილი „ფლეშკაზე“, რომელიც მეუფე ნიკოლოზმა საკურთხეველთან ღარიბაშვილს გადასცა უკრაინის ომბუდსმენი მიხეილ სააკაშვილის მოსანახულებლად ნებართვას ითხოვს “ბახვის თემში, რწმუნებულის მოადგილედ ჯგუფურ ყაჩაღობაზე ნასამართლევი პირი დანიშნეს”