უძრავი ქონების აგენტები საცხოვრებელ ფართებზე მოთხოვნის ზრდაზე საუბრობენ. მათი თქმით, ბოლო 20 დღეში მოთხოვნა 50%-ით მაინც არის გაზრდილი.
როგორც საქართველოს უძრავი ქონების ეროვნული ასოციაციის მმართველი საბჭოს წევრი ბესიკ ქავთარაძე აცხადებს, მოთხოვნის ზრდასთან ერთად დაკორექტირდა ფასებიც, რომელიც ცენტრალურ უბნებში კვადრატულზე დაახლოებით 100 დოლარით გაიზარდა.
მისივე თქმით, რუსეთიდან და ბელარუსიდან ჩამოსული მოქალაქეები საცხოვრებელ სახლებს ძირითადად ცენტრალურ უბნებში ეძებენ.
ამასთან, ქავთარაძე ამბობს, რომ საცხოვრებელისგან განსხვავებით ამ ეტაპზე კომერციული ფართების მოთხოვნის მკვეთრი ზრდა არ ფიქსირდება. თუმცა მისი თქმით, არსებობს მოლოდინი, რომ ინტერესი საქართველოს ბაზრის მიმართ კიდევ უფრო მეტად გაიზრდება, რამაც არ არის გამორიცხული, რომ კომერციული უძრავი ქონების გასაქირავებელი ფასიც გაზარდოს.
“ვაკე-საბურთალოზე კომერციულ ფართების კვადრატულის ქირის ღირებულება 12-17$-ია. ამ ეტაპზე განსაკუთრებული ცვლილება ფასებში არ შეიმჩნება. თუ უცხოური ინვესტიციების შემოდინება იქნება, ფასი გაიზრდება. მოთხოვნიდან გამომდინარე, ბაზარი ვერ გაუძლებს და ფასიც მოიმატებს. როგორც ეს საცხოვრებელი ფართების შემთხვევაში მოხდა. დაახლოებით 20 დღის განმავლობაში გაზრდილია ფასი, არის შემთხვევები, რომ თავად მეპატრონეებს არ აქვთ სურვილი საცხოვრებელი ფართი გააქირაონ. პროცენტულად რომ ვთქვათ, 50%-ით გაიზარდა საცხოვრებელ უძრავ ქონებაზე მოთხოვნა. ძირითადად ცენტრალურ უბნებზეა მოთხოვნა: ვაკე, საბურთალო და ჩუღურეთი”, -ამბობს საქართველოს უძრავი ქონების ეროვნული ასოციაციის მმართველი საბჭოს წევრი, ბესიკ ქავთარაძე.
მსგავსი სტატიები:
დღეს კორონავირუსით გარდაცვლილი 7 პაციენტიდან 3 აჭარიდანაა
დღეს, გურიის რეგიონის საჯარო და კერძო სკოლებში სასწავლო პროცესი საკლასო ოთახებში განახლდა
“ასობით ადამიანი იმიტომ გაწირეთ სასიკვდილოდ, რომ არჩევნების წინ არ გაწყობდათ ზომების გამკაცრება?”
“ვერაფერს ეს ხელისუფლება ვეღარ იზამს”
კომენდანტის საათი 23:00 საათამდე გადასწიეს
ფინანსთა მინისტრის განმარტება, ლარის გამყარების ბოლო რამდენიმე დღის ტენდენციაზე
ლარის კურსი
მომავალ 3 წელიწადში ფასების ზრდა ისევ 3%-ზეა დადგენილი