როგორც “გურიის მოამბესათვის” გახდა ცნობილი-გურიის სურსათის უვნებლობის სამსახურის ყოფილი უფროსის, ნინი შეწირულის მეუღლე, ბიძინა გობრონიძე ოზურგეთის მუნიციპალურ ტრანსპორტსა და პარკირების სამსახურს უხელმძღვანელებს.
ეს ინფორმაცია “გურიის მოამბეს” ოზურგეთის მუნიციპალური საკრებულოდან აცნობეს.
იმის შესახებ რომ ეს სამსახურები გაერთიანდა და მათი ხელმძღვანელები განთავისუფლებულნი არიან, ეს ოზურგეთის მერის, ავთანდილ ტალაკვაძის საჯარო განცხადებიდან გახდა ცნობილი.
მისივე განცხადებიდან ირკვევა, რომ ააიპ “მუნიციპალური ტრანსპორტის” უფროსი ამბაკო გოგოტიშვილი გაანთავისუფლეს, ააიპ “პარკირების სამსახურის” უფროსმა, რომან გოგიტაურმა კი თანამდებობა გასულ წელს დატოვა.
ნინი შეწირული ბოლო საპარლამენტო არჩვნებში მაჟორიტარი დეპუტატობის კანდიდატი იყო, ბოლო ადგილობრივ არჩევნებში ჯერ გახარიას გუნდში გაერთიანდა, მოგვიანებით კი ავთანდილ თალაკვაძის ერთ ერთ შტაბს, მეუღლესთან ერთად ხელმძღვანელობდა.
თავად გობრონიძე ააიპ “სპორტის განვითარების ცენტრს” ხელმძღვანელობდა დღიდან დაარსებისა 2012 წლამდე, რის გამოც “ნაციონალური მოძრაობის” დროს “ღირსების მედლით დაჯილდოვდა.
მოგვიანებით გარემოს დაცვის დეპარტამენტის თანამშრომელი იყო.
“ამ ინფორმაციას ვერც უარვყოფ და ვერც დაგიდასტურებთ, საინტერესოა საიდან გაიგეთ” გვიპასუხა გობრონიძემ სატელეფონო საუბრისას ისე, რომ არც კი გვიკითხავს რა ინფორმაციაზე იყო საუბარი.
მსგავსი სტატიები:
ოზურგეთში დიდთოვლობის გამო სოფლებს ელექტროენერგია არ მიეწოდება
“ეს ისტორიული ხეობა უნდათ ააოხრონ… ჰესის აშენებამდე ჯერ ჩემი მოკვლა მოუწევთ”-რა ხდება სურებში?
“მოსახლეობის გადამოწმების მიზნით, ხვალ, ბახმაროში, მასიური ტესტირება დაიწყება”
ჩოხატაურის რესურს ცენტრი – სკოლაზე ასეთი აქცენტის გადატანა შეცდომაა
ოზურგეთელმა სასწრაფოს ექიმმა გალფის გათამაშებაში ავტომანქანა მოიგო
“რომ არა ამომრჩევლის მოსყიდვა და დაშინება, დადებდით ამ შედეგს?”-შარაშენიძე თალაკვაძეს
ოზურგეთში ავტოტექნიკის მწარმოებელი ქარხნის მშენებლობა იწყება
არაოფიციალური ინფორმაციით,ოზურგეთის სატყეო-სააგენტოს უფროსად კოტე შევარდნაძე ინიშნება