მარნეულში “ერთიანი ნაციონალური მოძრაობის” ოფისი შეღებეს და კედელზე შეურაცხმყოფელი წარწერები დატოვეს – ეს სავარაუდოდ ალტ-ინფოს მარნეულის ოფისის წევრებმა ჩაიდინეს, რომლებმაც რამდენიმე დღის წინ დააანონსეს, რომ პარტიის ოფისს დაარბევდნენ.
მათი გაღიზიანება სამოქალაქო აქტივისტის, სამირა ბაირამოვას მიერ მარნეულში ალტ-ინფოს ოფისზე გაკეთებულმა უკრაინის მხარდამჭერმა წარწერებმა გამოიწვია. რადიკალები სამოქალაქო აქტივისტის წინააღმდეგ მუქარასა და დაშინებას კვლავ განაგრძობენ. თავად აქტივისტი კი მსგავს ქმედებებს პროვოკაციის დაწყების მცდელობებს უკავშირებს.
“ენმ-ის წევრი მე არ ვარ, საქმე იმაშია, რომ ისინი არიან ჩვეულებრივი საფრთხე და გეგმავენ მარნეულში პროვოკაციულ ქმედებებს. იმედი მაქვს, შსს ხედავს, რომ ისინი არიან საზოგადოებისთვის საფრთხე. ულტიმატუმებს მიგზავნიან და პასუხებს მთხოვენ”, – ამბობს ბაირამოვა.
ენმ-ის წევრებისთვის გაუგებარია, რატომ ასოცირდება სამირა ბაირამოვა მათთან.
“სამი დღის უკან აქ იყვნენ უცნობი ხალხი მოსული 70-მდე კაცი, რომლებიც გვემუქრებოდნენ ოფისის დარბევით. პოლიციას შევატყობინე. მოვიდა, ნახეს და წავიდნენ, მეტი ღონისძიება არ მიუღიათ. ჩვენი არც პარტიის წევრია, აქც აქტივისტია, ჩვენთან ოფისშიც კი არ ყოფილა სამირა”, – ამბობს ენმ-ის წევრი, გივი ქველაძე.
ცნობისთვის, სამართალდამცველები ენმ-ის ოფისთან ამ დრომდე არ მისულან.
მსგავსი სტატიები:
გორში რძალმა სასამართლოს ძალით მულს მასთან მიახლოება აუკრძალა
12 წლის გარდაცვლილი ბავშვის ოჯახის წევრები: „ესაჭიროებოდა ჟანგბადი და დროულად არ მოხდა მიწოდება“
რას წერდა გაზეთი დროება (1872) გურულების სიფიცხეზე
საპენსიო სააგენტო დაგროვებითი და სოციალური პენსიას შორის მსგავსებისა და განსხვავების შესახებ ინფორმაციას ავრცელებს
“ფიქრმა წერა დამაძალა თელავზე, კახეთზე”
მე ავიცერი და ავირჩიე ჯანმრთელობა და სხვისი სიცოცხლის დაცვაც – დეკანოზი ალექსანდრე გალდავა
„მეხუთე ტალღა დაწყებულია“ – ამირან გამყრელიძე მოსახლეობას მიმართავს
საქართველოში დათბება | 24 თებერვლის ამინდი