რუსეთი უკრაინაში ომის შეწყვეტას მიზნის მიღწევამდე არ გეგმავს. როგორც რუსეთის უშიშროების საბჭოს თავმჯდომარის მოადგილემ დიმიტრი მედვედევმა განაცხადა, ე.წ სპეცოპერაცია, როგორც რუსეთში ამ ომს უწოდებენ, გაგრძელდება მანამ, სანამ არ მოხდება უკრაინის “დენაციფიკაცია” და “დემილიტარიზაცია”.
“სპეცოპერაცია პირველ რიგში იმიტომ შედგა, რომ მიზანი, რომელიც დასახული ჰქონდა რუსეთის ფედერაციას, ვერ განხორციელდა დიპლომატიური გზით. ამის შესახებ ისაუბრა პრეზიდენტმა, როდესაც სპეცოპერაციის დაწყების შესახებ განაცხადა. სპეცოპერაციის მიმდინარეობა და მისი ჩატარების გეგმები განისაზღვრება მთავარსარდლის მიერ, რომელიც კონსტიტუციის მიხედვით პრეზიდენტია. პრეზიდენტმა თავისი შეფასება წარმოადგინა.
ოპერაცია ვითარდება გეგმის მიხედვით, ეს გეგმა მომზადებული და დამტკიცებულია მთავარსარდლის მიერ, ამიტომ ახლა დამატებით შეფასებებს მე არ გავაკეთებ. ცხადია, რომ ოპერაცია იქნება გაგრძელებული იმ მიზნების მიღწევამდე, რომელიც იქნა დასახული ქვეყნის პრეზიდენტის მიერ. ეს მიზანი შეეხება უკრაინის მომავალს, მის სტატუსს, როგორც ნეიტრალური ქვეყნისა, რომელიც არ აწარმოებს ანტირუსულ პოლიტიკას, სახელმწიფო რომელიც არაა მილიტარიზირებული და უნდა წარმოადგენდეს ჩვენს ნორმალურ მეზობელს. ამიტომ მიზნის მიღწევამდე, უკრაინის დემილიტარიზაციის და დენაციფიკაცისთვის სპეცოპერაცია უნდა გაგრძელდეს, როგორც იყო ჩაფიქრებული პრეზიდენტის მიერ,”- განაცხადა დმიტრი მედვედევმა.
მსგავსი სტატიები:
როგორი იქნება განახლებული ბულვარი ურეკში-პროექტზე კიდევ ერთი ტენდერი გამოცხადდა
გურიის რეგიონში, დასუფთავების მასშტაბური აქცია მოეწყო
“არჩევნები ჩატარდა დემოკრატიულად და სამართლიანად,არჩევნების გაყალბებაზე ბრალდება იყო აბსურდული”
სინოვაკზე რეგისტრაცია 21 მაისს დაიწყება, ვაქცინაცია კი 24 მაისს
ფოტოამბავი-ნაგომრის ადმინისტრაციული შენობა ხანძრის შემდეგ
მიხეილ სააკაშვილს რუსთავის ციხეში მეუფე გრიგოლი მოინახულებს
კელი დეგნანი: „რეგიონული დაძაბულობის ფონზე მნიშვნელოვანია საქართველომ და აშშ-მა ახლო კომუნიკაცია შევინარჩუნოთ“
“მომდევნო კვირიდან “საწვავის ფასი 3.5-დან 4 ლარამდე იმერყევებს”