პროკურატურის განცხადებით, წინასწარი შეთანხმებით ჯგუფის მიერ დიდი ოდენობით სახელმწიფოს კუთვნილი ქონების დაუფლების ფაქტზე, წალენჯიხის მუნიციპალიტეტის საკრებულოს წევრს, მერის წარმომადგენელს და მათთან დანაშაულებრივ კავშირში მყოფ 9 პირს ბრალდება წარუდგინეს.
ერთ-ერთი მათგანი პარტია “საქართველოსთვის” წევრი, გელა აბულაძე, როელიც 28 მარტს დააკავეს.
“დადგინდა, რომ წალენჯიხის მუნიციპალიტეტის საკრებულოს წევრი გ.ა. დაუკავშირდა წალენჯიხის მუნიციპალიტეტის მერის წარმომადგენელს სოფელ ეწერის ადმინისტრაციულ ერთეულში და სახელმწიფო საკუთრებაში არსებული უძრავი ქონებების მისი ოჯახის წევრებზე, ნათესავებზე და ნდობით აღჭურვილ პირებზე თაღლითური გზით დარეგისტრირებაში დახმარება სთხოვა.
მერის წარმომადგენელმა შეთანხმებისამებრ გასცა ყალბი ცნობები, რის საფუძველზეც გ.ა.-მ და მასთან დანაშაულებრივ კავშირში მყოფმა მისმა ოჯახის წევრებმა და ნათესავებმა ერთი დღის ინტერვალით მიმართეს საჯარო რეესტრს და უკანონოდ დაირეგისტრირეს სახელმწიფო საკუთრებაში არსებული დიდი ოდენობით ქონება. კერძოდ, წალენჯიხის საკრებულოს წევრის დედამ – 9.858 კვ.მ. მიწის ნაკვეთი, საკრებულოს წევრის დამ – 11.145 კვ.მ. მიწის ნაკვეთი, ბიძაშვილებმა – ორი მიწის ნაკვეთი, თითოეული 12.500 -12.500 კვ.მ. იმავე პერიოდში, გ.ა.-სთან დასაქმებულმა და მისი ნდობით აღჭურვილმა პირებმა დაირეგისტრირეს 54.080 კვ.მ.ფართობის-5 მიწის ნაკვეთი, რომელთაგან ნაწილი საკრებულოს წევრმა მალევე, მის მფლობელობაში არსებული კომპანიის შპს „ლეგის“ სახელზე გადაიფორმა და სწორედ ამ კომპანიის სარგებლობაში მოექცა სახელმწიფოსგან თაღლითურად მიტაცებული მიწები”, – წერია განცხადებაში.
პროკურატურა წალენჯიხის საკრებულოს წევრის და მერის წარმომადგენლის მიმართ აღკვეთის ღონისძიების სახით პატიმრობას მოითხოვს, ასევე, სხვა ბრალდებულების მიმართ აღკვეთის ღონისძიების გამოყენების თაობაზე, სასამართლოს კანონით დადგენილ ვადაში მიმართავს.
მსგავსი სტატიები:
“სადისტი უნდა იყო წულუკიანის კულტურის მინისტრობა რომ გინდოდეს”
სალომე სამადაშვილი ამნისტიაზე – ვფიქრობ, ნიკა მელიასთან მივიდე საპატიმროში და უფრო დეტალურად გავიაროთ ეს თემა
ამნისტია არ შეეხება იმათ, ვინც ადამიანები დაასახიჩრეს და ამის ბრძანება გასცეს
“ზუსტად იგივე უბედურებას იმეორებს ხელისუფლება, რაც მოხდა გირგვლიანის ტრაგედიის შემდეგ…” – ნინო ბურჯანაძე
“დღეს „ნაცმოძრაობა“ მიტინგს აწყობს, იმის მაგივრად , რომ მერობის კანდიდატი იმ ყოფილ პრეზიდენტს გვერდით ეჯდეს”
წყლის ჭავლით, ან მხუთავი აირით დავშლიდით და უმარტივესად დავაკავებდით სააკაშვილს
ვიწყებთ სხვადასხვა ფორმის პროტესტს სკოლის სახელმძღვანელოში ბელადი ბიძინას დიდების შეტანის გამო – ხოშტარია
პარლამენტმა ცესკო-ს თავმჯდომარედ გიორგი კალანდარიშვილი აირჩია