ხმაური ალტ ინფოს ჩოხატაურის ოფისთან – მოქალაქეები ოფისის გახსნას აპროტესტებენ

ხმაურია ამ წუთებში ალტ-ინფოს ჩოხატაურის ოფისის წინ, სადაც  შეკრებილები არიან მოქალაქეები, რომლებიც აპროტესტებენ ალტ-ინფოს ოფისის გახსნას.

ამ წუთებში ოფისთან მისულ მოქალაქეებს რამდენიმე პიროვნება ეკამათება, რომლებიც ალტ-ინფოს წარმომადგენლები არიან.

ერთ-ერთი მათგანია სოსო თოხაძე, რომელიც მოქალაქეებს წარუდგა, როგორც ამ ოფისის მომავალი ხელმძღვანელი.

მოქალქეებმა რამდენიმე შეკითხვა დაუსვეს მას. მაგალითად, არის თუ არა პუტინი სამხედრო დამნაშავე ან ვის გულშემატკივრობს ის  რუსეთ-უკრაინის ომში, რაზეც ბატონმა სოსომ პასუხი ვერ გასცა. მისი თქმით, ის დაელოდება საერთაშორისო სასამართლოს დასკვნას და მხოლოდ ამის შემდეგ ისაუბრებს რუსეთ-უკრაინის ომში დამნაშავეებზე.

ხოლო რაც შეეხება რუსეთ-საქართველოს 2008 წლის ომს, ალტ-ინფოს ოფისში მიიჩნევენ, რომ ის საქართველომ დაიწყო.

გააზიარეთ და მოიწონეთ სტატია:
Pin Share