რეკომენდაციების ზედმიწევნით დაცვისთვის ჯანმო-მ მადლობა გადაგვიხადა

საქართველოს საპატრიარქოს საზოგადოებასთან ურთიერთობის სამსახურის ცნობით, ჯანმრთელობის მსოფლიო ორგანიზაციის (WHO) ევროპის რეგიონული ოფისის დირექტორმა ჰანს კლუგებ, სპეციალური ვიზიტისას საქართველოს კათოლიკოს-პატრიარქს ილია მეორეს სააღდგომო პერიოდში ვირუსის გავრცელების წინააღმდეგ გადადგმული ნაბიჯებისთვის მადლობა გადაუხადა.

საპატრიარქოს პრესსამსახური აცხადებს, რომ კლუგემ საქართველოში გაზაფხულზე ვირუსის გავრცელების პრევენციისთვის გადადგმული ნაბიჯების ეფექტურობას და ამ პროცესში მართლმადიდებელი ეკლესიის წვლილს გაუსვა ხაზი.

“მინდა, თქვენს უწმინდესობას მივულოცო ის წარმატება, რომელსაც საქართველოს მართლმადიდებელმა ეკლესიამ მიაღწია გაზაფხულზე, აღდგომის ბრწყინვალე დღესასწაულის დღეებში ეკლესიებში ვირუსის წინააღმდეგ პრევენციული ზომების მიღებისა და დაცვის შედეგად”, – განაცხადა კლუგემ საპატრიარქოს პრესსამსახურის ცნობით.

გაზაფხულზე კორონავირუსის პირველი ტალღის მიმდინარეობისას საქართველოს საპატრიარქოს გადაწყვეტილებები კრიტიკის ერთ-ერთი მთავარი საგანი იყო, მათ შორის, ქვეყნის წამყვანი ეპიდემიოლოგების მხრიდან, რომლებმაც, მოზომილი რიტორიკის მიუხედავად, არაერთხელ აღნიშნეს, რომ მრევლის ერთი კოვზით ზიარება ეპიდემიის გავრცელებას შეუწყობდა ხელს.

ეპიდემიოლოგების განცხადებების და სამეცნიერო მტკიცებულებების მიუხედავად, საქართველოს საპატრიარქომ არ შეწყვიტა მორწმუნეთა საერთო კოვზით ზიარება და საგანგებო მდგომარეობის გამოცხადების მიუხედავად, საჯარო ღვთისმსახურებები განაგრძო.

საპატრიარქოს ეს გადაწყვეტილება არ დაემთხვა სხვა მართლმადიდებელი ეკლესიების, ისევე როგორც საქართველოში არსებული რელიგიური ჯგუფების გადაწყვეტილებას, რომლებმაც მსახურება დისტანციურად განაგრძეს.

საპატრიარქოს გადაწყვეტილება კრიტიკის საგანი გახდა საქართველოს მართლმადიდებელი ეკლესიის ეგზარქიებში მოღვაწე მღვდელმთავრებისთვისაც. არაერთი ეგზარქიის მღვდელმთავარმა საპატრიარქოს ეპიდემიის გავრცელების ხელშეწყობაში დასდო ბრალი.

ამას გარდა, სასულიერო პირთა ნაწილი ქადაგებისას მრევლს უმტკიცებდა, რომ კორონავირუსი არ არსებობს, მათი ნაწილი კი ვაქცინის შემოღების შემდეგ საჯაროდ ამბობდა, რომ ვირუსის საწინააღმდეგო აცრას არ გაიკეთებდა.

მიუხედავად ამისა, საპატრიარქოს პრესსამსახურის ცნობით, ჰანს კლუგემ იმედი გამოთქვა, რომ საქართველოს მართლმადიდებელი ეკლესია კვლავ “თანმიმდევრულად” განაგრძობს ჯანმოს რეკომენდაციების გათვალისწინებას და დაცვას.

“იმედი გვაქვს, რომ ეკლესია შემდგომშიც თანმიმდევრულად იმოქმედებს ყველა იმ რეკომენდაციების დასაცავად, რომელსაც ჯანდაცვის ორგანიზაციები გასცემენ“, – განუცხადა კლუგემ პატრიარქს პრესსამსახურის ცნობით.

მთავრობის გადაწყვეტილებით გადაადგილების შეზღუდვა 7 იანვრის შობის ღამეს მოიხსნება. ამ დღეს მორწმუნეებს ეკლესიებში საშობაო ლიტურგიაზე დასწრების შესაძლებლობა მიეცემათ. საქართველოს მართლმადიდებელი ეკლესია საშობაო ლიტურგიასაც მორწმუნეთა დასწრებით აღასრულებს, ხოლო მრევლს კვლავ საერთო კოვზით აზიარებენ.

გააზიარეთ და მოიწონეთ სტატია:

მსგავსი სტატიები

  • 91
    საქართველოს კათოლიკოს-პატრიარქის საშობაო ეპისტოლესრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის ილია მეორის საშობაო ეპისტოლე. „ყოვლადსამღვდელონო მღვდელმთავარნო, ღირსნო მოძღვარნო, დიაკონნო, ბერ-მონოზონნო, ხელისუფალნო, საქართველოს წმინდა მართლმადიდებელი ეკლესიის ყოველნო წევრნო, მკვიდრნო ივერიისა და ჩვენი ქვეყნის საზღვრებს გარეთ მცხოვრებნო თანამემამულენო: „ღმერთნი სამე ხართ და შვილნი მაღლისანი” (ფს. 81.6) უფალმა ადამიანი შექმნა განღმრთობისათვის, ღვთაებრივ სიკეთეთა მიღებისა და ღვთის წინაშე…
    Tags: და, საზოგადოება, მთავარი, თემა, ახალი, ამბები
  • 91
    საპატრიარქო წმინდა სინოდის განჩინებას ავრცელებსსაქართველოს სამოციქულო ავტოკეფალური მართლმადიდებელი ეკლესიის წმინდა სინოდის განჩინება გამოქვეყნდა.რომლის ტექსტსაც გთავაზობთ სრულად. „მიმდინარე წლის 11 თებერვალს, საქართველოს საპატრიარქოში გაიმართა საქართველოს მართლმადიდებელი ეკლესიის წმინდა სინოდის მორიგი სხდომა. სხდომას თავმჯდომარეობდა სრულიად საქართველოს კათოლიკოს-პატრიარქი მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი ილია II. სხდომის მდივნად დაინიშნა გორისა და ატენის მიტროპოლიტი ანდრია (გვაზავა). 1.…
    Tags: და, საქართველოს, საზოგადოება, მთავარი, თემა, ახალი, ამბები
  • 91
    გერმანიაში სამუშაოდ წასულებს ხელფასი საქართველოში დაერიცხებათყველაფერი ის, რაც გერმანიაში დასაქმების მიზნით წამსვლელებმა უნდა იცოდეთ! 15 თებერვლიდან, საქართველოს მოქალაქეების გერმანიაში, დროებით, ლეგალურ დასაქმებაზე რეგისტრაცია დაიწყო. დასაქმება სოფლის მეურნეობის სექტორში, სეზონურ სამუშაოებზეა შესაძლებელი, რაც სხვადასხვა სეზონური მოსავლის აღებას გულისხმობს. გერმანიის შრომის ბაზარზე, საქართველოს მოქალაქეებს დროებითი ლეგალური დასაქმება სამი თვით შეეძლებათ. სეზონური სამუშაოები 1 აპრილიდან დაიწყება. დასაქმების მსურველი…
    Tags: და, რომ, არ, საქართველოს, საზოგადოება, მთავარი, თემა, ახალი, ამბები
  • 91
    ქართველის ნაკლი სოფლიდან ჩამოსვლა კი არა, ადგილიდან უძრაობაა – ნათია ფანჯიკიძექართველის ნაკლი სოფლიდან ჩამოსვლა კი არა, სულ პირიქით, სწორედ ადგილიდან უძრაობაა, – ამის შესახებ ფსიქოლოგი ნათია ფანჯიკიძე სოციალურ ქსელში წერს. ფანჯიკიძე მოუწოდებს ყველას იმოგზაურონ ძალიან ბევრი და მოიარონ მთელი დედამიწა, თუმცა შემდეგ სამშობლოში დაბრუნდნენ. „არავის პასუხად, არავის საკრიტიკოდ, უბრალოდ ჩემ აზრს გეტყვით, – ქართველის ნაკლი, უმეტეს შემთხვევაში, სოფლიდან ჩამოსვლა კი არა,…
    Tags: და, რომ, საზოგადოება, მთავარი, თემა, ახალი, ამბები