„ერის სიხარბე გენეტიკურია… რა მენტალობაა, რა აზროვნებაა! – მამა პეტრე სავაჭრო ცენტრებთან შექმნილ საცობებზე

„ყველა ვირუსი აუცილებლად განიკურნება, ერის სიხარბე კი გენეტიკურია!..“, – ასე გამოეხმაურა მამა პეტრე კოლხი თბილისის სავაჭრო ცენტრებში დილაადრიან, დიდი რაოდენობით ხალხის მისვლას და ამის გამო შექმნილ კილომეტრიან საცობებს დედაქალაქში.

პოსტს დიდი გამოხმაურება მოჰყვა. სოცილურ ქსელში მოძღვარს ერის ლანძღვაში ადანაშაულებენ. რაც მამა პეტრემ შემდეგნაირად განმარტა:

რა მენტალობაა, რა აზროვნებაა!.. რა შუაშია?! ვინაიდან ილია არ ვარ, ხმის ამოღების უფლება არ მაქვს?! მართალი ყოფილა ილია- „მე მიყივლია და გათენდება თუ არა, ღმერთმა უწყისო“!..“, – წერს პოსტის კომენტარებში პეტრე კოლხი.

მოგვიანებით, მოძღვარმა კიდევ რამდენიმე პოსტი მიუძღვნა არსებულ ვითარებას:

„ჰოდა, შინ დარჩენილებმა სავაჭრო ცენტრებთან მდგარ ხალხზე ვილოცოთ, უკან მშვიდობით დაბრუნდნენ!..“

„როგორი უმადურები ვართ, ხალხი რიგში იყინება და მაინც არ ვაფასებთ!..“ , – რასაც ისევ დიდი გამოხმაურება მოჰყვა.

გააზიარეთ და მოიწონეთ სტატია:

მსგავსი სტატიები