ოლიგარქი, ბიძინა ივანიშვილი ოფშორული კომპანიის საშუალებით რუსეთში, სულ მცირე, 1 კომპანიას ფლობს. ამის შესახებ შესაბამის ინფორმაციას, ”საერთაშორისო გამჭვირვალობა საქართველოს” თავმჯდომარე, ეკა გიგაური ავრცელებს. გიგაური ივანიშვილის განცხადებებს, რომ არ ჰქონდა ბიზნესინტერესები რუსეთში 2012 წლის შემდეგ, არასწორს და ტყუილს უწოდებს.
“ჩვენი მონაცემებით, რომელიც დოკუმენტურად დადასტურებულია, დღეის მდგომარეობით, თავისი ოფშორული კომპანიის საშუალებით, ბიძინა ივანიშვილი სულ ცოტა 1 კომპანიას ფლობს რუსეთში და მას აქვს რუსეთში ბიზნესინტერესი. ასევე 2012-19 წლებში იგი მინიმუმ 10 კომპანიას ფლობდა რუსეთში, ასევე თავისი ოფშორული კომპანიების გავლით და ეს იმას ნიშნავს, რომ მისი განცხადებები, რომ თითქოს მას არ აქვს ბიზნესინტერესები რუსეთში 2012 წლის შემდეგ იყო არასწორი, ტყუილი და საზოგადოებაში არასწორი ინფორმაციის გავრცელება.
რაც შეეხება მისი ოჯახის წევრების ბიზნესინტერესებს, ჩვენი მონაცემებით, უჩა მამაცაშვილს აქვს საერთო ინტერესი და კომპანია გიორგი პოლტავჩენკოსთან, რომელიც სწავლობდა რუსეთის პრეზიდენტ პუტინთან ერთად კგბ-ს აკადემიაში და იგი იყო ადრე სანქტ-პეტერბურგის გუბერნატორი. აქ ახალი ისაა, რომ იგი 7 აპრილს დასანქცირდა აშშ-ის მიერ და მისი კომპანია ასევე დასანქცირებულ იქნა დასავლეთის რამდენიმე ქვეყნის მიერ.
ასევე, ბიძინა ივანიშვილის ძმა, ალექსანდრე ივანიშვილი და მამაცაშვილი საერთო ბიზნესს ფლობს ანა კუვოჩკოსთან, რომელიც 2021 წლამდე იყო რუსეთის დუმის დეპუტატი და მის მეუღლესთან, ბატონ ხერიანოვთან ერთად. ამასთან დაკავშირებით ასევე ვრცელდებოდა ინფორმაცია ქართულ მედიაშიც გასული თვეების განმავლობაში. საერთო ჯამში, ჩვენი კვლევის შედეგად ის კითხვები, რაც არსებობდა საქართველოს მთავრობის გაურკვეველ პოზიციებთან დაკავშირებით უკრაინის მხარდაჭერაზე, შესაძლოა იყოს კავშირი ზუსტად იმასთან, რომ ბიძინა ივანიშვილსა და მის ოჯახის წევრებს აქვთ ბიზნესინტერესები რუსეთში და შესაძლოა, ეს ინტერესები ზუსტად განსაზღვრავს დღევანდელი საქართველოს მთავრობის პოზიციებს“, – განაცხადა გიგაურმა.
newsreport.ge
მსგავსი სტატიები:
“ოცნება” არის ყველაფერზე წამსვლელი, ახლა მთავარია ქვეყანა არ დაზარალდეს”
იტალიელი ექსპერტის დასკვნით, გელათის რესტავრაციისას მძიმე შეცდომებია დაშვებული- ვაჩეიშვილი
რუსეთის დუმის სპიკერი: “საქართველო ღრმა კრიზისშია”
კარლ ბილდტი-“ევროპარლამენტი მოუწოდებს ქვეყანას მიაღწიონ შედეგებს ევროკავშირისგან ფინანსური დახმარბის მისაღებად”
პროკურატურის ვახტიორის დასკვნა მოიტანეთ, ის უფრო სანდოა – ნიკა გვარამია
“მთავრობის გადაწყვეტილება, უარი თქვას EU-ს დახმარებაზე, კითხვებს აჩენს საქართველოს მომავალზე”
სად დაფრინავდა დღეს იმედის დრონი – გამოხმაურებები სოციალურ ქსელში
“უახლოეს პერიოდში ჩავკეტავთ ცას” – რა საფუძველი აქვს კიევის ოპტიმიზმს?