დღეიდან კომპანია „ბორჯომი“ საწარმოო პროცესს აჩერებს

კომპანია „IDS ბორჯომი საქართველო“ იძულებულია, მიმდინარე წლის 29 აპრილიდან დროებით შეაჩეროს ბორჯომის ჩამომსხმელ ორივე ქარხანაში წარმოების პროცესი.

როგორც კომპანიის განცხადებაშია ნათქვამი, აღნიშნულის მიზეზი უკრაინაში მიმდინარე საომარი მოქმედებებია.

„გაცნობებთ, რომ უკრაინაში საომარი მოქმედებების დაწყების დღიდან კომპანია „IDS ბორჯომი საქართველო“ მძიმე ვითარებაში აღმოჩნდა. კომპანიის პროდუქციის რეალიზაციის ძირითად ბაზრებზე შექმნილ რთულ ვითარებას დაემატა საბანკო ანგარიშებზე შეზღუდული წვდომა, რამაც კომპანიას ჩაუკეტა სავალუტო შემოსავლების მიღებისა და კრედიტორებთან ანგარიშსწორების შესაძლებლობა.

კომპანია დღემდე სიტუაციის არსებითი გამოსწორების იმედით აგრძელებდა ფუნქციონირებას, რაც სამწუხაროდ, ამ დრომდე ვერ მოხერხდა.

აღნიშნულის გათვალისწინებით კომპანია იძულებულია, ა/წ 29 აპრილიდან დროებით შეაჩეროს ბორჯომის ჩამომსხმელ ორივე ქარხანაში წარმოების პროცესი.

იმედს ვიტოვებთ, რომ ვითარება უახლოეს მომავალში გამოსწორდება და მოგვეცემა ფუნქციონირების განახლების შესაძლებლობა“, – ნათქვამია განცხადებაში.

ცნობისთვის, „ბორჯომის“ მფლობელი სანქცირებული რუსი მილიარდერი, მიხაილ ფრიდმანია. მან კომპანიის აქციები წლების წინ, ბადრი პატარკაციშვილის ოჯახისგან შეიძინა.

primetime.ge

გააზიარეთ და მოიწონეთ სტატია:

მსგავსი სტატიები:

დღეს საქართველოში კორონავირუსის რეკორდულად მაღალი – 3 504 ახალი შემთხვევა დადასტურდა “ცხადმა იმდენი ქვა მესროლა – ძილი გამიტყდა”-კეკელიძე ინდოეთის ჯანდაცვის მინისტრმა ქვეყნის 29 შტატს „შავი სოკოს“ ეპიდემიის გამოცხადებისკენ მოუწოდა “სხვა კი არა, შენი თავი შეიცოდე ადამიანო”!!! ჩინეთში დელტა შტამის გავრცელების გამო შეზღუდვებს ამკაცრებენ “გუგული ვარ ასათიანი ოთხმოცდათექვსმეტი წელი შევასრულე, ჩემი ხნის აღარკაცი აღარ ვიცი ახლო მახლო თუა დარჩენილი ვინმე”-ზურა შევარდნაძე გურიაში ვაქცინაციის შესახებ ცნობიერების ამაღლების კამპანია – „საქართველოს სამსახურში ვიცრებით ერთმანეთისთვის“ მარათონი დაიწყო “თეთრი სიმშვიდე”-ღამის დათოვლილი ოზურგეთი