კიევზე სარაკეტო იერიშს რადიო თავისუფლების ჟურნალისტი, ვერა გირიჩი ემსხვერპლა. აღნიშნული ინფორმაცია თავდაპირველად, მისმა კოლეგამ ალექსანდრ დემჩენკომ გაავრცელა, შემდეგ კი რადიო თავისუფლების კიევის ბიურომაც დაადასტურა.
ჟურნალისტის ცხედარი დღეს, 29 აპრილს დილით ნანგრევებში აღმოაჩინეს.
ვერა გირიჩი რადიო თავისუფლების კიევის ბიუროში 2018 წლიდან მუშაობდა. მანამდე მუშაობდა სხვადასხვა წამყვან უკრაინულ ტელეარხებზე. გირიჩი საკუთარ სახლში იმყოფებოდა, როდესაც კორპუსს ჭურვი მოხვდა.
ალექსანდრ დემჩენკო სოციალურ ქსელში, დანგრეული კორპუსის გადაღებულ ფოტოს აქვეყნებს წარწერით: „ეს პატარა მანქანა ვერა გირიჩისაა – ჩემი კოლეგის „რადიო თავისუფლებადან“. ორიოდე წლის წინ ამ მანქანით ნემეშაევოში წაგვიყვანა, ოკუპირებულ ტერიტორიაზე რაც ხდებოდა ის რომ გაგვეშუქებინა. ახლა ვერა აღარაა. რუსული რაკეტა მის სახლს მოხვდა. ეს წერტილოვანი დარტყმა იყო. ვერა მთელი ღამე იქ იწვა, მხოლოდ დილით ნახეს. უბრალოდ არ ვიცი, როგორ გადმოვცე, რა არაჩვეულებრივი ადამიანი აღარაა ამქვეყნად“.
ვერა გირიჩის ბოლო ჩანაწერი ფეისბუქზე 10 აპრილით თარიღდება. მაშინ ის ფეისბუქზე წერდა, როგორ გაატარეს მისმა მშობლებმა ოკუპაციაში სინათლის, წყლის, გაზის და კავშირის გარეშე ერთი თვე.
რედაქცია ჟურნალისტის ახლობლების მიმართ თანაგრძნობას გამოთქვამს.
“გვემახსოვრება როგორც ნათელი ადამიანი და ნამდვილი პროფესიონალი“– წერია რედაქციის განცხადებაში.
რუსული რაკეტა გუშინ კიევში საცხოვრებელ სახლს იმ დროს მოხვდა, როცა კიევში იმყოფებოდა გაეროს გენერალური მდივანი.
რუსეთის თავდაცვის სამინისტრო ამტკიცებს, რომ შეტევის მიზანი თავდაცვითი საწარმო “არტიომის“ დაბომბვა იყო. თუმცა, რაკეტა სინამდვილეში საცხოვრებელ კორპუსს მოხვდა.
მსგავსი სტატიები:
“საქართველოს ქურდების და კრიმინალების მთავრობა, ჯილდოების განბაჟებას მთხოვს”
“გიორგიმ შეიძლება მოაწეროს, მაგრამ მე არ მოვაწერ,კოალიციას დავტოვებ, ბუნებრივია”
“2024 წლამდე არანაირი არჩევნები არ გვექნება, ჩვენ გვექნება სიმშვიდის და განვითარების 3 წელი”-კობახიძე
“არ მოგენატრათ თქვენი ქვეყნით სიამაყით განცდა?” – მიხეილ სააკაშვილის მიმართვა ხალხს, სასამართლო დარბაზიდან
“როგორც ჩანს ეს ჯამერი ჩართულია… პრეზიდენტისთვის საშიშია, აღნიშნავს რომ აქვს თავის ტკივილები” – თემურ ჯანაშია
უკრაინას სააკაშვილის გადაცემა არ მოუთხოვია, მათთვისაც თავის ტკივილია – კობახიძე
”კრიმინალ სააკაშვილის რეფორმების საბჭოში დანიშვნა ელჩის გაწვევაზე დიდი პრობლემაა” – კობახიძე
რუსული არმიის წარუმატებლობა – პუტინის ომის 37-ე დღე უკრაინაში