“დედამიწაზე იმისთვის ვართ, რომ ვიზრუნოთ ერთმანეთზე” – ჯო ბაიდენის საშობაო მილოცვა

აშშ-ს არჩეულმა პრეზიდენტმა ჯო ბაიდენმა და მისმა მეუღლემ საშობაო მილოცვა გაავრცელეს.

“მე და ჯილი თქვენ და თქვენს ოჯახს გისურვებთ მშვიდობას, ბედნიერებას და ჯანმრთელობას. ვიცით, რომ ჩვენს ქვეყანაში ძალიან ბევრისთვის ძალიან რთული წელი იყო…ბევრ ჩვენს თანამოქალაქეს უჭირს სამსახურის პოვნა, საკვების შოვნა, ქირის თუ სესხის გადახდა. ეს გვახსენებთ, რომ დედამიწაზე იმისთვის ვართ, ვიზრუნოთ ერთმანეთზე, გავცეთ რისი საშუალებაც გვაქვს და ვიყოთ სხვებისთვის დახმარების და იმედის წყარო, როგორც მეგობრების, ასევე უცხო ადამიანებისთვისაც”. – ამბობს ვიდეოში ჯო ბაიდენი.

“ბევრი ოჯახი შობას დანაკარგით ხვდება. მათ დაკარგეს ძვირფასი ადამიანები. მე და ჯოს გამოგვიცდია ეს მწუხარება. ვიცით რამდენს ნიშნავს გლოვის დროს კეთილი სიტყვა. ეს მადლიერების დროცაა და მადლიერნი ვართ იმ ადამიანების, რომლებიც წინა ხაზზე სასიცოცხლოდ აუცილებელ სამსახურს სწევენ და საკუთარ თავს რისკის ქვეშ აყენებენ ჩვენს გამო, მადლიერი ვართ იმ მეცნიერების, რომლებმაც იმუშავეს ვაქცინის შესაქმნელად. ვფიქრობთ იმ ჯარისკაცებზე, რომლებიც სახლიდან შორს არიან და მათ ახლობლებზე, რომლებსაც ისინი ენატრებათ. ჩვენმა ოჯახმა იცის თქვენი მსხვერპლის შესახებ და ჩვენი გული თქვენთანაა”. – ამბობს ჯილ ბაიდენი.

მისალოც ვიდეოში ჯო ბაიდენი ამბობს, რომ ჩვეულებრივ საშობაოდ სტუმრად 20-25 ადამიანი ჰყავთ ხოლმე, მაგრამ ამ წელს დღესასწაულს მარტო აღნიშნავენ.

“მოგვენატრება ჩვენი ოჯახი, მაგრამ ეს ისაა, რაც უნდა გავაკეთოთ რათა ისინი უსაფრთხოდ იყვნენ. იმედი გვაქვს, რომ თქვენც გაითვალისწინებთ და შეზღუდავთ გადაადგილებას და შეკრებების ზომას ამ წელს”. – თქვა მან.

პანდემიის დაწყებიდან აშშ-ში კორონავირუსი სულ 19 210 166 ადამიანს დაუდასტურდა, გარდაიცვალა 338 263 ინფიცირებული, გამოჯანმრთელდა – 11 257 711. სადღესასწაულო დღეებში აშშ-ს შტატების უმრავლესობაში ძალაში რჩება მკაცრი შეზღუდვები, მათ შორის გადაადგილებაზე და შეკრებებზე.

გააზიარეთ და მოიწონეთ სტატია:

მსგავსი სტატიები

  • 95
    ოზურგეთი - მდებარეობა ოზურგეთისა – საიდან დაერქვა ოზურგეთს თავისი სახელი? - თედო სახოკია - „მგზავრის წერილები“ (ჟურნალი „მოამბე“ 1897 წელი)თედო სახოკია - „მგზავრის წერილები“ (ჟურნალი „მოამბე“ 1897 წელი) მესამე თავი ოზურგეთი. - მდებარეობა ოზურგეთისა. – საიდან დაერქვა ოზურგეთს თავისი სახელი? -  ჰავა ოზურგეთისა. - სახლები. - ვაჭრობა და ვაჭრები. - ჩაცმულობა იქაურის ვაჭრისა. – „პარასკეობა“. - მეგრელი მწყემსები გურიაში. - ქალაქის ბაღი, მისი წარსული და აწმყო. - ოზურგეთი, როგორც…
    Tags: და, საზოგადოება
  • 94
    თემირლან მაჩალიკაშვილის ოჯახი ბრძოლას ადამიანის უფლებათა ევროპულ სასამართლოში აგრძელებს – EMC„სახელმწიფო უსაფრთხოების სამსახურის მიერ სოფელ დუისში მაჩალიკაშვილების ოჯახში ჩატარებული სპეცოპერაციიდან 3 წელი გავიდა, თუმცა ეროვნული სამართლებრივი სისტემის შიგნით თემირლან მაჩალიკაშვილის სიცოცხლის ხელყოფის უმძიმეს და სასტიკ საქმეზე სამართლიანი მართლმსაჯულების განხორციელების მიზანი ვერ მიიღწევა,- ამის შესახებ განცხადებას ადამიანის უფლებების სწავლებისა და მონიტორინგის ცენტრი (EMC) ავრცელებს. როგორც ორგანიზაციაში აცხადებენ, გამოძიების პირველ ეტაპზევე გამოიკვეთა,…
    Tags: და, საზოგადოება
  • 93
    ავტოკრატიის მიმართ ხალხმა გამოიმუშავა იმუნიტეტი – ბიძინა ივანიშვილიჩემთვის, როგორც რიგითი ქართველისათვის, სასიხარულო და საამაყოა, რომ ჩვენმა ხალხმა, ისტორიულად ძალზე ხანმოკლე პერიოდში, უნიკალური  გამოცდილება და უნარები შეიძინა”,-  ნათქვამია ,,ქართული ოცნება – დემოკრატიული საქართველოს“ თავმჯდომარის ბიძინა ივანიშვილის მიერ დღეს გამოქვეყნებულ წერილში. ბიძინა ივანიშვილის თქმით,  პოლიტიკური ლიდერების მიმართ მიამიტურად და ბრმად ნდობის პრაქტიკაც საბოლოოდ ჩაბარდა წარსულს და  ამიერიდან, ნებისმიერი ხელისუფლება…
    Tags: და, საზოგადოება
  • 91
    მოწყვლადი ჯგუფების დასაქმების გაუმჯობესების შესაძლებლობები გურიაში, აჭარასა და სამეგრელოში„უნარები დასაქმებისა და თანამშრომლობისთვის - პერსპექტივები საქართველოს რეგიონებისთვის (SECTORs)“ - ასე ჰქვია ევროკავშირის მიერ დაფინანსებულ პროექტს რომლის განხორციელებაც გურიის ახალგაზრდულმა რესურსცენტრმა ახლახანს დაიწყო საქართველოს ფერმერთა ასოციაციასთან, დემოკრატიის ინსტიტუტთან და ასოციაცია „ათინათთან“ პარტნიორობით. პროექტი სამწლიანია და მისი საქმიანობის არეალი გურიას, აჭარის ავტონომიურ რესპუბლიკასა და სამეგრელოს მოიცავს. პროექტის მიზანია საზოგადოების მოწყვლადი ჯგუფების…
    Tags: და, საზოგადოება