რუსული ძალები ხარკოვის მიმართულებით აქტიურ საომარ მოქმედებებს არ ახორციელებდნენ. მტრის ძირითადი ძალისხმევა მიმართული იყო ქალაქ ხარკოვიდან ჯარების გაყვანის უზრუნველყოფაზე, ოკუპირებული პოზიციებისა და მიწოდების მარშრუტების შენარჩუნებაზე, – ამის შესახებ უკრაინის შეიარაღებული ძალების გენერალური შტაბის ყოველდღიურ ანგარიშშია აღნიშნული.
მათივე ცნობით, რუსული ძალები სლოვიანსკის მიმართულებით ახორციელებდნენ სამოქალაქო და სამხედრო ინფრასტრუქტურის საარტილერიო დაბომბვას დოვგენკეს, დოლინას და ჰუსარივკას დასახლებებში.
ამასთან, რუსმა ოკუპანტებმა ჩაატარეს საჰაერო დაზვერვა „ორლან-10“ ტიპის უპილოტო საფრენი აპარატის გამოყენებით ხარკოვის რეგიონის იზიუმის, კაპიტოლივკასა და დიბროვას დასახლებების ტერიტორიებზე.
„დონეცკისა და ტავრიას მიმართულებებში მტერმა გამოიყენა ნაღმტყორცნები, არტილერია, სარაკეტო ყუმბარები და თვითმფრინავები თავდაცვის ძალების ქვედანაყოფებისთვის მაქსიმალური დანაკარგების მიყენების მიზნით,“- აღნიშნულია ინფორმაციაში.
გარდა ამისა, გენშტაბის ცნობით, მოწინააღმდეგე ცდილობს გააუმჯობესოს ტაქტიკური ვითარება კომიშუვახას, კრასნოჰორივკას, ნოვომიხაილივკას, კოსტიანტინივკასა და პობედას ტერიტორიებზე, თუმცა წარმატების გარეშე.
„ქალაქ მარიუპოლში მტერი აგრძელებს ჩვენი ქვედანაყოფების ბლოკადას „აზოვსტალის“ ქარხნის ტერიტორიაზე. ახორციელებს მასიურ საარტილერიო და საჰაერო დარტყმებს.
ზაპორიჟიეს მიმართულებით, ოკუპირებული ტერიტორიის შესანარჩუნებლად, მიმდინარეობს მოსამზადებელი ღონისძიებები ოკუპანტების მიერ მრავალდონიანი თავდაცვის ასაშენებლად,“- აღნიშნულია ინფორმაციაში.
გენშტაბის ცნობით, უკრაინელმა სამხედროებმა დონეცკსა და ლუგანსკში, ბოლო 24 საათის განმავლობაში, რუსი ოკუპანტების 10 შეტევა მოიგერიეს, გაანადგურეს 5 ტანკი, 5 საარტილერიო სისტემა, 6 ჯავშანტექნიკა და 7 მანქანა.
„გასული დღის განმავლობაში, საჰაერო თავდაცვის ნაწილებმა „ორლან-10“ ტიპის სამი უპილოტო საფრენი აპარატი ჩამოაგდეს,”- აცხადებენ გენშტაბში.
მსგავსი სტატიები:
მკვლელობა ქობულეთში – ადგილობრივების თქმით, მეზობელმა 30 წლის კაცს თავში ესროლა
ივანიშვილის მარიონეტებმა ყველა ზღვარი გადალახეს-პავილიონისი
გრეგორი პეკისა და ლეილა აბაშიძის შეხვედრა ტოკიოს კინოფესტივალზე
ნინო სუხიშვილი-როგორ შეიძლება ასე გაგლეჯილი საქართველო დიდხანს არსებობდეს
“დაბადების დღეს გილოცავ მეგობარო…ცრემლებამდე ატკინა ჩემმა წერილმა… მიხვდა, რომ მასაც იგივე ტიპის „ანდერძზე“ უნდა ეფიქრა”-ნანა გეგეჭკორი
”მიშას თემით იფარება ხელისუფლების ყველა წარუმატებლობა, მარცხი და გაკოტრება”
“დაგეგმილად რეცხვა, დაგეგმილად ბანაობა…” – ხალხი არაადეკვატურად გაზრდილ კომუნალურებზე
ომის დაწყებიდან დღემდე, უკრაინას 564,9 მლრდ დოლარზე მეტი ზარალი მიადგა