განათლების მინისტრის, მიხეილ ჩხენკელის გადაწყვეტილებით, მოსწავლეები ჭადრაკს პირველი კლასიდან სავალდებულო საგნად შეისწავლიან.
განათლების სამინისტროს მიერ გავრცელებულ განცხადებაში წერია, რომ მოსწავლეებში ანალიტიკური, ლოგიკური, კრიტიკული აზროვნებისა და პრობლემების პრაქტიკული გადაჭრის უნარ-ჩვევების განვითარების მიზნით, ჭადრაკი ზოგადი განათლების დაწყებითი საფეხურის პირველ კლასში სავალდებულო საგნად ემატება.
სავალდებულო საგნად ჭადრაკის შესწავლა 2022-2023 წლის სექტემბრიდან იგეგმება, მანამდე კი ჭადრაკის ეროვნულ ფედერაციასთან თანამშრომლობით მოსამზადებელი სამუშაოები მიმდინარეობს, მასწავლებლების ტრენინგების ორგანიზებისა და სასწავლო რესურსების მომზადების კუთხით.
“ჭადრაკი აუმჯობესებს მოსწავლეთა მრავალმხრივ უნარებს, როგორებიცაა: ყურადღება, კონცენტრირება, მეხსიერება, ანალიზი, ლოგიკა, გადაწყვეტილების მიღება, სივრცეში ორიენტირება და სხვა. ეს კი, პირდაპირ კავშირშია მათემატიკისა და სხვა საგნების სტანდარტებით განსაზღვრულ კომპეტენციებთან”. – ვკითხულობთ განათლების სამინისტროს მიერ გავრცელებულ განცხადებაში.
სკოლებში ჭადრაკის სწავლება გათვალისწინებულია ევროკავშირის 2012 წლის დეკლარაციით, რომელიც საგანმანათლებლო სისტემებში ჭადრაკის სწავლების დანერგვას ითვალისწინებს.
მსგავსი სტატიები:
,,ჩავუსაფრდი და ვუთხარი, რომ…”
2020 წელს საქართველოში 4 999 ავტოსაგზაო შემთხვევა მოხდა, დაიღუპა 450 ადამიანი
სალხინოს ღვთისმშობლის შობის ტაძრის ეზოში სიტყვიერი და ფიზიკური დაპირისპირება იყო
ნახტომისებური ზრდა: ამდენი ადამიანი კორონავირუსით დიდი ხანია არ დაინფიცირებულა (დღევანდელი მონაცემები)
კორონავირუსით ინფიცირების მაჩვენებელი შემცირდა, გამოჯამრთელებულთა რიცხვი გაიზარდა
“სინდისის პატიმარია იგი დღეს სინდისისგან გაძარცვულ ქვეყანაში”-ზურაბ გურული
„Facebook-ით ვუსამძიმრებ სანდრას, მის მამას, ედუარდს, ძმას, და ჩემს ნიკუშას და ედუჩას მაგდა ვან დერ პულის გარდაცვალებას“ – მიხეილ სააკაშვილი
მართლმადიდებელი ეკლესია 7 აპრილს ხარების დღესასწაულს აღნიშნავს