იან კელის პოზიციამ გაუადვილა ნიკა გვარამიას, 7 მილიონით გაეძარცვა “რუსთავი 2” – კობახიძე

იან კელის და დევიდ კრამერს ლობისტებს უწოდებს “ოცნების” თავმჯდომარე კობახიძე და აშშ-ს ყოფილ ელჩს საქართველოში, ახალ ბრალდებას უყენებს:

“კელი და კრამერი საერთოდ აღარ არიან საინტერესო. პირდაპირ გამოიკვეთა, რომ ისინი არიან ლობისტები და იან კელის ერთი რამე მინდა შევახსენო, რომ მისი პოზიცია იყო ძალიან პრობლემური თავის დროზე რუსთავის 2-ის საქმესთან დაკავშირებით და მისმა პოზიციამაც სამწუხაროდ გაუადვილა ნიკა გვარამიას 7 მილიონით რუსთავი 2 გაეძარცვა, ეს არის სამწუხარო. იან კელის არავითარი მორალური უფლება არ აქვს ნიკა გვარამიას სისხლის სამართლის საქმეზე ისაუბროს” – ამბობს კობახიძე.

ამერიკელი დიპლომატების ვრცელ პუბლიკაციაში სათაურით  “პუტინი მარცხდება უკრაინაში, თუმცა იმარჯვებს საქართველოში”, საუბარია ნიკა გვარამიას პოლიტიკურად მოტივირებულ ბრალზე და მის პოლიტიკურ პატიმრობაზე.

იან კელის ენმ-ს ლობისტი დღეს გია ვოლსკიმაც უწოდა.

გააზიარეთ და მოიწონეთ სტატია:
Pin Share