დღეს ოზურგეთში მთავარი ოპოზიციური ძალის, “ნაციონალური მოძრაობის” წარმომადგენლებმა აქცია გამართეს.
მათი წარმომადგენლების განცხადებით, აქციის მიზანი საზოგადოებისათვის ინფორმაციის მიწოდება იყო, რომ ჩვენს ქალაქში მიმდინარე ინფრასტრუქტურულ პროექტებს ევროკავსირი აფინანსებს და არა ‘ქართული ოცნება’. ეს უკანასკნელი კი გულმოდგინედ უმალავს ხალხს სიმართლეს.
ოზურგეთის მუნიციპალიტეტის 2022 წლის ბიუჯეტი 29 მილიონი ლარით გაიზარდა-დღეს ოზურგეთის მუნიციპალურმა საკრებულომ მიმდინარე წლის ბიუჯეტში ცვლილებების შეტანას უყარა კენჭი და ხმათა უმრავლესობით დაამტკიცა.
ცვლილებების შეტანის, ანუ ,მატების მიზეზი ძირითადად ევროკავშირის მიზნობრივი გრანტი გახდა-ევროპამ დაახლოებით 11 მილიონი ლარი ოზურგეთის მუნიციპალიტეტს ინფრასტრუქტურული პროექტების განსახორციელებლად გადასცა.
უფრო კონკრეტულად ევროკავშირმა დახმარების პროგრამის ფარგლებში ქვეყნის ყველა მუნიციპალიტეტს მნიშვნელოვანი თანხები გადასცა-მათ შორის ყველაზე მეტი ოზურგეთისა და თიანეთის მუნიციპალიტეტებს.
ეს საკითხი გასულ წელს გადაწყდა და მაშინვე გავრცელდა არაოფიციალური ინფორმაცია, რომ ოზურგეთისა და თიანეთის გამორჩევა იმიტომ მოხდა, რომ აქ მაშინ ხელისუფლების სათავეში დამოუკიდებელი მერები- შარაშენიძე და მეჭიაური იყვნენ.
ჩვენს კითხვებს, თუ რატომ არ არის ევროკავშირი არც ერთ დონეზე ნახსენები, ხელისუფლების წარმომადგენლების მხრიდან გაღიზიანებები მოყვა, მერმა ავთანდილ თალაკვაძემ, რომელიც სამსახურეობრივ კაბინეტში აქციის დროს შედიოდა ეს კითხვა უპასუხოდ დატოვა.
ოზურგეთის მუნიციპალურმა საკრებულომ, მხოლოდ ის აღნიშნა, რომ “საქართველოს მთავრობის 2021 წლის 27 აპრილის #754 განკარგულებით საპილოტე რეგიონების ინტეგრირებული განვითარების პროგრამის ფარგლებში ოზურგეთის მუნიციპალიტეტს გამოეყო 11 135 552 ლარი”.
მსგავსი სტატიები:
თავდიშვილი საკრებულოს თავმჯდომარე-გოგუაძე მჟავანაძე მერის მოადგილეებად ირაკლი ღლონტმა “მომავლის გუნდი” წარადგინა
არჩილ თალაკვაძე-ნაცმოძრაობის კუთვნილი ტელევიზია შეიჭრა საარჩევნო ოფისში
მთავარი ოპოზიციური ძალის კანდიდატი ლაითური-ნარუჯის ოლქში რაინდი დუმბაძე იქნება
“ერთიანი ნაციონალური მოძრაობის” სოლიდარობა ლანჩხუთში გიორგი გახარიას მხარდამჭერებს
არჩილ თალაკვაძისა და ბეგლარ სიორიძის საიდუმლო “სერობა” “ოზურგეთი პლაზაში”
გაყალბებების სერია ოზურგეთში-სად მიდის გივი ცეცხლაძის ხმები
ცრუ დასმენა დღეს გასამართლებულ დეპუტატზე ლავრენტი ბიგვავამ განახორციელა
“მადლობა ავთო თალაკვაძეს” – რატო უმალავს ოზურგეთის ხელისუფლება ხალხს სიმართლეს