11 წლის ქართველმა ვუნდერკინდმა ბერლინის მუსიკალური სამყარო შოკში ჩააგდო

უკვე იცით, რომ გერმანელ პიანისტსა და დირიჟორს, დანიელ ბარენბოიმს მსოფლიოში აღიარებულმა მევიოლინემ, ლიზა ბათიაშვილმა ჩვენი ვუნდერკინდი ავტორ-შემსრულებლის, ცოტნე ზედგინიძის ჩანაწერები მოასმენინა. ბარენბოიმ მოითხოვა, რომ პანდემიის მიუხედავად, ქართველი ვუნდერკინდი მასთან ჩაეყვანათ.

“იმდენად მტკიცე იყო მაესტროს სურვილი, რომ შეუძლებელი შევძელით ყველამ და ცოტნე, ოჯახის წევრების თანხლებით, ბერლინში გაემგზავრა. ბარენბოიმმა კოლეგები, კომპოზიტორები შეკრიბა და ცოტნეს ექსპრომტ-კონცერტი ჩაატარებინა, რამაც მათში სრული შოკი გამოიწვია, – წერს ნიკოლოზ რაჭველი.

გთავაზობთ ლიზა ბათიაშვილის, პაატა ბურჭულაძის, თეონა ჯორბენაძის და ცოტნეს ბიძაშვილის, ლიზა მამრაძის კომენტარებს ამ მნიშვნელოვანი ფაქტის შესახებ, საიდანაც ბევრ რამეს შეიტყობთ.

 

No description available.

ლიზა ბათიაშვილი: – ეს არის 2020 წლის ფრაზა. ნახეთ, რა თქვა დანიელ ბარენბოიმიმ, რამდენიმე წუთის შემდეგ, რაც მან ცოტნე ზედგინიძე პირველად მოისმინა.

“მე ცოტნესნაირი ბავშვი არც მინახავს და არც მეგულება, ყველაფერს გავაკეთებ და მისთვის ყოველთვის მისაწვდომი ვიქნები, თუ რამეში შემიძლია დავეხმარო.”

2020 წელი თითქმის დასრულდა და მიუხედავად ყველა სირთულეების და დანაკარეგებისა, ამ წელიწადმა სურპრიზები და მოულოდნელი გამოწვევები გაგვიჩინა.
ამ უჩვეულო და რთულ წელს ვაცილებთ მზის სხივით, რომელმაც ბევრი ადამიანი ერთად შეკრა იმისთვის, რომ 11 წლის უნიკალური ბიჭის პირველი ვიზიტი ბერლინში შემდგარიყო.
ცოტნეს გამომგზავრება, თან ასეთ რთულ პერიოდში, სულ არ იყო მარტივი, რბილად რომ ვთქვათ, მაგრამ ამ ბედნიერი წუთების განცდა, ცოტნეს აქ ყოფნის დროს, იყო სიცოცხლის და ნიჭის ზეიმი, რისთვისაც მინდა დიდი მადლობა გადავუხადო პირველ რიგში: დათო საყვარელიძეს და მთელი წინანდლის ფესტივლის გუნდს! ცოტნეს ოჯახს, ბულეზ აკადემიის ადმინისტრაციას, მაესტრო ბარენბოიმს, მაესტრო იორგ ვიდმანს.

და ნიკუშას, ნიკოლოზ რაჭველს, რომელმაც შარშან პირველად გამაცნო ეს საოცარი ბავშვი.
ეს იყო ბედნიერება ამ კადრების ცოცხლად ნახვა, როცა პატარა ცოტნე დიდ დანიელს და იორგს ისე ესაუბრება, თითქოს უკვე დიდი ხნის ტოლი მეგობრები და კოლეგები იყვნენ და ერთმანეთს პატივს ცემდნენ.

მე ვუსურვებ ამ ბიჭს მშვიდობიან, თავისუფალ, კრეატიულ იმპულსებით სავსე წელს, ახალ გამოწვევებს და გაწონასწორებულ ზრდას. ეს სინათლის სხივი საქართველოს ელჩი არის და იქნება!

 

No description available.

ლიზა მამრაძე: – საოცრებების მომსწრე გავხდი ბოლო ხუთი დღის განმავლობაში.
შექმნილი რთული მდგომარეობის მიუხედავად, შედგა ცოტნეს კონცერტი ბერლინში და შეხვედრა დიდ მაესტროსთან – დანიელ ბარენბოიმთან და შესანიშნავ კომპოზიტორთან, იორგ ვიდმანთან.
კონცერტზე ცოტნემ შეასრულა თავისი ნაწარმოებები: “დიპტიხი”, დედისადმი მიძღვნილი “ზარები”, “ზმანებანი”, სამი საფორტეპიანო ეტიუდი და თავისი დის, ნინიკოსადმი მიძღვნილი ციკლი – საბავშვო ალბომი. ასევე, დანიელ ბარენბოიმის თხოვნით დაუკრა ბრამსის მესამე, ფა მინორული სონატის პირველი ნაწილი.
მთელი კონცერტის განმავლობაში ვაკვირდებოდი დარბაზს, სახეებს, რეაქციებს და ვხედავდი დიდ გაოგნებას, აღფრთოვანებას, გაოცებისგან ხელებს შლიდნენ და თითქოს ახსნასაც ვერ პოულობდნენ იმის, რაც ხდებოდა. კონცერტის დასრულებისას დანიელ ბარენბოიმი მაშინვე წამოდგა ფეხზე და ასე უკრავდა ტაშს.
იორგ ვიდმანმა თქვა: ამ კონცერტის შთაბეჭდილებების მერე თვალიც ვერ მოვხუჭე. ცოტნეს გონებაში უკვე ყველაფერი აქვს, ჩვენ ვერაფერს ვასწავლით, ერთ ნოტსაც ვერ შევცვლით მის მუსიკაშიო, მხოლოდ ფურცელზე გადმოტანას – ჩაწერას ვასწავლითო.
დანიელ ბარენბოიმისგან კი ასეთი შეფასებები მოვისმინეთ: “საოცარი”, “ფენომენალური”,
“უნიკალური”…

No description available.

კონცერტის შემდეგ მასტერკლასებიც ჰქონდა ცოტნეს, ბრამსის ფა მინორულ სონატაზე დანიელ ბარენბოიმთან და თავის საკუთარ მუსიკაზე იორგ ვიდმანთან. საოცარი იყო მათი ურთიერთობა 11 წლის ცოტნესთან – თანასწორ, თანატოლ მუსიკოსებს შორის აზრთა გაცვლა. სიტყვებით ვერ გადმოვცემ ემოციების და განცდების მეასედსაც კი, ვგრძნობდით ყველა, ვინც შევესწარით ამ საოცარ დღეებს.
უდიდესი მადლობა ყველა ორგანიზატორს: დავით საყვარელიძეს და წინანდლის ფესტივალის ჯგუფს, რომ შეძლეს ამ მოგზაურობის დაგეგმვა. ასევე დიიდი მადლობა ლიზა ბათიაშვილს ყველაფრისთვის, ამ დღეების განმავლობაში (და ყოველთვის) წარმოუდგენელი გვერდში დგომისთვის! ნიკა რაჭველს, თეონა ჯორბენაძეს – მადლობა ყველაფრისთვის, ყოველთვის!

სულ ბოლოს დავამატებ: უბედნიერესი ვარ, რომ შევძელი ჰაიდელბერგიდან ბერლინში ჩასვლა, ერთი წლის შემდეგ ჩემს ოჯახთან (ოჯახის ნაწილთან) შეხვედრა და ამ დღეებში მამიდას და ცოტნეს გვერდზე ყოფნა, ცოტნეს არც ერთი კონცერტი არ გამიცდენია და ჩვენთვის, ცოტნესთვის, ჩემთვის ძალიან ბევრს ნიშნავდა ამ დღეებში ერთად ყოფნა. დიდი მადლობა ჩემს მეგობრებს, რომ შესაძლებელი გახადეს ჩემი ეს მოგზაურობა.

 

No description available.

თეონა ჯორბენაძე: – ჩვენმა მზე ბიჭმა გაგვაბედნიერა მძიმე წლის ბოლოს. მადლობა ნიკას მისი აღმოჩენისთვის, მადლობა ლიზას მისი მსოფლიო ასპარეზზე წარმოჩენისთვის, მადლობა დათო საყვარელიძეს და წინანდლის ფესტივალს უდიდესი ძალისხმევისთვის. მადლობა ფონდ “იავნანას” ცოტნეს კონცერტების ორგანიზებისა და მხარდაჭერისთვის. უდიდესი მადლობა მის ბებიასა და პედაგოგს ნინა მამრაძეს მისი ტალანტის ხელშეწყობისა და განვითარებისთვის.
სიცოცლე და ნიჭი ყოველთვის იმარჯვებს ❤
ბედნიერი 2021 სამყაროს!

პაატა ბურჭულაძე: – ამ საოცარი ბიჭის კონცერტი ფონდ “იავნანას” პარიზის ბასტილიის თეატრში უნდა გაემართა ჯერ კიდევ გაზაფხულზე, მაგრამ პანდემიის გამო ჩაიშალა. სიმართლე გითხრათ, ძალიან ვწუხდი, რადგან ასეთ დროს ყველა დღეს და თვეს მნიშვნელობა აქვს. უზომოდ გახარებული ვარ, რომ ჩვენი სახელოვანი ლიზა ბათიაშვილის დახმარებით მაინც მოხერხდა მისი გაყვანა საზღვარგარეთ. ცოტნემ გააოცა მსოფლიოს ერთ-ერთი ყველაზე დიდი მუსიკოსი და პიროვნება დანიელ ბარენბოიმი! ეს მთელი ქვეყნის სიხარული და გამარჯვებაა.

მადლობა ცოტნეს პედაგოგს ნინა მამრაძეს, მადლობა დათო საყვარელიძეს და წინანდლის ფესტივალს, მადლობა ფონდ “იავნანას”! ყველაზე დიდი მადლობა კი არაერთი ნიჭიერი მუსიკოსის აღმომჩენსა და ქომაგს – ნიკოლოზ რაჭველს, რომელმაც სცენაზე გამოიყვანა და ყველა ჩვენგანს გაგვაცნო 11 წლის კომპოზიტორი და პიანისტი ცოტნე ზედგინიძე!

 

No description available.

გააზიარეთ და მოიწონეთ სტატია:

მსგავსი სტატიები

  • 95
    კალანდა-ოზურგეთის თეატრის მსახიობები(ვიდეო)კალანდა სიმღერით გურულებს გასულ წელს ოზურგეთის თეატრის კოლორიტმა მსახიობებმა - ომარ ურუშაძემ, ჯემალ კეჭაყმაძემ და აწ გარდაცვლილმა ნუგზარ ბარამიძემ კოლეგებთან ერთად მიულოცეს.
    Tags: და, საზოგადოება, მთავარი, თემა, ახალი, ამბები, კულტურა
  • 94
    დოდო აბაშიძე - ნამდვილი პანტერა„დოდო თავისი სისუფთავით, ვაჟკაცობით, გონიერებით, სიყვარულით ჩვენი უბნის და მთელი ქალაქის საზომი იყო. ომის დროს „ზემელზე“ პურს ყიდდა, რომ თავისი საძმო გამოეკვება. არაჩვეულებრივი ოჯახიშვილი გახლდათ, ჩემი უფროსი მეგობარი და ყველას გაჭირვების ტალკვესი. დოდოსგან ვისწავლეთ ყველაფერი: ქუჩაში ლაღად დადიოდა, მართალი ნაბიჯი და უდიდესი მოთმინების უნარი ჰქონდა. თავისი ინიციატივით არასოდეს უჩხუბია, მაგრამ…
    Tags: და, საზოგადოება, მთავარი, თემა, ახალი, ამბები, კულტურა
  • 93
    “ჩემთვის პრინციპული საკითხი იყო, ის რუსი ბალერინა ყოფილიყო“-კეხმანი ანანიაშვილზენოვოსიბირსკის ოპერისა და ბალეტის თეატრის ხელმძღვანელი, ვლადიმირ კეხმანი ამბობს, რომ ის თბილისის ოპერისა და ბალეტის თეატრის ხელმძღვანელს, ნინო ანანიაშვილს შეუთანხმდა, რომ, თუკი ის ნოვოსიბირსკის საბალეტო დასის ხელმძღვანელი გახდებოდა, ის რუსი ბალერინა იქნებოდა. ამის შესახებ კეხმანი რუსულ გამოცემა Московский комсомолец-ს ესაუბრა და ნინო ანანიაშვილთან დადებული და მოგვიანებით შეწყვეტილი შეთანხმების დეტალებზე ისაუბრა. "თებერვალში…
    Tags: და, საზოგადოება, მთავარი, თემა, ახალი, ამბები, კულტურა
  • 93
    2021 წლიდან უფროსი და წამყვანი სპეციალური მასწავლებლები სტატუსის შესაბამის დანამატს აიღებენსაჯარო სკოლების უფროსი და წამყვანი სტატუსის მქონე სპეციალური მასწავლებლები სქემით განსაზღვრული სტატუსის შესაბამის დანამატის ოდენობას 2021 წლიდან მიიღებენ. ამის შესახებ ინფორმაციას განათლების, მეცნიერების, კულტურისა და სპორტის სამინისტრო ავრცელებს. „2018 წელს ზოგადი განათლების შესახებ საქართველოს კანონში შესული ცვლილების საფუძველზე, ინკლუზიურ განათლებაში დასაქმებული სპეციალისტები სისტემამ მასწავლებლად აღიარა. 2020 წელს კი სპეციალური მასწავლებლები პროფესიული…
    Tags: და, საზოგადოება, მთავარი, თემა, ახალი, ამბები, კულტურა