ოზურგეთში ტაეკვანდოში გურიის რეგიონის ღია პირველობა დაიწყო

შეჯიბრში, რომელსაც ოზურგეთის მუნიციპალიტეტი, სპორტის სასახლე მასპინძლობს ცამეტი მუნიციპალიტეტი, 220 სპორტსმენით იღებს მონაწილეობას.

შეჯიბრი სხვადასხვა წონით კატეგორიაში , 8 – 16 წლამდელთა შორის მიმდინარეობს.

ფართომასშტაბიანი შეჯიბრის ორგანიზება გურიის ტაეკვანდოს ფედერაციასთან ერთად , ოზურგეთის მუნიციპალიტეტის სპორტულ-გამაჯანსაღებელ დაწესებულებათა გაერთიანებამ, ოზურგეთის მერიის მხარდაჭერით მოახდინა.

შეჯიბრი ტარდება ტაეკვონდო WT. ოლიმპიურ სახეობაში.

ასპარეზობების დაწყებამდე ტაეკვანდოს გურიის ფედერაციამ, მისმა პრეზიდენტმა ირაკლი ტუღუშმა გაწეული მხარდაჭერისთვის ადგილობრივი ხელისუფლების,მერიის სპორტული სამსახურის წარმომადგენლები, სპორტულ – გამაჯანსაღებელ დაწესებულებათა გაერთიანების ხელმძღვანელი პირები, მედიის წარმომადგენლები, მსაჯები სხვადასხვა მუნიციპალიტეტებიდან, ასევე გულშემატკივრები სიგელებით დააჯილდოვა.

დღესვე გიორგი ბერიძეს ( დაბა ურეკის სექცია) შავი ქამარი I დანი WT მიენიჭა.

სპორტული ღონისძიება მუსიკალურად და ქორეოგრაფიულად ანსამბლებმა ზენაამა და სალოტბარო სკოლის მოსწავლეებმა გააფორმეს.