„სააკაშვილისა და გვარამიას საქმეები კანდიდატის სტატუსის მიღებას გაართულებს“ – კრამერი

აშშ-ს სახელმწიფო დეპარტამენტის მაღალჩინოსანი და ფლორიდის საერთაშორისო უნივერსიტეტის მკვლევარი, დევიდ კრამერის ფიქრობს, რომ “მთავარი არხის” გენერალური დირექტორისა და მესამე პრეზიდენტის პატიმრობა ევროკავშირის კანდიდატის სტატუსის მიღებაზე გავლენას იქონიებს.

საქართველოში არსებულ სასამართლო სისტემაზე კრამერმა “პალიტრანიუსის” ეთერში ისაუბრა. მისი თქმით, ხელისუფლება ბიძინა ივანიშვილის მიერ კონტროლდება და ქვეყანა არასწორი მიმართულებით მიდის.

ჟურნალისტის კითხვას – როგორ ფიქრობთ, გვარამიას საქმემ, ამასთან მიხეილ სააკაშვილის პატიმრობაში ყოფნამ შეიძლება თუ არა რაიმე ფორმით ზეგავლენა იქონიოს კანდიდატის სტატუსის მიღებაზე – კრამერმა უპასუხა:

“დიახ, ვფიქრობ, გავლენას ნამდვილად იქონიებს. ეს შემთხვევები კანდიდატის სტატუსის მიღებას გაართულებს. საუბარია არა მხოლოდ გასული კვირების შედეგებზე. ეს გრძელდება გასული რამდენიმე წელია. რასაც ჩვენ ახლა ვხედავთ არის ხელისუფლება, რომელიც კონტროლდება ბატონი ივანიშვილის მიერ. ამ ყველაფრის გათვალისწინებით, ვფიქრობ, რომ ქვეყანა არასწორი მიმართულებით მიდის.

არის კვლევები, რომ ქართველების უმეტესობა მხარს უჭერს საქართველოს ევროკავშირში გაწევრიანებას, ასევე ნატო-ში შესვლას, პრესის თავისუფლებას, მაგრამ როგორც ჩანს, მთავრობა ხალხის აზრს არ იზიარებს. ხშირად მსგავსი პრობლემები არჩევნების გზით წყდება, თუმცა საპარლამენტო არჩევნებსაც ხარვეზები ჰქონდა. მოცემული მთავრობის პირობებში საქართველოს კანდიდატის სტატუსი უფრო სუსტ პოზიციაშია”, – თქვა დევიდ კრამერმა.

გააზიარეთ და მოიწონეთ სტატია:

მსგავსი სტატიები:

პარლამენტთან აქცია იმართება – რუსთაველის გამზირი გადაიკეტა ევროპული საბჭოს პრეზიდენტი, შარლ მიშელი, საქართველოს ეწვევა ეს დღე ჩვენია-26 მაისი საქართველოს და,მოუკიდებლობის დღეა როდესაც პატიმარი შიმშილობს, ამაზე პასუხისმგებელია მოშიმშილე პატიმარი, მარტივადაა საქმე – კობახიძე სააკაშვილზე წამებისა და არაადამიანური მოპყრობის მორიგი ფაქტი-მიხეილ სააკაშვილის მდგომარეობა უკიდურესად მძიმდება 81 მომხრე 7 წინააღმდეგი – პარლამენტმა სახელმწიფო ინსპექტორის სამსახურის გაუქმებას მხარი დაუჭირა რუსულმა საბრძოლო თვითმფრინავებმა შვედეთის საჰაერო სივრცე დაარღვიეს – შვედეთის შეიარაღებული ძალები “ათასჯერ მოიტყუეს…ექიმების ნათქვამი ათასჯერ ვნახეთ წინა იგივე დრამატურგიაში…”-დავითულიანი